<h2><strong>கத்துக்குட்டி அணிகளிடம் தொடர் தோல்வி:</strong></h2>
<p>கடந்த ஜூன் 2 ஆம் தேதி அமெரிக்காவில் தொடங்கிய ஐசிசி டி20 உலகக் கோப்பை விறுவிறுப்பாக நடைபெற்று வருகிறது. இதில் நேற்று (ஜூன் 6) நடைபெற்ற போட்டியில் அமெரிக்க அணியிடம் தோல்வியடைந்தது முன்னாள் உலகக் கோப்பை சாம்பியனான பாகிஸ்தான் அணி.</p>
<p>கத்துக்குட்டியான அமெரிக்க அணியிடம் பாகிஸ்தான் அணி தோல்வியடைந்தது பாகிஸ்தான் ரசிகர்களுக்கு பெரும் அதிர்ச்சியை ஏற்படுத்தியது. முன்னதாக கடந்த உலகக் கோப்பையில் ஆப்கானிஸ்தான்,ஜிம்பாப்வே மற்றும் அண்மையில் நடைபெற்ற டி20 போட்டியில் அயர்லாந்து அணியிடம் தோல்வி அடைந்தது பாபர் அசாம் தலைமையிலான பாகிஸ்தான் அணி.</p>
<p>தொடர்ந்து கத்துக்குட்டி அணிகளிடம் பாகிஸ்தான் அணி தோல்வி அடைந்து வருவதால் சமூக வலைதளங்களில் அந்த அணியை பலரும் ட்ரோல் செய்து வருகின்றனர். </p>
<h2><strong>இரவு விருந்தை ஒத்திவைத்த பாகிஸ்தான் அணி:</strong></h2>
<blockquote class="twitter-tweet">
<p dir="ltr" lang="en">Pakistan's dinner plan in New York has been postponed. <a href="https://t.co/QTqCypCKkU">pic.twitter.com/QTqCypCKkU</a></p>
— Mufaddal Vohra (@mufaddal_vohra) <a href="https://twitter.com/mufaddal_vohra/status/1799064568901370303?ref_src=twsrc%5Etfw">June 7, 2024</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>இந்நிலையில் தான் ஒரு முக்கியமான நிகழ்வு ஒன்றை பாகிஸ்தான் அணி இன்று ஒத்திவைத்துள்ளதாக தகவல் வெளியாகி உள்ளது. அதாவது அமெரிக்க அணியை வீழ்த்திவிட்டால் இரவு உணவுக்கு அந்த அணி நிர்வாகம் நேற்று ஏற்பாடு செய்து இருந்தது.</p>
<p>ஆனால் அமெரிக்க அணியிடம் தோல்வி அடைந்ததால் இரவு விருந்தில் பாகிஸ்தான் கிரிக்கெட் அணி வீரர்கள் கலந்துகொள்ளவில்லையாம். அந்நாட்டு வீரர்கள் சோகத்தில் இருப்பதால் பாகிஸ்தான் கிரிக்கெட் அணி நிர்வாகம் இந்த இரவு விருந்தை பின்னர் ஒரு நாள் வைத்துக்கொள்ளலாம் என்று ஒத்திவைத்துவிட்டதாம். </p>
<h2><strong>பாகிஸ்தான் இந்தியா போட்டி எப்போது?</strong></h2>
<p>பாகிஸ்தான் அணி ஞாயிற்றுக்கிழமை இந்தியாவை எதிர்கொள்கிறது. 2024 டி20 உலகக் கோப்பையில் இந்திய அணி தனது முதல் ஆட்டத்தில் அயர்லாந்தை வீழ்த்தியது. இந்நிலையில்தான் ஜூன் 9-ஆம் தேதி பாகிஸ்தானுக்கு எதிராக களம் இறங்குகின்றனர் இந்திய அணி வீரர்கள்.</p>
<p>இந்தப் போட்டி நியூயார்க்கில் நடைபெறவுள்ளது. முதல் போட்டியிலேயே தோல்வி அடைந்ததால் இந்திய அணிக்கு எதிரான போட்டியில் பாகிஸ்தன் எப்படி விளையாடும் என்பது ரசிகர்களிடம் எதிர்பார்ப்பை ஏற்படுத்தி உள்ளது. </p>
<p>மேலும் படிக்க: <a title="T20 World Cup: மீண்டும் மீண்டுமா! பாகிஸ்தான் அணியின் சூப்பர் 8 சுற்றுக்கு ஆப்புவைக்க காத்திருக்கும் இந்தியா!" href="https://tamil.abplive.com/sports/cricket/t20-world-cup-series-pakistan-team-has-lost-against-the-usa-and-there-is-problem-in-advancing-to-the-super-8-round-187280" target="_blank" rel="dofollow noopener">T20 World Cup: மீண்டும் மீண்டுமா! பாகிஸ்தான் அணியின் சூப்பர் 8 சுற்றுக்கு ஆப்புவைக்க காத்திருக்கும் இந்தியா!</a></p>
<p>மேலும் படிக்க: <a title="T20 World Cup 2024: டி20 கேப்டனாக ’ஹிட் மேன்’ ரோஹித் ஷர்மாவின் சாதனை! விவரம் உள்ளே!" href="https://tamil.abplive.com/sports/cricket/rohit-sharma-has-been-a-superhit-as-a-captain-in-t20-matches-statistics-are-giving-testimony-187292" target="_blank" rel="dofollow noopener">T20 World Cup 2024: டி20 கேப்டனாக ’ஹிட் மேன்’ ரோஹித் ஷர்மாவின் சாதனை! விவரம் உள்ளே!</a></p>
1 year ago
7 
