<p>தமிழ் சினிமாவின் தளபதியாகக் கொண்டாடப்படும் நடிகர் விஜய், வெங்கட் பிரபு இயக்கத்தில் நடித்துள்ள திரைப்படம் 'தி கிரேட்டஸ்ட் ஆஃப் ஆல் டைம்ஸ்' (The GOAT). நடிகர் பிரஷாந்த், பிரபுதேவா, மோகன், லைலா, அஜ்மல், சினேகா, மீனாட்சி சவுத்ரி மற்றும் பலர் நடித்துள்ள இப்படத்திற்கு யுவன் ஷங்கர் ராஜா இசையமைத்துள்ளார். </p>
<p>வரும் நாள்களில் நடிகர் விஜய் அரசியலில் முழுமையாக இறங்கப் போவதால், வழக்கமாக விஜய் படங்களின் ரிலீசுக்காக அவரின் ரசிகர்கள் மத்தியில் இருக்கும் எதிர்பார்ப்பை காட்டிலும், இப்படத்திற்கு இரட்டிப்பு ஆர்வம் காட்டி வருகிறார்கள். அந்த வகையில் இப்படம் செப்டம்பர் 5ஆம் தேதி வெளியாகும் என ஏற்கனவே அதிகாரபூர்வமான அறிவிப்பு வெளியாகி இருந்தது. ஆனால் தற்போது ஒரு சில காரணங்களால் 'தி கோட்' படத்தின் ரிலீஸ் தேதி தள்ளிப் போகக்கூடும் என்ற தகவல் வெளியாகியுள்ளது. </p>
<p> </p>
<p><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2024/06/16/cb8bab2f9b1501b461932c55f754cb381718530315005224_original.jpg" alt="" width="1200" height="675" /></p>
<p><br />'தி கோட்' படத்தில் நடிகர் விஜய் இரட்டைக் கதாபாத்திரங்களில் நடித்துள்ளார். அதனால் இப்படத்தின் டீ ஏஜிங் பணிகள் தீவிரமாக லாஸ் ஏஞ்சல்ஸில் நடைபெற்று வருகிறது. முதலில் வெளியான தகவலின்படி இந்த டீ ஏஜிங் பணிகள் ஆகஸ்ட் 10ஆம் தேதிக்குள் முடிவடையும் என தெரிவிக்கப்பட்டது. அதை கணக்கில் கொண்டு படத்தை செப்டம்பர் 5ஆம் தேதி வெளியிட படக்குழு முடிவெடுத்து இருந்தது. ஆனால் தற்போது டீ ஏஜிங் பணிகள் நிறைவடைய கால தாமதமாகும் என்ற தகவல் வெளியாகியுள்ளது. அது முழுமையாக முடிவடைய கூடுதலாக பத்து நாட்கள் எடுத்துக் கொள்ளகூடும் என கணிக்கப்பட்டுள்ளது. அதனால் படத்தை ஏற்கெனவே குறிப்பிட்டது போல செப்டம்பர் 5ஆம் வெளியிடுவதில் சிரமம் ஏற்பட்டுள்ளது. </p>
<p>டீ ஏஜிங் பணிகள் முடிந்த பிறகுதான் பிற போஸ்ட் ப்ரொடக்‌ஷன் பணிகளை முழுமையாக செய்ய முடியும் என்பதால் அது கூடுதல் நாட்களை எடுத்துக் கொள்ள வாய்ப்புகள் உள்ளன. இதனால் 'தி கோட்' படக்குழுவினர் கொஞ்சம் அப்செட்டில் உள்ளனராம். இதன் காரணமாக 'தி கிரேட்டஸ்ட் ஆஃப் ஆல் டைம்ஸ்' ரிலீஸ் தேதி தள்ளி போக வாய்ப்புகள் அதிக அளவில் உள்ளது என நெருங்கிய சினிமா வட்டாரங்கள் தெரிவிக்கின்றன. இது குறித்த அதிகாரப்பூர்வமான தகவல் விரைவில் படக்குழுவினர் தரப்பில் இருந்து வெளியாகும் என எதிர்பார்க்கப்படுகிறது. இந்த செய்தி <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> ரசிகர்கள் மத்தியில் சற்று வருத்தத்தை கொடுத்துள்ளது. </p>
<p> </p>
1 year ago
6 
