Jailer 2 Collection: அடேங்கப்பா..! ஜெயிலர் 2 முதல் நாள் வசூல் எத்தனை கோடிகள் தெரியுமா? எகிறி அடித்த ரஜினிகாந்த்

<p><strong>Jailer 2 Day 1 BoxOffice Collection:</strong> ரஜினிகாந்த் நடிப்பில் வெளியாகியுள்ள ஜெயிலர் 2 திரைப்படம் முதல் நாளே இந்தியாவில் சுமார் 50 கோடி ரூபாய் வரை வசூலித்துள்ளதாக கூறப்படுகிறது.</p> <h2><strong>ஜெயிலர் 2 திரைப்படம்:</strong></h2> <p>ரஜினிகாந்த் நடிப்பில் நெல்சன் இயக்கத்தில் கடந்த 2023ம் ஆண்டு வெளியான ஜெயிலர் திரைப்படம் மிகப்பெரிய ஹிட் அடித்தது. அதன் தொடர்ச்சியாக இதே கூட்டணி அனிருத் இசையில், சன் பிக்சர்ஸ் தயாரிப்பில் ஜெயிலர் 2 திரைப்படம் உருவாகி பெரும் எதிர்பார்ப்புகளுடன் நேற்று உலகம் முழுவதும் வெளியானது. முதல் பாகம் முடிந்த புள்ளியிலிருந்தே படம் அப்படியே தொடங்குவதால், சிலை கடத்தல் கும்பலுக்கு எதிரான முன்னாள் காவல்துறை அதிகாரியின் கதையாகவே வடிவமைக்கப்பட்டுள்ளது. முதல் பாதி ஆக்&zwnj;ஷன், காமெடி என கலகலப்பாக செல்லும் நிலையில், இரண்டாம் பாதி செண்டிமெண்ட் மற்றும் எமோஷன் என நல்ல கலவையாக இருப்பதாக கூறப்படுகிறது. ஒரு சில குறைகள் இருந்தாலும், ஒட்டுமொத்தமாக இந்த தொடர் விடுமுறை காலத்திற்கு ஜெயிலர் 2 ஒரு நல்ல பொழுதுபோக்கு படம் என்றே படம் பார்த்த ரசிகர்கள் குறிப்பிடுகின்றனர்.&nbsp;</p> <p><iframe title="YouTube video player" src="https://www.youtube.com/embed/3S0dyQLITIs?si=t2LwoB1RDEtXRgLO" width="560" height="315" frameborder="0" allowfullscreen="allowfullscreen"></iframe></p> <h2><strong>ஜெயிலர் 2 திரைப்பட முதல் நாள் வசூல்:</strong></h2> <p>பெரும் எதிர்பார்ப்புகளுக்கு மத்தியில் வெளியான ஜெயிலர் 2 திரைப்படம், உலகம் முழுவதுமே முதல் நாளே 125 கோடி ரூபாய் வரை வசூலித்துள்ளதாக கூறப்படுகிறது. இதில் உள்நாட்டில் மட்டுமே 14 ஆயிரத்து 469 காட்சிகள் மூலம் ஒட்டுமொத்தமாக 70 கோடிக்கும் அதிகமாகவும், நெட் கலெக்&zwnj;ஷனாக சுமார் ரூ.59.70 கோடியும் வசூலிக்கப்பட்டுள்ளதாம். தமிழ் வெர்ஷனில் மட்டும் ஒட்டுமொத்தமாக 43 கோடியே 35 லட்சம் ரூபாய் உள்நாட்டிலேயே குவிந்துள்ளதாம். இரண்டாவதாக தெலுங்கு எடிஷனில் 12 கோடியே 50 லட்சம் வரை வசூலிக்கப்பட்டுள்ளதாம். இந்தியில் 4 ஆயிரம் காட்சிகள் திரையிடப்பட்டாலும், வெறும் 18 சதவிகித இருக்கைகள் மட்டுமே நிரம்பியதாக கூறப்படுகிறது. அதன் வாயிலாக சுமார் 3 கோடியே 50 லட்சம் வசூலாகியுள்ளதாம்.</p> <h2><strong>மாநில வாரியான வசூல்:</strong></h2> <p>தமிழ்நாட்டில் மட்டுமே ஜெயிலர் 2 திரைப்படம் சுமார் 24 கோடி ரூபாயும், ஆந்திரா/தெலங்கானாவில் சுமார் 14 கோடியே 50 லட்சம் ரூபாயும், கர்நாடகாவில் சுமார் 14 கோடியே 50 லட்சம் ரூபாயும், கேரளாவில் சுமார் 12 கோடியே 50 லட்சம் ரூபாயும் வசூலாகியுள்ளதாம். நாட்டின் பிற மாநிலங்களில் ஒட்டுமொத்தமாக சுமார் 4 கோடியே 75 லட்சம் குவிந்துள்ளதாம். இந்த ஒட்டுமொத்த வசூல் சுமார் 70 கோடியே 25 லட்சமாக பதிவாகியுள்ளதாம்.</p> <p><a title="TN Weather News: 34 மாவட்டங்களுக்கு வார்னிங்..! எங்கெல்லாம் மிக கனமழைக்கு வாய்ப்பு? சென்னை? தமிழக வானிலை அறிக்கை" href="https://tamil.abplive.com/news/tamil-nadu/tamilnadu-rain-alert-chennai-weather-forecast-tn-today-meteorological-department-warning-october-16th-heavy-rain-for-34-districts-277518" target="_self">இதையும் படியுங்கள்: TN Weather News: 34 மாவட்டங்களுக்கு வார்னிங்..! எங்கெல்லாம் மிக கனமழைக்கு வாய்ப்பு? சென்னை? தமிழக வானிலை அறிக்கை</a></p> <h2><strong>ஜெயிலர் 2 சர்வதேச வசூல்:</strong></h2> <p>சர்வதேச சந்தையில் ஜெயிலர் 2 திரைப்படமானது டிக்கெட் முன்பதிவிலேயே 3.9 மில்லியன் அமெரிக்க டாலர்கள், அதாவது இந்திய மதிப்பில் சுமார் 37 கோடி ரூபாய்க்கு டிக்கெட்டுகள் விற்பனையாகியுள்ளன. இதுபோக நேற்று நேரடி டிக்கெட் விற்பனையிலும் தமிழ் மற்றும் தெலுங்கு வெர்ஷன்களுக்கு சர்வதேச அளவில் வலுவான தேவை இருந்துள்ளது. சர்வதேச சந்தையில் ஒட்டுமொத்தமாக 55 கோடி ரூபாய் வரையில் வசூலித்துள்ளதாம். இதையெல்லாம் சேர்த்தால் முதல் நாள் முடிவிலெயே ஜெயிலர் திரைப்படம் உலகம் முழுவதும் 125 கோடி ரூபாய் வரை வசூலித்துள்ளதாக முதல்ற்கட்ட தகவல்கள் தெரிவிக்கின்றன.&nbsp;</p> <h2><strong>முதல் நாளில் அதிக வசூல் செய்த படங்கள்:</strong></h2> <p>வெளியான முதல் நாளிலேயே அதிக வசூல் செய்த படங்களில் ரஜினியின் ஜெயிலர் 2 திரைப்படம் மூன்றாவது இடத்தை பிடித்துள்ளது.</p> <ul> <li>கூலி - ரூ.151.14 கோடி</li> <li>லியோ - ரூ.142.03 கோடி</li> <li>தி கோட் - ரூ.99.39 கோடி</li> </ul>