<p>தமிழ்நாட்டில் வடகிழக்கு பருவமைழ தீவிரம் அடைந்துள்ள நிலையில் கடந்த சில தினங்களாக மழை வெளுத்து வாங்கி வருகிறது.</p>
<h2><strong>8 மாவட்டங்களுக்கு ரெட் அலர்ட்:</strong></h2>
<p>இந்த சூழலில், தமிழ்நாட்டில் சில மாவட்டங்களுக்கு ரெட் அலர்ட் எச்சரிக்கை விடுக்கப்பட்டுள்ளது. தமிழ்நாட்டில் இன்று 8 மாவட்டங்களுக்கு ரெட் அலர்ட் எச்சரிக்கை விடுக்கப்பட்டுள்ளது. அடுத்த 3 நாட்களுக்கு வடகிழக்கு பருவமழை தீவிரமாக இருக்கும் என்று அறிவிக்கப்பட்டுள்ளது. </p>
<p>இன்று தமிழ்நாட்டில் விழுப்புரம், கடலூர், மயிலாடுதுறை, நாகப்பட்டினம், திருவாரூர், தஞ்சாவூர், புதுக்கோட்டை, ராமநாதபுரம் ஆகிய 8 மாவட்டங்களில் ஓரிரு இடங்களில் அதிகனமழைக்கான ரெட் அலர்ட் எச்சரிக்கை விடுக்கப்பட்டுள்ளது. இந்த மாவட்டங்களில் ஒரு சில இடங்களில் 20 செ.மீட்டர் மழைக்கு அதிகமான மழைப்பொழிவு இருக்கும் என்று கருதப்படுகிறது.</p>
<h2><strong>சென்னையில் எப்படி?</strong></h2>
<p>சென்னையைப் பொறுத்த மட்டில் இன்று முதல் அடுத்த 3 நாட்களுக்கு மிக கனமழைக்கான வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. அதாவது, சென்னைக்கு இன்று மற்றும் நாளை ஆரஞ்ச் அலர்ட் எச்சரிக்கை விடுக்கப்பட்டுள்ளது. </p>
<p><br />ஆரஞ்ச் அலர்ட் யாருக்கு?</p>
<p>சென்னை, திருவள்ளூர், காஞ்சிபுரம், செங்கல்பட்டு, அரியலூர், பெரம்பலூர், தூத்துக்குடி, திருநெல்வேலி மற்றும் கன்னியாகுமரி ஆகிய 10 மாவட்டங்களில் மிக கனமழைக்கான ஆரஞ்ச் அலர்ட் எச்சரிக்கை விடுக்கப்பட்டுள்ளது. </p>
<p>மேலும், இந்த மாவட்டங்களை ஒட்டியுள்ள உள்மாவட்டங்களான தென்காசி, விருதுநகர், மதுரை, சிவகங்கை, ராணிப்பேட்டை ஆகிய மாவட்டங்களில் கனமழை பெய்வதற்கான வாய்ப்புகளும் இருப்பதாக வானிலை ஆய்வு மையம் எச்சரித்தள்ளது. மேலும், தமிழ்நாட்டில் நாளை 4 மாவட்டங்களுக்கு ரெட் அலர்ட் எச்சரிக்கையும் விடுக்கப்பட்டுள்ளது.</p>
<h2><strong>அதிகனமழைக்கு வாய்ப்பு:</strong></h2>
<p>தற்போது வங்கக்கடலில் நிலை கொண்டுள்ள குறைந்த காற்றழுத்த தாழ்வு பகுதி ஆழ்ந்த காற்றழுத்த தாழ்வுப்பகுதியாக உருவெடுத்துள்ளது. இது நாளை பிற்பகல் காற்றழுத்த தாழ்வு மண்டலமாக மாறும் வாய்ப்பு உள்ளது. இது மேற்கு - வடமேற்கு திசையில் தமிழ்நாட்டின் வட தமிழகத்தில் நெருங்கும் என்று கூறப்பட்டுள்ளது. </p>
<p>இது கரையை நெருங்கும் நேரத்தில் மேலும் வலுவடையும் என்று கூறப்படுகிறது. இதனால், இதன் தாக்கத்தால் தமிழ்நாட்டில் மிக கனமழையும், அதிகனமழையும் பெய்வதற்கான வாய்ப்புகள் உள்ளது. நாளை செங்கல்பட்டு, விழுப்புரம், கடலூர் மற்றும் மயிலாடுதுறை ஆகிய 4 மாவட்டங்களுக்கு ரெட் அலர்ட் எச்சரிக்கை விடுக்கப்பட்டுள்ளது. </p>
<p> </p>
<p> </p>
1 month ago
3 
