<div dir="auto">சிவகங்கை மாவட்டம் வேலைநாடும் இளைஞர்கள் பயன்பெறும் வகையில், வருகின்ற 10.10.2026 அன்று, காரைக்குடி, டாக்டர் உமையாள் இராமநாதன் மகளிர் கல்லூரியில் மாபெரும் தனியார்துறை சிறப்பு வேலைவாய்ப்பு முகாம் நடைபெறவுள்ளது- மாவட்ட ஆட்சித்தலைவர் ப.ஆகாஷ், தகவல்.</div>
<div dir="auto"> </div>
<div dir="auto"><strong>மாபெரும் தனியார்துறை வேலைவாய்ப்பு முகாம்</strong></div>
<div dir="auto"> </div>
<div dir="auto"> வேலைவாய்ப்பு மற்றும் பயிற்சித்துறையின் சார்பாக ஒவ்வொரு ஆண்டும் மாபெரும் தனியார்துறை வேலைவாய்ப்பு முகாம் நடத்தப்பட்டு வருகிறது. சிவகங்கை மாவட்ட நிர்வாகம், மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மற்றும் தமிழ்நாடு மாநில ஊரக/நகர்ப்புற வாழ்வாதார இயக்கத்துடன் இணைந்து மாபெரும் தனியார்துறை சிறப்பு வேலைவாய்ப்பு முகாம் நடத்துவதற்கு திட்டமிடப்பட்டு 10.10.2026 அன்று டாக்டர் உமையாள் இராமநாதன் மகளிர் கல்லூரி, காரைக்குடியில் காலை 09.00 மணி முதல் பிற்பகல் வரை நடைபெற உள்ளது. இத்தனியார்துறை வேலைவாய்ப்பு முகாமில் 100-க்கும் மேற்பட்ட தனியார்துறை நிறுவனங்கள் கலந்து கொண்டு 10000-க்கும் மேற்பட்ட காலிப்பணியிடங்களுக்கு இளைஞர்களை தேர்வு செய்ய உள்ளனர். இத்தனியார்துறை வேலைவாய்ப்பு முகாமில் 8-ஆம் வகுப்பு முதல் பத்து மற்றும் பன்னிரெண்டாம் வகுப்பு, பட்டப்படிப்பு, டிப்ளமோ, ஐடிஐ போன்ற கல்வித் தகுதியுடைய அனைவரும் கலந்து கொள்ளலாம். </div>
<div dir="auto"> </div>
<div dir="auto"><strong> வேலைவாய்ப்பு பதிவு மூப்பு இரத்து செய்யப்படமாட்டாது. </strong></div>
<div dir="auto"> </div>
<div dir="auto">மேலும், இம்முகாமில் கலந்து கொள்ள விருப்பமுள்ளவர்கள் தங்களது சுயவிவரம்(Resume), கல்விச்சான்று, ஆதார் அட்டை ஆகியவற்றின் நகல்களுடன் வேலைவாய்ப்பு முகாம் நடைபெறும் நாளில் காலை 09.00 மணிக்கு வேலைவாய்ப்பு முகாமில் பங்கேற்கலாம். இம்முகாமில் கலந்து கொள்ள விரும்பும் வேலைநாடுநர்கள் <a href="https://forms.gle/X3eeDyLecJWsEcUSA" target="_blank" rel="noopener" data-saferedirecturl="https://www.google.com/url?q=https://forms.gle/X3eeDyLecJWsEcUSA&source=gmail&ust=1791296067119000&usg=AOvVaw3dJbTXBPtMdfVLovCC5Ee1">https://forms.gle/<wbr />X3eeDyLecJWsEcUSA</a> என்ற இணைப்பில் முன்பதிவு செய்து கொள்ளலாம் முகாமில் பங்கேற்க தனியார்துறை நிறுவனங்கள் <a href="https://forms.gle/o1DVbPh23K5tRe4k7" target="_blank" rel="noopener" data-saferedirecturl="https://www.google.com/url?q=https://forms.gle/o1DVbPh23K5tRe4k7&source=gmail&ust=1791296067119000&usg=AOvVaw3Rhc7DIOmpO1Wm4Ey0sdr4">https://forms.gle/<wbr />o1DVbPh23K5tRe4k7</a> என்ற இணைப்பில் பதிவு செய்வது அவசியமாகும். அதுமட்டுமன்றி, தனியார்துறை வேலைவாய்ப்பு இணையத்திலும் (<a href="http://www.tnprivatejobs.tn.gov.in/" target="_blank" rel="noopener" data-saferedirecturl="https://www.google.com/url?q=http://www.tnprivatejobs.tn.gov.in&source=gmail&ust=1791296067119000&usg=AOvVaw04m2geUp0qiJp4jBKxb_rV">www.tnprivatejobs.tn.gov.in</a>) வேலைநாடுநர்கள் மற்றும் நிறுவனங்கள் தங்களது விவரங்களை பதிவு செய்தல் வேண்டும்.வேலைவாய்ப்பு தொடர்பான பல்வேறு தகவல்களைப் பெற SIVAGANGAI EMPLOYMENT OFFICE என்ற Telgram channel- ல் இணைந்து பயன்பெறலாம். இம்முகாமில் வேலைவாய்ப்பு பெற்று பணிநியமணம் பெறும் பதிவுதாரர்களுடைய வேலைவாய்ப்பு பதிவு மூப்பு இரத்து செய்யப்படமாட்டாது. </div>
<div dir="auto"> </div>
<div dir="auto"><strong>வேலைவாய்ப்பு முகாமில் அதிக அளவில் பங்கேற்று பயன்பெறலாம்</strong></div>
<div dir="auto"> </div>
<div dir="auto">மேலும், இவ்வேலைவாய்ப்பு முகாமில் போட்டித் தேர்வுகளுக்கான இலவசப் பயிற்சி வகுப்புகளுக்கான மாணவர் சேர்க்கை விண்ணப்பம், சுயதொழில் தொடங்குவதற்கு மானியத்துடன் கூடிய கடன் வசதிகள் பெறுவதற்கான ஆலோசனைகள், பல்வேறு திறன் பயிற்சிகளுக்கான ஆட்சேர்ப்பு விண்ணப்பம் மற்றும் வேலைவாய்ப்பற்ற இளைஞர்களுக்கான உதவித்தொகை விண்ணப்பம் ஆகியவையும் வழங்கப்படும். எனவே சிவகங்கை மாவட்டத்தைச் சேர்ந்த வேலைநாடுநர்கள் இத்தனியார்துறை வேலைவாய்ப்பு முகாமில் அதிக அளவில் பங்கேற்று பயன்பெறலாம் என மாவட்ட ஆட்சித்தலைவர் ப.ஆகாஷ், தெரிவித்துள்ளார்.</div>
3 weeks ago
5 
