<p>மார்ச்‌ மாதம் நடைபெற உள்ள, மேல்நிலை முதலாமாண்டு / இரண்டாமாண்டு பொதுத்‌ தேர்வுகளை எழுதும் பள்ளி மாணவர்களுக்கான தேர்வுக்கூட அனுமதிச்‌ சீட்டுக்களை (ஹால் டிக்கெட்) பிப்ரவரி 17 முதல் பதிவிறக்கம்‌ செய்யலாம் என்று அரசுத்‌ தேர்வுகள்‌ இயக்குநர்‌ ந.லதா அறிவித்துள்ளார். இதற்கான அறிவுரைகளையும் வழங்கியுள்ளார்.</p>
<p>அதில் மேலும் கூறப்பட்டுள்ளதாவது:</p>
<p>நடைபெறவுள்ள மார்ச்‌ - 2025 மேல்நிலை பொதுத்‌ தேர்விற்கு, பள்ளித்‌ தலைமை ஆசிரியர்கள்‌ தங்கள்‌ பள்ளி மாணவர்களது தேர்வுக்கூட அனுமதிச் சீட்டுக்களை, மேல்நிலை இரண்டாம் ஆண்டிற்கு 17.02.2025 அன்று பிற்பகல்‌ முதலும்‌, மேல்நிலை முதலாம் ஆண்டிற்கு 19.02.2025 அன்று பிற்பகல்‌ முதலும்‌ பெறலாம்.</p>
<h2><strong>ஹால் டிக்கெட்டைப் பெறுவது எப்படி?</strong></h2>
<p>மாணவர்கள் <a href="http://www.dge.tn.gov.in">www.dge.tn.gov.in</a> என்ற இணைய தளத்திற்குச் செல்ல வேண்டும். அதில், "online- portal" என்ற வாசகத்தினை க்ளிக் செய்யவும்,</p>
<p>அதில், "HIGHER SECONDARY FIRST YEAR / SECOND YEAR EXAM MARCH - 2025" எனத்‌ தோன்றும்‌ பக்கத்தில்‌, தங்களுக்கு வழங்கப்பட்டுள்ள யூசர் பெயர், Password-ஐக் கொண்டு பதிவிறக்கம்‌ செய்து கொள்ளலாம்‌.</p>
<p>இது குறித்த விவரத்தினை முதன்மைக்‌ கல்வி அலுவலர்கள்‌ தங்கள் ஆளுகைக்கு உட்பட்ட அனைத்து மேல்நிலைப்‌ பள்ளித் தலைமை ஆசிரியர்களுக்கும்‌ தெரிவித்திடுமாறு கேட்டுக்‌ கொள்ளப்படுகிறது.</p>
<p>அனைத்து மேல்நிலைப்‌ பள்ளி தலைமையாசிரியர்களும்‌ மேல்நிலை முதலாமாண்டு / இரண்டாமாண்டு பொதுத்‌ தேர்வுகளுக்கான தேர்வுக்கூட அனுமதிச் சீட்டுகளை மேற்குறிப்பிட்டுள்ள நாட்களில்‌ தவறாமல்‌ பதிவிறக்கம்‌ செய்துகொள்ளவேண்டும்‌ என்றும் அரசுத் தேர்வுகள் இயக்ககம் தெரிவித்துள்ளது.</p>
<h2><strong>தேர்வு அட்டவணை என்ன?</strong></h2>
<p>மார்ச்‌ - 2025, மேல்நிலை முதலாம்‌ ஆண்டு / இரண்டாம்‌ ஆண்டு பொதுத்‌ தேர்வுகளுக்கான தேர்வுக்கால அட்டவணைகளை (TIME TABLE) <a href="http://www.dge.tn.gov.in/" rel="nofollow">www.dge.tn.gov.in</a> என்ற இணைய தளத்திற்குச் சென்று அறிந்து கொள்ளலாம்‌. </p>
<p>குறிப்பாக, <a href="https://tnegadge.s3.amazonaws.com/notification/HRSEC/1729853324.pdf" rel="nofollow">https://tnegadge.s3.amazonaws.com/notification/HRSEC/1729853324.pdf</a> என்ற இணைப்பை க்ளிக் செய்து அறியலாம். </p>
<p>12ஆம் வகுப்பு மாணவர்களுக்கு மார்ச் 3ஆம் தேதி தமிழ் மொழிப் பாடத்துடன் தேர்வு தொடங்குகிறது. மார்ச் 25ஆம் தேதியோடு தேர்வு முடிகிறது. அதேபோல 11ஆம் வகுப்பு பொதுத் தேர்வு மார்ச் 5ஆம் தேதி தொடங்கி, 27ஆம் தேதி வரை நடைபெற உள்ளது.</p>
<p>கூடுதல் தகவல்களுக்கு: <a href="http://www.dge.tn.gov.in/" rel="nofollow">www.dge.tn.gov.in</a></p>
<p><iframe class="vidfyVideo" style="border: 0px;" src="https://tamil.abplive.com/web-stories/politics/list-of-former-chief-ministers-of-delhi-215094" width="631" height="381" scrolling="no"></iframe></p>
10 months ago
8 
