<p>இணைய வளர்ச்சிக்குப் பிறகு மக்கள் பங்குச்சந்தை, கிரிப்டோகரன்சி ஆகியவற்றில் உள்ளிட்டவற்றில் முதலீடு செய்வது அதிகரித்து வருகிறது. இதை பயன்படுத்தி சில மோசடி பேர்வழிகள் மக்களிடம் பணம் பறிப்பதும் அரங்கேறி வருகிறது. </p>
<h2><strong>முதலீட்டு ஆலோசகர்:</strong></h2>
<p>சிலர் தங்களை முதலீட்டு ஆலோசகர் என்று அறிமுகமாகி பங்குச்சந்தையில் முதலீடு செய்ய ஆர்வமாக இருக்கும் மக்களிடம் பணத்தை பறிப்பதும் அரங்கேறி வருகிறது. இந்த நிலையில் போலி முதலீட்டு ஆலோசகர் யார்? என்பதை எவ்வாறு அடையாளம் கண்டுபிடிப்பது என்பதை கீழே காணலாம்.</p>
<h2><strong>போலி முதலீட்டு ஆலோசகரை அடையாளம் காண்பது எப்படி?</strong></h2>
<p>முதலீட்டு ஆலோசகரிடம் அதற்கான கல்வித்தகுதி, சான்றிதழ் மற்றும் மூலதன சான்றிதழ்கள் இருக்கும். நீங்கள் கேட்கும்போது அதைத் தர மறுத்தால் அவர் போலி முதலீட்டு ஆலோசகராக இருக்க வாய்ப்புகள் அதிகம்.</p>
<p>தங்களிடம் முதலீடு செய்தால் நிர்ணயிக்கப்பட்ட அல்லது நிலையான வருமானத்தை வழங்கும் என்று கூறினால் மிகுந்த கவனமாக இருக்க வேண்டும். அவர்கள் போலியாக இருக்க வாய்ப்புகள் அதிகம் ஆகும்.</p>
<p>உங்களிடம் எந்தவித ஆவணங்களும் வழங்காமல், அத்தாட்சி இல்லாமல் முன்பணம் அல்லது பெரிய கட்டணங்களை கொடுக்குமாறு ஒருவர் கூறினால் அவர் போலி முதலீட்டு ஆலோசகராக இருக்க வாய்ப்புகள் பிரகாசம் ஆகும். அவரிடம் மிகுந்த எச்சரிக்கையாக இருக்கவேண்டும். </p>
<p>நீங்கள் நேரில் அறிந்திடாமல் சமூக வலைதளங்கள் வழியாக வந்து உங்களைத் தொடர்பு கொண்டால் மிக கூடுதல் கவனம் தேவை.</p>
<p>மேலே கூறியவற்றை போலி முதலீட்டு ஆலோசகர்கள் மக்களை ஏமாற்ற பயன்படுத்தும் வழிமுறைகள் ஆகும்.</p>
<h2><strong>உண்மையான நபரை கண்டுபிடிப்பது எப்படி?</strong></h2>
<p>செபியின் அதிகாரப்பூர்வ இணையதளத்திற்குச் செல்ல வேண்டும். www.sebi.gov.in என்பது செபியின் அதிகாரப்பூர்வ இணையதளம் ஆகும்.</p>
<p>அந்த இணையதளத்தில் intermediaries market infrastructure institutions என்பதை தேர்வு செய்யவும்.</p>
<p>அதில் Recognised Intermediaries என்பதைத் தேர்வு செய்யவும். </p>
<p>அதில் பதிவு செய்யப்பட்ட ஸ்டாக் ப்ரோக்கர், மியூச்சுவல் ஃபண்ட் ஆலோசகர்கள் உள்ளிட்ட பலரின் பட்டியலும் இருக்கும். </p>
<p>அதில் Investment Adviser என்பதை கிளிக் செய்யவும். </p>
<p>அதில் பெயர், ட்ரேட் பெயர், பதிவு எண், தொடர்பு கொள்ளும் நபர், மின்னஞ்சல் முகவரி, முகவரி ஆகியவை இருக்கும்.</p>
<p>அதில் நீங்கள் தெரிந்து கொள்ள விரும்பும் முதலீட்டு ஆலோசகரின் விவரங்களை பதிவு செய்து தேடினால் அவரது செயல்பாடுகள் பற்றிய விவரங்கள் இருக்கும். </p>
<p>அதில் பதிவு செய்யாத முதலீட்டு ஆலோசகர் உங்களைத் தொடர்பு கொண்டால் அவரிடம் இருந்து விலகியிருப்பதும், அவர்களை நம்பி பணம் முதலீடு செய்யாமல் இருப்பதுமே சிறப்பு ஆகும். </p>
<h2><strong>உண்மையான முதலீட்டு ஆலோசகர் எப்படி நடந்து கொள்வார்?</strong></h2>
<p>செபியின் அனைத்து விதிகளுக்கும் கட்டுப்பட்டவராக இருப்பார்.</p>
<p>கல்வித்தகுதி சான்றிதழ், மூலதனச் சான்றிதழ்களை வைத்திருப்பார். </p>
<p>நீங்கள் மேற்கொள்ள விரும்பும் திட்டங்களில் உள்ள அபாயங்கள், சறுக்கல்கள் ஆகியவற்றை முன்னெச்சரிக்கை செய்வார். மேலும், வட்டி விகிதங்கள் குறித்த முழு விவரத்தையும் அளிப்பார்.</p>
<p>ஒவ்வொரு திட்டத்திற்கும் உள்ள வேறுபாடுகள், நன்மைகள், ஆபத்துகள் ஆகியவற்றையும் தெளிவாக எடுத்துரைப்பார்.</p>
<p>மேலே கூறியவற்றிற்கு முரண்பட்டவாறு ஒருவர் உங்களை முதலீட்டு ஆலோசகர் என்று அணுகினால் அவர் போலி என்பதை அறிந்து கொள்ள முடியும்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/lifestyle/why-does-wearing-helmet-causes-hair-loss-238209" width="631" height="381" scrolling="no"></iframe></p>
1 month ago
3 
