<p>எம்பிபிஎஸ், பிடிஎஸ் கிடைக்கவில்லையென்றால் வேறு மருத்துவப் படிப்புகள் இல்லையென்றுதான் பெரும்பாலானோர் நினைக்கின்றனர். ஆனால், அவற்றைத் தாண்டி ஏராளமான துணை மருத்துவப் படிப்புகள் குவிந்து கிடக்கின்றன. அவற்றுக்கான விண்ணப்பப் பதிவு முடிய இன்னும் சில நாட்களே உள்ளன. அதாவது மாணவர்கள் ஜூன் 26ஆம் தேதி மாலை 5 மணி வரை விண்ணப்பிக்கலாம்.</p>
<h2><strong>துணை மருத்துவப் படிப்புகள் என்னென்ன?</strong></h2>
<p>நர்ஸிங் படிப்பு, பி.எஸ்சி. படிப்புகளில் ரேடியோதெரபி, ரேடியாலஜி, கார்டியாக் டெக்னாலஜி, க்ரிட்டிக்கல் கேர் டெக்னாலஜி, டயாலிசிஸ் டெக்னாலஜி, ரெஸ்பிரேட்டரி தெரபி, ஆபரேஷன் தியேட்டர் டெக்னாலஜி, எமர்ஜென்சி கேர் டெக்னாலஜி உள்ளிட்ட ஏராளமான பிரிவுகள் உள்ளன. அதேபோல ஃபார்மஸி படிப்பும் படிக்கலாம். எக்கோ கார்டியோ கிராபி, கீமோ டயாலிசிஸ் ஆகியவற்றில் டெக்னீஷியன் படிப்பை முடித்தால் முறையே இதய நிபுணர், சிறுநீரக நிபுணர்களுக்கு உதவியாளராகப் பணியாற்றலாம்.</p>
<p>மயக்க மருந்தியல், ஆய்வகவியல், தியேட்டர் உதவியாளர், இசிஜி, ரேடியாலஜி, லேபராட்டரி டெக்னாலஜி ஆகியவற்றில் டிப்ளமோ படிப்பும் படிக்கலாம். </p>
<p>இதற்கிடையே தமிழ்நாடு அரசு மருத்துவ கல்லூரிகளில்‌ உள்ள இடங்கள்‌ மற்றும்‌ தமிழ்நாடு டாக்டர்‌ எம்‌.ஜி.ஆர்‌. மருத்துவ பல்கலைக்கழகத்தால்‌ அங்கீகாரம்‌ பெறப்பட்ட சுயநிதிக் கல்லூரிகளில்‌ உள்ள அரசு ஒதுக்கீட்டு இடங்களில்‌ மருத்துவம்‌ சார்ந்த பட்டப் படிப்புகளில்‌ 2024-2024 ஆம்‌ கல்வி ஆண்டில்‌ சேர்வதற்காக விண்ணப்பப் பதிவு தொடங்கி நடைபெற்று வருகிறது. குறிப்பாக துணை மருத்துவப் படிப்புகளுக்கும் ஃபார்ம் டி படிப்புகளுக்கும் விண்ணப்பிக்க ஜூன் 26ஆம் தேதி கடைசித் தேதி ஆகும்.</p>
<h2><strong>விண்ணப்பிப்பது</strong> <strong>எப்படி</strong><strong>?</strong></h2>
<p>* மாணவர்கள் <strong><a href="https://reg24.tnmedicalonline.co.in/pmc/MyCourse.aspx">https://reg24.tnmedicalonline.co.in/pmc//MyCourse.aspx</a></strong> என்ற இணைப்பை க்ளிக் செய்ய வேண்டும்.</p>
<p>* அதில் புதிதாக முன்பதிவு செய்து, லாகின் செய்ய் வேண்டும். </p>
<p>* கேட்கப்பட்டுள்ள தகவல்களைப் பூர்த்தி செய்து, சான்றிதழ்களைப் பதிவேற்றம் செய்ய வேண்டும். </p>
<p>* விண்ணப்பக் கட்டணத்தைச் செலுத்தி, விண்ணப்பிக்க வேண்டும். </p>
<p>* இணையதள விண்ணப்ப படிவத்தை ஏற்காத நிகழ்வில்‌ மறுபரிசீலனைக்கு எந்த ஒரு கடிதமோ / கோரிக்கையோ ஏற்றுக்‌கொள்ளப்பட மாட்டாது.</p>
<p>* அதேபோல முழுமையாகப்‌ பூர்த்தி செய்யப்படாத இணையதள விண்ணப்பப் படிவமும்‌ ஏற்றுக்கொள்ளப்படாது.</p>
<p>சந்தேகங்களுக்கு: <strong>044-29862045, 044-29862046, 044-28361674</strong></p>
<p>விண்ணப்பிப்பது தொடர்பான விவரங்களை அறிய <a href="https://tnmedicalselection.net/news/23052024013949.pdf" rel="nofollow">https://tnmedicalselection.net/news/23052024013949.pdf</a> என்ற அறிவிக்கையைப் பார்க்கலாம். <br /><br /><strong>கூடுதல் தகவல்களுக்கு: <a href="https://tnmedicalselection.net/">https://tnmedicalselection.net/</a> மற்றும் <a href="http://www.tnmedicalselection.org/">www.tnmedicalselection.org</a> </strong></p>
1 year ago
15 
