<p>மத்தியக் கல்வி அமைச்சகத்தின் தேசிய தரவரிசைப் பட்டியலில் உள்ள டாப் 100 பொறியியல் கல்லூரிகளில் தமிழ்நாட்டில் இருந்து 14 கல்லூரிகள் தேர்வு செய்யப்பட்டுள்ளன.</p>
<p>ஆண்டுதோறும் தேசியக் கல்வி நிறுவனங்களுக்கான தரவரிசைப் பட்டியல் (National Institutional Ranking Framework) என்ஐஆர்எப் பட்டியல் என்ற பெயரில் மத்திய அரசால் வழங்கப்படுகிறது. இதில் தொடர்ந்து 6-வது முறையாக இந்தியாவின் தலைசிறந்த கல்வி நிறுவனமாக ஐஐடி சென்னை தேர்வு செய்யப்பட்டுள்ளது. </p>
<p>தேசியக் கல்வி நிறுவனங்களுக்கான தரவரிசைப் பட்டியலில் தேர்வு செய்யப்படும் ஒவ்வொரு கல்வி நிறுவனமும் 5 முக்கியக் காரணிகளை வைத்து மதிப்பிடப்படுகிறது. அதாவது கற்பித்தல், கற்றல் மற்றும் அதற்கான வளங்கள் (Teaching Learning & Resources), ஆராய்ச்சி மற்றும் பயிற்சி (Research and Professional Practice), பட்டப்படிப்பு (Graduation Outcome), வெளிப்படுதல் மற்றும் உள்ளடக்கம் (Outreach & Inclusivity), கருத்து (Perception) ஆகிய 5 காரணிகள் தரவரிசைப் பட்டியலைத் தீர்மானிக்கின்றன.</p>
<p>இந்த நிலையில் மத்தியக் கல்வி அமைச்சகத்தின் தேசிய தரவரிசைப் பட்டியலில் உள்ள டாப் 100 பொறியியல் கல்லூரிகளில் தமிழ்நாட்டில் இருந்து 14 கல்லூரிகள் தேர்வு செய்யப்பட்டுள்ளன. அவற்றின் முழு பட்டியல் இதோ..!</p>
<p><strong>கல்லூரி</strong> <strong>பெயர்</strong><strong> - </strong><strong>தரவரிசையில்</strong> <strong>பெற்றுள்ள</strong> <strong>இடம்</strong></p>
<ul>
<li>ஐஐடி சென்னை - 1</li>
<li>என்ஐடி திருச்சி - 9</li>
<li>விஐடி வேலூர்- 11</li>
<li>எஸ்.ஆர்.எம். கல்லூரி (S.R.M. Institute of Science and Technology), சென்னை - 13</li>
<li>அண்ணா பல்கலைக்கழகம் - 14</li>
<li>அமிர்த விஸ்வ வித்யாபீடம், கோவை – 23</li>
<li>கலசலிங்கம் கல்லூரி (Kalasalingam Academy of Research and Education), ஸ்ரீவில்லிப்புத்தூர் - 36</li>
<li>சாஸ்திரா பல்கலைக்கழகம் (Shanmugha Arts Science Technology & Research Academy), தஞ்சாவூர் - 38</li>
<li>எஸ்.எஸ்.என். கல்லூரி (Sri Sivasubramaniya Nadar College of Engineering), காலவாக்கம் - 46</li>
<li>சவீதா கல்லூரி (Saveetha Institute of Medical and Technical Sciences), சென்னை – 64</li>
<li>சத்யபாமா கல்லூரி (Sathyabama Institute of Science and Technology), சென்னை - 66</li>
<li>பிஎஸ்ஜி தொழில்நுட்பக் கல்லூரி (PSG College of Technology) , கோவை - 67</li>
<li>ஸ்ரீ கிருஷ்ணா கல்லூரி (Sri Krishna College of Engineering and Technology), கோவை – 83</li>
<li>வேல் டெக் கல்லூரி (Vel Tech Rangarajan Dr.Sagunthala R & D Institute of Science and Technology), சென்னை - 86</li>
</ul>
<p><br />இதில் கடந்த ஆண்டு இடம்பெற்று இருந்த சென்னை, ராஜலட்சுமி பொறியியல் கல்லூரி இந்த முறை டாப் 100 இடத்தை இழந்துள்ளது.</p>
<p>கூடுதல் தகவல்களுக்கு: <a href="https://www.nirfindia.org/" rel="nofollow">https://www.nirfindia.org/</a></p>
<p>முழு தரவரிசைப் பட்டியலையும் காண: </p>
<p><iframe src="https://drive.google.com/file/d/12Ym5hTn_3ESS6b9QzFmTUWhq2ZFIjerM/preview" width="640" height="480"></iframe></p>
1 year ago
7 
