<p style="text-align: justify;">10 ஆம் வகுப்பு பொதுத்தேர்வுகள் வெளியான நிலையில் இந்த வருட தேர்ச்சி விகிதத்தில் மாணவிகளை மாணவர்கள் தாண்டிச்சென்றார்களா இல்லையா என்பதை இந்த தொகுப்பில் காணலாம். </p>
<h2 style="text-align: justify;">10 ஆம் வகுப்பு முடிவுகள்: 8,71,239 மாணக்கர்கள்</h2>
<p style="text-align: justify;">2024-2025 கல்வியாண்டுக்கான 10 ஆம் வகுப்புப் பொதுத் தேர்வை 8,71,239 மாணக்கர்கள் எழுதினர். இந்த தேர்வுகள் கடந்த மார்ச் 28 முதல் ஏப்ரல் 15 வரை நடைப்பெற்றது.</p>
<h2 style="text-align: justify;">வெளியான முடிவுகள்: </h2>
<p style="text-align: justify;">இன்று காலை 9 மணிக்கு தேர்வு முடிவுகளை பள்ளிக் கல்வித்துறை அமைச்சர் அன்பில் மகேஸ் பொய்யாமொழி வெளியிட்டார். மொத்தம் இந்த ஆண்டு 8 லட்சத்து 71 ஆயிரத்து 239 மாணவ, மாணவிகள் எழுதினர். இதில் மாணவியர்களின் எண்ணிக்கை : 4,19,316, மாணவர்களின் எண்ணிக்கை : 4,36,120 ஆகும். </p>
<h2 style="text-align: justify;">தேர்ச்சி விவரங்கள்:</h2>
<ul style="text-align: justify;">
<li>தேர்ச்சி பெற்றவர்கள் : 8,17,261 (93.80%)</li>
<li>மாணவியர் 4,17,183 (95.88%) தேர்ச்சி அடைந்துள்ளனர்.</li>
<li>மாணவர்கள் 4,00,078 (91.74%) தேர்ச்சி அடைந்துள்ளனர்.</li>
<li>மாணவர்களை விட 4.14 % மாணவியர் அதிகம் தேர்ச்சி பெற்றுள்ளனர்.</li>
<li>தேர்விற்கு வருகைப்புரியாதவர்கள்: 15,652.</li>
<li>கடந்த மார்ச் / ஏப்ரல் 2024-ஆம் ஆண்டு பொதுத்தேர்வில், தேர்வெழுதிய மாணாக்கர்களின் எண்ணிக்கை 8,94,264. தேர்ச்சி பெற்றோர் 8,18,743 தேர்ச்சி சதவிகிதம் 91.55%.</li>
<li>கடந்த மார்ச் / ஏப்ரல் 2024 பொதுத்தேர்வினை விட இவ்வாண்டு தேர்ச்சி 2.05% சதவிகிதம் கூடுதலாக உள்ளது.</li>
</ul>
<h2 style="text-align: justify;">மாணவிகள் ஆதிக்கம்:</h2>
<p style="text-align: justify;">வழக்கமாக 10 ஆம் வகுப்பு தேர்வு முடிவுகளை பார்த்தால் மாணவர்களை விட மாணவிகளை அதிகளவு தேர்ச்சி பெறுவது வழக்கம். இந்த ஆண்டு மொத்தம் தேர்வெழுதிய மாணவியர்களின் எண்ணிக்கை 4,35,119 ஆகும். அதே போல மாணவர்களின் எண்ணிக்கை : 4,36,120. இதில் மாணவிகள் 4,17,183 ( 95.88 %) தேர்ச்சி அடைந்துள்ளனர். மாணவர்கள் 4,00,078 (91.74 %)தேர்ச்சி அடைந்துள்ளனர். மாணவர்களை விட 4.14 % மாணவியர்களே அதிகம் தேர்ச்சி பெற்றுள்ளனர்.</p>
<h2 style="text-align: justify;">டாப் 5 மாவட்டங்கள்:</h2>
<p style="text-align: justify;">10 ஆம் வகுப்பு தேர்வு முடிவுகளில் அதிக தேர்ச்சி பெற்ற டாப் 5 மாவட்டங்கள்</p>
<p style="text-align: justify;">1.சிவகங்கை - 97.49%</p>
<p style="text-align: justify;">2.விருதுநகர் - 95.57%</p>
<p style="text-align: justify;">3.கன்னியாகுமரி - 95.47%</p>
<p style="text-align: justify;">4.திருச்சி - 95.42%</p>
<p style="text-align: justify;">5.தூத்துக்குடி - 95.40%</p>
<h2 style="text-align: justify;"><strong>கூடுதல் விவரங்கள்</strong></h2>
<p style="text-align: justify;">பத்தாம் வகுப்பு பொதுத்தேர்வெழுதிய மொத்த பள்ளிகளின் எண்ணிக்கை 12,485. இவற்றில் </p>
<p style="text-align: justify;">மேல்நிலைப் பள்ளிகளின் எண்ணிக்கை : 7,555 </p>
<p style="text-align: justify;">உயர்நிலைப் பள்ளிகளின் எண்ணிக்கை : 4,930.</p>
<p style="text-align: justify;">100% தேர்ச்சி பெற்ற பள்ளிகளின் எண்ணிக்கை 4,917.</p>
<p style="text-align: justify;">100% தேர்ச்சி பெற்ற எண்ணிக்கை 1.867 என்று அரசுத் தேர்வுகள் துறை தெரிவித்துள்ளது. </p>
<h2 style="text-align: justify;"><strong>தேர்வு முடிவுகளை அறிவது எப்படி?</strong></h2>
<p style="text-align: justify;">மாணவர்கள் <span class="skimlinks-unlinked">dge.tn.gov.in</span>, <span class="skimlinks-unlinked">tnresults.nic.in</span>, <span class="skimlinks-unlinked">results.digilocker.gov.in</span> ஆகிய அதிகாரப்பூர்வ இணைய தளங்களுக்குச் சென்று அறிந்து கொள்ளலாம். </p>
<p style="text-align: justify;">அதேபோல, மாணவர்கள் தாங்கள் படித்த பள்ளிகளுக்கு நேரடியாகச் சென்றும் அறிந்துகொள்ளலலாம். மேலும் மாணவர்கள்‌ தங்களின் பள்ளிகளில்‌ சமர்ப்பித்த உறுதிமொழிப் படிவத்தில்‌ குறிப்பிட்டுள்ள கைப்பேசி எண்ணுக்கும் தேர்வு முடிவுகள்‌ குறுஞ்செய்தி மூலமாகவும் அனுப்பபட்டு உள்ளன்.</p>
7 months ago
8 
