QS Ranking Tamil Nadu: உலகிலேயே டாப் கல்லூரிகள் பட்டியல்: தமிழ்நாட்டில் 8 பல்கலை.களுக்கு இடம்- யார் யார்?

<p>உலகின் தலைசிறந்த பல்கலைக்கழகங்களின் க்யூஎஸ் தரவரிசைப் பட்டியல் இன்று வெளியான நிலையில், அதில் இடம்பெற்றுள்ள தமிழகப் பல்கலைக்கழகங்கள் குறித்து விளக்கமாகக் காணலாம். &nbsp;</p> <p>உலகளவில் உயர்கல்வியின் தரம் குறித்து க்யூஎஸ் (குவாக்கரெல்லி சைமண்ட்ஸ்) என்ற அமைப்பு ஆய்வு செய்து, கல்வி நிறுவனங்களின் தர வரிசைப் பட்டியலை ஒவ்வொரு ஆண்டும் வெளியிட்டு வருகிறது.</p> <p>கல்வி நிறுவனத்தின் நற்பெயர், ஆசிரியர்கள் பிரசுரித்த ஆய்விதழ்கள், கல்வி சார்ந்து இருக்கும் நற்பெயர், வேலைவாய்ப்புகள், நிலைத் தன்மை, ஆசிரிய-மாணவர் விகிதம், கல்வி நிறுவனங்களில் பணியாற்றும் வெளிநாட்டு ஆசிரியர்கள் எண்ணிக்கை, சர்வதேச ஆராய்ச்சி பின்புலம், வெளிநாட்டு மாணவர்களின் எண்ணிக்கை உள்ளிட்ட பல்வேறு அம்சங்களை அடிப்படையாகக் கொண்டு, இந்த தர வரிசைப் பட்டியல் வெளியிடப்படுகிறது.</p> <h2><strong>அமெரிக்க பல்கலைக்கழகங்கள் அசத்தல்</strong></h2> <p>இந்த நிலையில் க்யூஎஸ் அமைப்பு தனது 22ஆவது சர்வதேச பல்கலைக்கழக தர வரிசைப்பட்டியலை இன்று (ஜூன் 19) வெளியிட்டது.&nbsp;இதில் அமெரிக்காவைச் சேர்ந்த மாசாசூசெட்ஸ் பல்கலைக்கழகம் முதலிடத்தில் உள்ளது. 14 ஆண்டுகளாக இந்த பல்கலைக்கழகமே முதலிடத்தில் உள்ளது. இரண்டாவது இடத்தை லண்டன் இம்பீரியல் கல்லூரி பெற்றுள்ளது. அதேபோல ஸ்டான்ஃபோர்டு பல்கலை. 3ஆவது இடத்தையும் ஆக்ஃபோர்டு பல்கலை. 4ஆவது இடத்தையும் பிடித்துள்ளன.&nbsp;ஹார்வர்டு பல்கலைக்கழகம் 5ஆம் இடத்தில் உள்ளது.</p> <p>இந்த நிலையில் தமிழ்நாட்டு பல்கலைக்கழகங்கள் எவை இடம்பிடித்துள்ளன தெரியுமா? இதோ லிஸ்ட்!</p> <p><strong>1 - ஐஐடி சென்னை 2026ஆம் ஆண்டில் 180-ஆம் இடத்தைப் பிடித்துள்ளது.</strong></p> <p><strong>2 &ndash; அண்ணா பல்கலைக்கழகம் 383 465ஆம் இடத்துக்கு தள்ளப்பட்டுள்ளது.</strong></p> <p><strong>3</strong>- <strong>வேலூர் பல்கலைக்கழகம் தற்போது 691ஆவது இடத்தைப் பிடித்துள்ளது. 791 முதல் 800 வரையிலான இடத்தில் முன்பு இருந்தது.</strong></p> <p>4- என்ஐடி திருச்சி 734ஆம் இடத்துக்குச் சரிந்துள்ளது. முன்னதாக 2025ஆம் ஆண்டில் 701-710 இடத்தில் இருந்தது.</p> <p>5- சவீதா மருத்துவ மற்றும் தொழில்நுட்ப அறிவியல் கல்லூரி இந்த ஆண்டு &nbsp;926ஆம் இடத்தைப் பிடித்துள்ளது. முன்பாக 951-1000ஆம் இடத்தில் சவீதா கல்லூரி இருந்தது.</p> <p>6- அமிர்த விஸ்வ வித்யாபீடம் 1001-1200 இடத்தில் உள்ளது. கடந்த ஆண்டும் இதே இடத்தில் இருந்தது குறிப்பிடத்தக்கது. குறிப்பாக 1008ஆம் இடத்தை அமிர்தா பெற்றுள்ளது.</p> <p>7 - SRM இன்ஸ்டிடியூட் ஆஃப் சயின்ஸ் அண்ட் டெக்னாலஜி, சென்னையும் இதே இடத்தைப் பிடித்துள்ளது. குறிப்பாக, 1097ஆவது இடத்தில் SRM உள்ளது.</p> <p>8 - புதுச்சேரி பல்கலைக்கழகம் 1201- 1400ஆம் இடத்தை தக்க வைத்துள்ளது. 1274ஆம் இடத்தில் உள்ளது.</p> <p>9 - அதேபோல சத்யபாமா அறிவியல் மற்றும் தொழில்நுட்ப நிறுவனமும் (நிகர்நிலைப் பல்கலைக்கழகம்) 1201- 1400ஆம் இடத்தைத் தக்க வைத்துள்ளது. 1284ஆம் இடத்தில் சத்யபாமா உள்ளது.</p> <p><strong>முழு விவரங்களை&nbsp;<a href="https://www.topuniversities.com/world-university-rankings" rel="nofollow">https://www.topuniversities.com/world-university-rankings</a>&nbsp;என்ற இணைப்பில் காணலாம்.</strong></p>