<p style="text-align: justify;">ஆஸ்திரேலிய வேகப்பந்து வீச்சாளர் மிட்செல் ஸ்டார்க் இங்கிலாந்து அணிக்கு எதிரான முதல் டெஸ்டில் தனது 100வது ஆஷஸ் விக்கெட்டை எட்டியுள்ளார்.</p>
<h2 style="text-align: justify;">ஸ்டார்க் சாதனை: </h2>
<p style="text-align: justify;"><span dir="auto">பெர்த் ஸ்டேடியத்தில் நடந்த 2025-26 ஆஷஸ் தொடரின் தொடக்க ஆட்டத்தின் முதல் இன்னிங்ஸில் இங்கிலாந்துக்கு எதிராக ஸ்டார்க் தனது முதல் விக்கெட்டை வீழ்த்தினார்.</span></p>
<p style="text-align: justify;"><span dir="auto">இதன் மூலம், ஆஷஸ் தொடரில் ஸ்டார்க் 100 விக்கெட்டுகளையும் நிறைவு செய்தார். ஸ்டார்க் 23 போட்டிகளில் 43 இன்னிங்ஸ்களில் இந்த மைல்கல்லை எட்டினார். டெஸ்ட் வரலாற்றில் அதிக விக்கெட்டுகளை வீழ்த்திய முன்னாள் மேற்கிந்திய தீவுகள் வேகப்பந்து வீச்சாளர் கர்ட்லி அம்ப்ரோஸின் சாதனையை மிட்செல் ஸ்டார்க் முறியடித்துள்ளார், அவர் 98 டெஸ்ட் போட்டிகளில் 405 விக்கெட்டுகளை வீழ்த்தினார்.</span></p>
<blockquote class="twitter-tweet">
<p dir="ltr" lang="en">A milestone moment, Mitchell Starc picks up his 100th Ashes wicket and the crowd feels the buzz.<br />Another chapter added to the rivalry.<a href="https://twitter.com/hashtag/AUSvENG?src=hash&ref_src=twsrc%5Etfw">#AUSvENG</a> | THE ASHES | 1st Test | LIVE NOW 👉🏻 <a href="https://t.co/8oO6xoR7Gi">https://t.co/8oO6xoR7Gi</a> <a href="https://t.co/DfPtzDwM3F">pic.twitter.com/DfPtzDwM3F</a></p>
— Star Sports (@StarSportsIndia) <a href="https://twitter.com/StarSportsIndia/status/1991724424924713087?ref_src=twsrc%5Etfw">November 21, 2025</a></blockquote>
<p style="text-align: justify;"><span dir="auto">
<script src="https://platform.twitter.com/widgets.js" async="" charset="utf-8"></script>
</span></p>
<h2 style="text-align: justify;"><span dir="auto">இங்கிலாந்து ஆல் அவுட்:<br /></span></h2>
<p style="text-align: justify;"><span dir="auto">பெர்த்தில் நடைபெற்ற இந்தப் போட்டியில், டாஸ் வென்ற இங்கிலாந்து அணி முதலில் பேட்டிங் செய்யத் தேர்வு செய்தது. அந்த அணி 32.5 ஓவர்களில் 172 ரன்களுக்கு ஆல் அவுட்டானது. போட்டியின் முதல் ஓவரின் கடைசி பந்தில் ஜாக் க்ரௌலி (0) ஆட்டமிழந்து நடையைக் கட்டினர்</span></p>
<p style="text-align: justify;"><span dir="auto">பின்னர் ஓலி போப் பென் டக்கெட்டுடன் இணைந்து நல்ல பார்ட்னர்ஷிப் அமைக்க முயன்றனர், இருவரும் இரண்டாவது விக்கெட்டுக்கு 33 ரன்கள் சேர்த்த நிலையில் டக்கெட் 21 ரன்களுக்கு ஆட்டமிழந்தார்.</span></p>
<p style="text-align: justify;"><span dir="auto">பெரிதும் எதிர்ப்பார்க்கப்பட்ட ஜோ ரூட் டக் அவுட்டாக இங்கிலாந்து அணி 39 ரன்களுக்கு மூன்று விக்கெட்டுகளை இழந்திருந்தது. அங்கிருந்து, ஓலி போப், ஹாரி புரூக்குடன் இணைந்து நான்காவது விக்கெட்டுக்கு 67 பந்துகளில் 55 ரன்கள் சேர்த்து அணியை ஸ்கோரை 100 ரன்களை நெருங்கச் செய்தார். இந்த இன்னிங்ஸில் ஓலி போப் 58 பந்துகளை எதிர்கொண்டு 46 ரன்கள் எடுத்தார்.</span></p>
<blockquote class="twitter-tweet">
<p dir="ltr" lang="en">Mitchell Starc has claimed his 100th wicket against England! <a href="https://twitter.com/hashtag/MilestoneMoment?src=hash&ref_src=twsrc%5Etfw">#MilestoneMoment</a> | <a href="https://twitter.com/hashtag/Ashes?src=hash&ref_src=twsrc%5Etfw">#Ashes</a> | <a href="https://twitter.com/nrmainsurance?ref_src=twsrc%5Etfw">@nrmainsurance</a> <a href="https://t.co/vItwfdCK3X">pic.twitter.com/vItwfdCK3X</a></p>
— cricket.com.au (@cricketcomau) <a href="https://twitter.com/cricketcomau/status/1991707975661109519?ref_src=twsrc%5Etfw">November 21, 2025</a></blockquote>
<p style="text-align: justify;"><span dir="auto">
<script src="https://platform.twitter.com/widgets.js" async="" charset="utf-8"></script>
</span></p>
<p style="text-align: justify;"><span dir="auto">ஜேமி ஸ்மித் மற்றும் புரூக் ஆறாவது விக்கெட்டுக்கு 30 பந்துகளில் 45 ரன்கள் சேர்த்தனர். புரூக் இன்னிங்ஸில் 52 ரன்கள் எடுத்தார், ஒரு சிக்ஸர் மற்றும் ஐந்து பவுண்டரிகளுடன் ஆட்டமிழ்ந்தார். ஆஸ்திரேலியா அணிக்காக, மிட்செல் ஸ்டார்க் 58 ரன்களுக்கு 7 விக்கெட்டுகளையும், பிரெண்டன் டாகெட் மற்றும் கேமரூன் கிரீன் தலா ஒரு விக்கெட்டையும் வீழ்த்தினர்.</span></p>
3 weeks ago
3 
