NIT திருச்சியில் 122 பேராசிரியர் பணி: விண்ணப்பிக்க கடைசி நாள் நெருங்குது! மிஸ் பண்ணிடாதீங்க!

<p>திருச்சியில் அமைந்துள்ள தேசிய தொழில்நுட்பக் கழகத்தில் (NIT Trichy) காலியாக உள்ள 122 பேராசிரியர் பணியிடங்களை நிரப்புவதற்கான அதிகாரப்பூர்வ வேலைவாய்ப்பு அறிவிப்பு வெளியாகியுள்ளது.</p> <p>மத்திய அரசுப் பணிக்காக காத்திருக்கும் ஏப்ரல் 6ஆம் தேதிக்குள் ஆன்லைனில் விண்ணப்பிக்கலாம் என அறிவிக்கப்பட்டுள்ளது.</p> <h2><strong>என்னென்ன பணியிடங்கள்?</strong></h2> <p>உதவிப் பேராசிரியர் (Assistant Professor Grade I &amp; II), இணைப் பேராசிரியர் (Associate Professor) மற்றும் பேராசிரியர் (Professor) என மொத்தம் 122 காலிப்பணியிடங்கள் இந்த அறிவிப்பின் மூலம் நிரப்பப்பட உள்ளன.</p> <h2><strong>கல்வித் தகுதி</strong></h2> <p><br />இந்த பணியிடங்களுக்கு விண்ணப்பிக்க விரும்பும் விண்ணப்பதாரர்கள், சம்பந்தப்பட்ட பாடப்பிரிவுகளில் பிஎச்டி முடித்திருப்பது கட்டாயமாகும். மேலும், விண்ணப்பிக்கும் பதவிக்கு ஏற்ப கற்பித்தல் மற்றும் ஆராய்ச்சியில் போதிய முன் அனுபவம் பெற்றிருக்க வேண்டும்.</p> <h2><strong>முக்கிய</strong> <strong>தேதிகள் இதோ</strong></h2> <p>தகுதியான தேர்வர்கள் திருச்சி என்.ஐ.டி.யின் அதிகாரப்பூர்வ இணையதளமான <a href="https://www.google.com/url?sa=E&amp;q=http%3A%2F%2Fwww.nitt.edu">www.nitt.edu</a>&nbsp;என்ற முகவரி மூலம் ஆன்லைனில் விண்ணப்பிக்க வேண்டும் என்று தெரிவிக்கப்பட்டுள்ளது.</p> <p>இதற்கான இணையவழி விண்ணப்பப் பதிவு மார்ச் 6-ஆம் தேதி தொடங்கிய நிலையில், விண்ணப்பிக்கக் கடைசி நாள் ஏப்ரல் 6, 2026 ஆகும்.</p> <p>ஆன்லைனில் விண்ணப்பித்த பின்னர், பூர்த்தி செய்யப்பட்ட விண்ணப்பப் படிவத்தை அச்சிட்டு, தேவையான கல்வி மற்றும் அனுபவச் சான்றிதழ்களின் நகல்களை இணைத்து தபால் மூலம் அனுப்பி வைக்க வேண்டும். இந்த தபால், ஏப்ரல் 16-ஆம் தேதிக்குள் திருச்சி என்.ஐ.டி அலுவலகத்திற்குச் சென்றடைய வேண்டும் எனவும் தெரிவிக்கப்பட்டு உள்ளது.</p> <h2><strong>விண்ணப்பக்</strong> <strong>கட்டணம்</strong> <strong>எவ்வளவு?</strong></h2> <p><br />பொதுப்பிரிவு, ஓபிசி மற்றும் பொருளாதாரத்தில் பின்தங்கிய பிரிவினருக்கு விண்ணப்பக் கட்டணமாக ரூ.1,000 நிர்ணயிக்கப்பட்டுள்ளது. அனைத்துப் பிரிவைச் சேர்ந்த பெண்கள், பட்டியலினத்தவர் மற்றும் மாற்றுத் திறனாளிகளுக்கு கட்டணம் செலுத்துவதில் இருந்து முழுமையாக விலக்கு அளிக்கப்பட்டுள்ளது.</p> <p>முழு விவரங்கள் மற்றும் தேர்வு முறை குறித்த தகவல்களை அறிய <a href="https://www.nitt.edu/home/other/jobs/faculty_recruitment_2026/">https://www.nitt.edu/home/other/jobs/faculty_recruitment_2026/</a> என்ற இணைப்பை க்ளிக் செய்யலாம்.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/do-you-eat-fruits-with-your-meals-this-one-is-for-you-252851" width="631" height="381" scrolling="no"></iframe></p>