<p>மூத்த தமிழறிஞரும் பிரபல பட்டிமன்ற நடுவருமான சாலமன் பாப்பையா இன்று (செப்.11) மதுரையில் காலமானார்; அவருக்கு வயது 90. வயது மூப்பு காரணமாகவும் காய்ச்சல் காரணமாகவும் ஓய்வில் இருந்தவரின் உயிர் இன்று பிரிந்தது. </p>
<p>1936ஆம் ஆண்டில் மதுரையில் பிறந்தவர் சாலமன் பாப்பையா. பேராசிரியர், எழுத்தாளர், நடிகர், பட்டிமன்ற பேச்சாளர், நடுவர் என பன்முகத் திறமை கொண்டவர். தமிழ்நாடு முழுவதும் 12 ஆயிரத்துக்கும் மேற்பட்ட பட்டிமன்றங்களை நடத்தியவர். சிவாஜி, பாய்ஸ் உள்ளிட்ட திரைப்படங்களில் நடித்தவர் சாலமன் பாப்பையா.</p>
<h2><strong>பன்முகத் திறனாளர்</strong></h2>
<p>2021ஆம் ஆண்டில் பத்ம ஸ்ரீ விருது கொடுத்து மத்திய அரசு கவுரவித்தது. தமிழ்நாடு அரசின் கலைமாமணி விருதையும் பெற்றுள்ளார். </p>
<p>திருக்குறள், கம்ப ராமாயணத்துக்கு உரை எழுதியுள்ளார் சாலமன் பாப்பையா. எளியோருக்கும் புரியும் வகையில் தமிழை அனைவருக்கும் எடுத்துச் சென்றவர்.</p>
<h2><strong>தான் படித்த பள்ளிக்கு நன்கொடை</strong></h2>
<p>தான் படித்த மதுரை ஆரப்பாளையம் மாநகராட்சிப் பள்ளிக்கு, ரூ.20 லட்சம் நன்கொடை கொடுத்தவர் பாப்பையா. </p>
<p>கடந்த செப்டம்பர் 5ஆம் தேதி சிவகாசியில் நடைபெற்ற பட்டிமன்றத்தில் கலந்துகொண்டு நடுவராகப் பணியாற்றி இருந்தார். </p>
<p> </p>
1 month ago
4 
