NCET 2025: இன்றே கடைசி; ஒருங்கிணைந்த ஆசிரியர் படிப்பில் சேர விண்ணப்பிச்சுட்டீங்களா? எப்படி?

<p>4 ஆண்டு ஒருங்கிணைந்த ஆசிரியர் படிப்புக்கு நடத்தப்படும் நுழைவுத் தேர்வுக்கு விண்ணப்பிக்க இன்றே கடைசித் தேதி ஆகும்.</p> <h2><strong>அது என்ன ஒருங்கிணைந்த ஆசிரியர் படிப்பு?</strong></h2> <p>குறிப்பிட்ட மத்தியப் பல்கலைக்கழகங்கள், மாநிலப் பல்கலைக்கழகங்கள், ஐஐடிகள், என்ஐடிகள், அரசுக் கல்லூரிகளில் 4 ஆண்டு ஒருங்கிணைந்த ஆசிரியர் படிப்பு கற்பிக்கப்படுகிறது. இதில், இரட்டை மேஜர் படிப்புகள், குறிப்பாக பள்ளி அளவிலான கல்வி மற்றும் குறிப்பிட்ட துறைசார் படிப்புகள் கற்பிக்கப்படுகின்றன.</p> <h2><strong>பொது</strong> <strong>நுழைவுத்</strong> <strong>தேர்வு</strong></h2> <p>இந்தப் படிப்புகளில் சேர தேசிய பொது நுழைவுத் தேர்வு நடத்தப்படுகிறது. இந்தத் தேர்வு என்சிஇடி (National Common Entrance Test - NCET) என்று அழைக்கப்படுகிறது. நாடு முழுவதும் 13 மொழிகளில் 178 நகரங்களில் இந்தத் தேர்வு நடத்தப்படுகிறது. கணினி முறையில் இந்தத் தேர்வு நடத்தப்படுகிறது.</p> <p>2025ஆம் ஆண்டுக்கான தேர்வுக்கு மார்ச் 16 வரை விண்ணப்பிக்கலாம் என்று தேசியத் தேர்வுகள் முகமை தெரிவித்து இருந்தது. மார்ச் 18 - 19ஆம் தேதிகளில் விண்ணப்பப் படிவங்களில் திருத்தம் மேற்கொள்ளலாம் எனவும் கூறப்பட்டிருந்தது.</p> <h2><strong>இன்றே கடைசி</strong></h2> <p>தொடர்ந்து மாணவர்களின் கோரிக்கைக்கு ஏற்ப, விண்ணப்பிக்க அவகாசம் மார்ச் 31ஆம் தேதி வரை நீட்டிக்கப்பட்டது. இதன்படி விண்ணப்பிக்க இன்றே கடைசித் தேதி ஆகும்.</p> <p>தொடர்ந்து ஏப்ரல் முதல் வாரத்தில் தேர்வு மைய விவரம் வெளியிடப்பட உள்ளது. என்சிஇடி தேர்வு ஏப்ரல் 29ஆம் தேதி நடைபெற உள்ளது. தேர்வு ஹால் டிக்கெட், தேர்வுக்கு 3, 4 நாட்கள் முன்னதாக வெளியாகும் என்று தெரிவிக்கப்பட்டுள்ளது.</p> <h2><strong>தமிழ்நாட்டில் ஒருங்கிணைந்த ஆசிரியர் படிப்புகள்</strong></h2> <p>இங்கு திருவாரூர் மத்தியப் பல்கலைக்கழகத்தில் பிஎஸ்சி, பிஎட் என்ற பெயரில் இந்தப் படிப்பு வழங்கப்படுகிறது. இதற்கு 50 இடங்கள் ஒதுக்கப்பட்டுள்ளன. அதேபோல, என்ஐடி திருச்சியில், பி.ஏ., பிஎட் என்ற பெயரில் இந்தப் படிப்பு வழங்கப்படுகிறது. இந்தப் படிப்புக்கும் 50 இடங்கள் ஒதுக்கப்பட்டுள்ளன.&nbsp;</p> <h2><strong>விண்ணப்பிப்பது</strong> <strong>எப்படி</strong><strong>?</strong></h2> <p>தேர்வர்கள்&nbsp;<a href="https://exams.nta.ac.in/NCET/">https://exams.nta.ac.in/NCET/</a>&nbsp;என்ற இணைப்பை க்ளிக் செய்து, விண்ணப்பிக்க வேண்டும்.</p> <p>தேர்வு முறை, தேர்வு மைய விவரங்கள், வினாத்தாள், இந்தப் படிப்பை வழங்கும் கல்வி நிறுவனங்கள் குறித்த முழு தகவல்களுக்கு:&nbsp;<a href="https://exams.nta.ac.in/NCET/images/public-notice-for-inviting-online-application-of-ncet-2025-dated-20-feb-2025.pdf">https://exams.nta.ac.in/NCET/images/public-notice-for-inviting-online-application-of-ncet-2025-dated-20-feb-2025.pdf</a>&nbsp;என்ற இணைப்பை க்ளிக் செய்து காணலாம்.</p> <p><strong>தொலைபேசி</strong> <strong>எண்</strong><strong> - 011-4075 9000</strong></p> <p><strong>இ</strong> <strong>மெயில்</strong> <strong>முகவரி</strong><strong> - <a href="mailto:[email protected]">[email protected]</a></strong></p> <p><strong>&nbsp;</strong><strong>கூடுதல்</strong> <strong>தகவலைப் பெற</strong>-<strong>&nbsp;<a href="https://exams.nta.ac.in/NCET/">https://exams.nta.ac.in/NCET/</a>&nbsp;</strong></p>