THENI : “திருமாவளவன் அடிக்கவில்லை” பெரியகுளம் சம்பவம் குறித்து தொண்டர் வெளியிட்ட வைரல் வீடியோ

<p style="text-align: justify;">தேனி மாவட்டம் பெரியகுளம் தொகுதியில் நடைபெற்று வந்த தேர்தல் பிரச்சாரத்தின் போது, விசிக தலைவர் திருமாவளவன் அக்கட்சியின் வேட்பாளர் சக்திவேலை ஆதரித்து தீவிரமாக பிரச்சாரம் மேற்கொண்டு வந்தார். இந்த நிகழ்வில் பெருமளவிலான தொண்டர்கள் திரண்டிருந்த நிலையில், அவருடைய கட்சியினரைச் சேர்ந்த சிலர் திடீரென பிரச்சார வாகனத்தின் மீது ஏறி நின்றதால், அங்கு குழப்பநிலை உருவானது. பலமுறை எச்சரிக்கப்பட்டபோதும், அவர்கள் தொடர்ந்து வாகனத்தில் ஏறி இடையூறு செய்ததாக கூறப்படுகிறது. இதனால் ஆத்திரமடைந்த திருமாவளவன், வாகனத்தில் ஏறி தொந்தரவு செய்த ஒரு தொண்டரை கன்னத்தில் அறைந்ததாக தகவல்கள் வெளியாகியுள்ளன. இந்த சம்பவத்தால் அங்கு சிறிது நேரம் பரபரப்பான சூழ்நிலை நிலவியதுடன்,</p> <p style="text-align: justify;"><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/04/10/6b779cee57628572c6e16c907c51bf631775831020330193_original.jpg" /><br />பின்னர் கட்சி நிர்வாகிகள் தலையிட்டு நிலைமையை கட்டுக்குள் கொண்டு வந்தனர். இந்த நிகழ்வு விசிக தொண்டர்களிடையே பெரும் பேசுபொருளாக மாறியுள்ளதுடன், சம்பவம் தொடர்பான வீடியோ சமூக வலைதளங்களில் வேகமாக பரவி வைரலாகி வருகிறது.&nbsp; பொதுமக்கள் முதல் அரசியல் ஆய்வாளர்கள் வரை பலரும் இந்த நிகழ்வை குறித்து விவாதித்து வருகின்றனர்.</p> <p><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/04/10/2fd478a23319cffa1da8567e6783a2bc1775830896595193_original.jpg" /></p> <p style="text-align: justify;">ஒருபுறம், கட்சியின் ஒழுங்கின்மை மற்றும் தொண்டர்களின் கட்டுப்பாடற்ற நடத்தை குறித்து விமர்சனங்கள் எழுந்துள்ள நிலையில், மறுபுறம் தலைவரின் கடுமையான நடவடிக்கை ஒழுங்கை நிலைநிறுத்த எடுத்த முடிவாகவும் சிலர் ஆதரிக்கின்றனர். தேர்தல் சூழலில் இத்தகைய சம்பவங்கள் கட்சியின் பொதுப் பார்வை மற்றும் இமேஜ் மீது தாக்கத்தை ஏற்படுத்தும் வாய்ப்பு அதிகம். குறிப்பாக இளைஞர் ஆதரவை கவர முயலும் சூழலில், இந்த வீடியோ எதிர்மறை மற்றும் நேர்மறை கருத்துகளை உருவாக்கி, அரசியல் விவாதத்தை மேலும் தீவிரப்படுத்தியுள்ளது.</p> <p style="text-align: justify;">இந்த நிலையில் திருமாவளவன் பேசிக் கொண்டிருக்கும்போது இடையூறு செய்த பெரியகுளம் பகுதியைச் சேர்ந்த ரஞ்சித் குமார் என்பவர் விளக்கம் அளிக்கும் வகையில் வீடியோ ஒன்றை வெளியிட்டுள்ளார். அதில் தான் மது போதையில் அவ்வாறு செய்யவில்லை, தனக்கு குடிக்கும் பழக்கம் இல்லை என்றும் சமூக வலைதளத்தில் தவறான கருத்து பரவி வருவதாகவும், 10 ஆண்டுகளாக திருமாவளவனை செல்போனில் மட்டும் பார்த்து வந்த தனக்கு நேரில் பார்த்ததும் அன்பு மிகுதியால் அவருக்கு முத்தம் கொடுக்கச் மட்டுமே சென்றதாகவும் கூறினார்.</p> <p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2026/04/10/e261893aab7149c3794b6b09f9e388f41775830948023193_original.jpg" /></p> <p style="text-align: justify;">அவர் கை ஓங்கும் போது நான் விலகி விட்டேன். தலைவர் கை கூட என் மீது படவில்லை, அப்படியே அடித்து இருந்தாலும் எனக்கு எந்த ஆட்சேபனை இல்லை, என்னை அடித்ததை எனது அப்பா அடித்ததாகவே கருதுகிறேன். என் தலைவர் என்னை அடித்ததை நான் மகிழ்ச்சியாகவே கருதுகிறேன் என வீடியோ வெளியிட்டு விளக்கம் அளித்துள்ளார்.</p>