<p>முன்னாள்‌ இராணுவ வீரர்கள்‌/ முன்னாள்‌ துணை இராணுவப் படை வீரர்களிடம் இருந்து விண்ணப்பங்கள்‌ வரவேற்கப்படுவதாக தமிழக அரசு தெரிவித்துள்ளது.</p>
<p>இதுகுறித்துத் தமிழ்நாடு அரசு இன்று வெளியிட்டுள்ள செய்திக் குறிப்பு: </p>
<p>01.07.2024 நாளன்று 50 வயதுக்குக்‌ கீழுள்ள முன்னாள்‌ இராணுவ வீரர்கள்‌/ முன்னாள்‌ துணை இராணுவப்படை வீரர்களிடம் இருந்து விண்ணப்பங்கள் வரவேற்கப்படுகின்றன.</p>
<h2><strong>என்ன பதவிக்கு?</strong></h2>
<p>தமிழ்நாடு காவல்துறையின்‌ வெடிகுண்டு கண்டறிதல்‌ மற்றும்‌ செயலிழக்கம்‌ பிரிவின்‌ கீழ்க்‌கண்ட பதவிகளில்‌ பணிபுரிய ஆட்கள் தேவை.</p>
<p>எஸ்‌.எஸ்‌.எல்‌.சி. அல்லது எஸ்‌.எஸ்‌.சி. தேர்ச்சி பெற்று, இராணுவம்‌ அல்லது துணை ராணுவப்‌ படைகளில்‌ குறைந்தபட்சம்‌ 10 ஆண்டுகள்‌ பணிபுரிந்து இருக்க வேண்டும்.</p>
<p>அதேபோல இராணுவம்‌, NSG, CAPF, CME / புனே, போன்றவற்றில்‌ வெடிகுண்டு கண்டறிதல்‌ மற்றும்‌ செயலிழக்கம்‌ பிரிவுகளால்‌ நடத்தப்படும்‌ பயிற்சியில்‌ தகுதி பெற்று இருப்பது அவசியம், இத்துறை மற்றும்‌ பிற தொடர்புடைய பிரிவில்‌ அறிவு மற்றும்‌ நடைமுறை அனுபவம்‌ ஆகிவை பெற்று இருக்க வேண்டும்.</p>
<h2><strong>ஒப்பந்த அடிப்படையில்‌ வேலை</strong></h2>
<p>மேலும் தமிழ்‌ மற்றும்‌ ஆங்கிலத்தில்‌ போதிய பயிற்சி அளிக்கும்‌ திறன்‌ பெற்றவர்களிடம் இருந்து விண்ணப்பங்கள்‌ வரவேற்கப்படுகின்றன. ஒரு வருட காலத்திற்கு ஒப்பந்த அடிப்படையில்‌ இந்த வேலை வழங்கப்படுகிறது. தேவைப்படின்‌ இது நீட்டிக்கப்படலாம்‌.</p>
<p>1) ஆய்வாளர்‌- BDDS (முன்னாள்‌ சுபேதார்‌/ சுபேதார்‌ மேஜர்‌) - 7 பணியிடங்கள்‌</p>
<p>ஊதிய அளவு: ரூ.37,700- ரூ.11,95,000</p>
<p> (1) உதவி ஆய்வாளர்‌- BDDS (முன்னாள்‌ நாயிப்‌ சுபேதார்‌) - 21 பணியிடங்கள்‌</p>
<p>ஊதிய அளவு: ரூ.36,900- ரூ.1,16,600</p>
<p>(iii) தலைமை காவலர்‌- BDDS (முன்னாள்‌ ஸஹவில்தார்‌ / நாயக்‌) - 36 பணியிடங்கள்‌</p>
<p>ஊதிய அளவு: ரூ.20,600- ரூ. 65,500</p>
<h2><strong>விண்ணப்பிப்பது எப்படி?</strong></h2>
<p>தகுதியான விண்ணப்பதாரர்கள்‌ தங்களின்‌ சுய விவரங்களுடன்‌ (Biodata) கூடிய விண்ணப்பங்களை தேவையான ஆவணங்களின்‌ நகல்களுடன்‌ அனுப்ப வேண்டும்‌.</p>
<p>காவல்‌ துறைத்‌ தலைவர்‌, செயலாக்கம்‌, மருதம்‌, எண்‌.17, போட்‌. கிளப்‌ சாலை, இராஜா அண்ணாமலைபுரம்‌, சென்னை- 28 என்ற முகவரிக்கு அனுப்ப வேண்டும்‌. ஆவணங்களை தபால்‌ மூலம்‌ 14.11.2024 க்குள்‌ அனுப்ப வேண்டியது முக்கியம்.</p>
<p>தகுதியான விண்ணப்பதாரர்கள்‌ மட்டும்‌ சான்றிதழ்‌ சரிபார்ப்பு மற்றும்‌ தேர்வு (எழுத்து மற்றும்‌ நடைமுறைத்‌ தேர்வுகள்‌) போன்றவற்றுக்கு தனிப்பட்ட அழைப்புக்‌ கடிதங்கள்‌ மூலம்‌ அழைக்கப்படுவார்கள்‌.</p>
<p>இந்த ஆட்சேர்ப்பு, விதிமுறைகள்‌ மற்றும்‌ நிபந்தனைகளுக்கு உட்பட்டது என்றும் தெரிவிக்கப்பட்டுள்ளது. </p>
1 year ago
7 
