<p>இஸ்லாமிய மதத்தின் இறைத் தூதராக அறியப்படும் முகமது நபியை அவமதித்த குற்றத்திற்காக ஈரானிய பாப் பாடகர் ஒருவருக்கு மரண தண்டனை விதிக்கப்பட்ட நிகழ்வு பெரும் பரபரப்பை ஏற்படுத்தியுள்ளது.</p>
<h2><strong>ஈரானிய பாடகருக்கு மரண தண்டனை</strong></h2>
<p>தட்டாலு என அழைக்கப்படும் ஈரானிய பாடகர், அவ்வப்போது அவரின் கருத்துகள் சர்ச்சைக்கு உள்ளாகி வருவது வழக்கமாக இருந்தது. இந்நிலையில், இஸ்லாமிய இறைத்தூதராக கருதப்படும் நபிகள் நாயகம் குறித்து சர்ச்சை கருத்துகளை தெரிவித்ததாக கூறப்படுகிறது. </p>
<p>இதையடுத்து, இவர் மீது வழக்கு தொடரப்பட்டது. இந்த வழக்கில், கடந்த ஆண்டு தீர்ப்பு வழங்கப்பட்டதில் 5 ஆண்டு சிறை தண்டனை விதிக்கப்பட்டது.</p>
<p>ஆனால், ஈரான் அரசுத் தரப்பு அவரை விடவில்லை, கடுமையான தண்டனை பெற்றுத்தர வேண்டும் என, வழக்கை மேல்முறையீடு செய்தது. </p>
<p>அதைத் தொடர்ந்து, இவ்வழக்கை விசாரித்த உச்ச நீதிமன்றம், தண்டனையை உறுதி செய்தது மட்டுமன்றி, நபியை இழிவுபடுத்தியதற்காக தட்டாலுவுக்கு மரண தண்டனை விதித்தது.</p>
<p>இந்த தீர்ப்பு ஈரானில் பெரும் பரபரப்பை ஏற்படுத்தியுள்ளது. இந்நிலையில், யார் இந்த தட்டாலு என்பது குறித்து பலரும் ஆராய்ந்து வருகின்றனர். </p>
<p> </p>
<blockquote class="twitter-tweet">
<p dir="ltr" lang="en">🇮🇷 Iranian Musician Tataloo Sentenced to Death for "Insulting the Prophet Muhammad"<br /><br />Tattoo-covered Iranian music star Amir Hossein Maghsoudloo, better known as Tataloo, has reportedly been sentenced to death by an Iranian court after being found guilty of insulting Prophet… <a href="https://t.co/07A0HqmquY">pic.twitter.com/07A0HqmquY</a></p>
— James Porrazzo (@JamesPorrazzo) <a href="https://twitter.com/JamesPorrazzo/status/1881300421945307555?ref_src=twsrc%5Etfw">January 20, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<h2><strong>யார், இந்த தட்டாலு:</strong></h2>
<p>தட்டாலு என்று அழைக்கப்படும் பாடகரின் உண்மையான பெயர் அமீர் ஹொசைன் மக்சூட்லூ. 37 வயது, ஈரானிய இசைக்கலைஞரான, இவர், ராப்- பாப் ஆகிய பாடல்கள் பாடுவதன் மூலம் பிரபலமானார். இவர், உடலில் அதிக அளவில் பச்சை குத்தியிருப்பதன் காரணமாக தட்டாலு என்றும் அழைக்கப்படுகிறார் என்றும் தகவல் தெரிவிக்கின்றன. </p>
<p>2015 ஆம் ஆண்டு அமெரிக்க அதிபராக டொனால்ட் டிரம்ப் முதல் முறையாக பதவியேற்ற போது, அவருக்கு எதிராக ஈரானின் அணுசக்தி திட்டத்தை ஆதரித்து தட்டாலூ பாடிய பாடல் சர்ச்சையை ஏற்படுத்தியது.</p>
<p>ஏற்கனவே விபச்சாரத்தை ஊக்குவித்ததற்காகவும், ஆபாசமான உள்ளடக்கத்தை வெளியிட்டதற்காகவும், நாட்டிற்கு எதிரான பிரச்சாரத்தை பரப்பியதற்காகவும் அந்த நபருக்கு 10 ஆண்டுகள் சிறைத்தண்டனை விதிக்கப்பட்டிருந்ததாகவும் தகவல் தெரிவிக்கின்றன.</p>
<p>இவர் 2018 முதல் துருக்கி நாட்டின் இஸ்தான்புல்லில் வசித்து வந்தார். இருப்பினும், டிசம்பர் 2023 இல், துருக்கிய அதிகாரிகள் அவரை ஈரானிடம் ஒப்படைத்தனர். </p>
<p>இந்நிலையில், தற்போது வழங்கப்பட்ட மரண தண்டனை தீர்ப்பானது வழங்கப்பட்டிருப்பது , பெரிதும் பேசு பொருளாக மாறியுள்ளது. இந்த தீர்ப்பானது இறுதியானது அல்ல என்றும், மேல்முறையீடு செய்யலாம் என்றும் தகவல் தெரிவிக்கின்றன.</p>
<p>இந்நிலையில், இந்த செய்தியானது உலகளவில் பெரும் பேசுபொருளாக மாறியுள்ளது. </p>
<p>Also Read: <a title="Israel Hamas Ceasefire: டிரம்ப்பா- பைடனா.? இஸ்ரேல் – ஹமாஸ் போர் நிறுத்தத்திற்கு யார் காரணம் ?" href="https://tamil.abplive.com/news/world/who-is-responsible-for-the-israel-hamas-ceasefire-trump-or-biden-more-details-in-tamil-213198" target="_self">Israel Hamas Ceasefire: டிரம்ப்பா- பைடனா.? இஸ்ரேல் – ஹமாஸ் போர் நிறுத்தத்திற்கு யார் காரணம் ?</a></p>
11 months ago
7 
