<p>தமிழ்நாட்டில் படிப்படியாக வெப்பநிலை உயர்ந்து வரும் நிலையில், கடந்த 24 மணி நேரத்தில் அதிகபட்ச வெப்பநிலையாக வேலூரில் 40 ° செல்சியஸ் ( 104 டிகிரி ஃபாரன்ஹீட் ) பதிவாகியுள்ளதாக வானிலை மையம் தெரிவித்துள்ளது. இந்நிலையில், அடுத்த நாட்களுக்கு வானிலை எப்படி இருக்கும் என்பது குறித்து பார்ப்போம். </p>
<h2><strong>கடந்த 24 மணி நேரத்திற்கான வானிலை :</strong></h2>
<p><strong>மழை நிலவரம்:</strong></p>
<p>தென் தமிழகத்தில் (திருநெல்வேலி & தென்காசி மாவட்டங்களில்) ஓரிரு இடங்களில் மழை பெய்துள்ளது. வட தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவியது.</p>
<p><strong>பதிவான மழை அளவு (சென்டிமீட்டரில்):</strong></p>
<p>அடையாமடை (கன்னியாகுமரி) 1 செ.மீ.</p>
<p><strong>வெப்பநிலை நிலவரம்:</strong></p>
<p>அதிகபட்ச வெப்பநிலை:- வேலூர் : 40.0° செல்சியஸ்</p>
<p>குறைந்தபட்ச வெப்பநிலை (சமவெளிப்பகுதிகளில்): கரூர் பரமத்தி: 20.5 டிகிரி செல்சியஸ்</p>
<p>கடந்த 24 மணி நேரத்தில் தமிழகத்தில் ஓரிரு இடங்களில் அதிகபட்ச வெப்பநிலை 2-4 டிகிரி செல்சியஸ் உயர்ந்துள்ளது. ஏனைய தமிழகம், புதுவை மற்றும் காரைக்கால் பகுதிகளில் அதிகபட்ச வெப்பநிலையில் பொதுவாக பெரிய மாற்றம் ஏதுமில்லை.</p>
<blockquote class="twitter-tweet">
<p dir="ltr" lang="ta">தமிழகம், புதுவை மற்றும் காரைக்கால் பகுதிகளுக்கான தினசரி வானிலை அறிக்கை<a href="https://t.co/467dVuULiL">https://t.co/467dVuULiL</a> <a href="https://t.co/0Zi2GdbrND">pic.twitter.com/0Zi2GdbrND</a></p>
— IMD-Tamilnadu Weather (@ChennaiRmc) <a href="https://twitter.com/ChennaiRmc/status/1905534850771353673?ref_src=twsrc%5Etfw">March 28, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>வட தமிழக உள் மாவட்டங்களின் சமவெளி பகுதிகளில் 35-40 டிகிரி செல்சியஸ், தென் தமிழக உள் மாவட்டங்களின் சமவெளி பகுதிகளில் 35-37 டிகிரி செல்சியஸ், வட தமிழக கடலோரப்பகுதிகள், புதுவை மற்றும் காரைக்கால் பகுதிகளில் 33-39 டிகிரி செல்சியஸ் மற்றும் தென் தமிழக கடலோரப்பகுதிகளில் 33-35 டிகிரி செல்சியஸ் பதிவாகியுள்ளது.</p>
<p>இதையும் படிக்க: <a title="தாம்பரம் - ராமேஸ்வரம் இடையே புதிய ரயில்: மத்திய அமைச்சகம் அதிரடி அறிவிப்பு: எப்போது?" href="https://tamil.abplive.com/news/tamil-nadu/tambaram-rameswaram-new-train-approved-by-ministry-of-railways-said-by-bjp-lead-annamalai-219688" target="_self">தாம்பரம் - ராமேஸ்வரம் இடையே புதிய ரயில்: மத்திய அமைச்சகம் அதிரடி அறிவிப்பு: எப்போது?</a></p>
<h2><strong>அடுத்த ஏழு தினங்களுக்கான வானிலை:</strong></h2>
<p>தென்னிந்திய பகுதிகளின் மேல், வளி மண்டல கீழடுக்கு பகுதிகளில், கிழக்கு மற்றும் மேற்கு திசை காற்று சந்திக்கும் பகுதி நிலவுகிறது. இதன் காரணமாக, இன்று 28-03-2025: மேற்கு தொடர்ச்சி மலை மற்றும் அதனை ஒட்டிய மாவட்டங்களில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும். இதர தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும்.</p>
<p>29-03-2025 மற்றும் 30-03-2025: தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.</p>
<p>31-03-2025: தென் தமிழகத்தில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும். வட தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும்.</p>
<p>01-04-2025: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும்.</p>
<p>02-04-2025 மற்றும் 03-04-2025: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும் என வானிலை மையம் தெரிவித்துள்ளது. </p>
<p>மேலும், 28-03-2025 முதல் 30-03-2025 வரை; தமிழகத்தில் ஒருசில இடங்களில் அதிகபட்ச வெப்பநிலை 1-2° செல்சியஸ் வரை படிப்படியாக உயரக்கூடும் எனவும் வானிலை மையம் தெரிவித்துள்ளது.</p>
8 months ago
6 
