IPL 2026 CSK vs RR: பவுலிங் ஃபயர்.. பேட்டிங் டாப் கியர்! சென்னையை அசால்டா ஜெயிச்ச ராஜஸ்தான் ராயல்ஸ்!

<p><a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> தொடரில் இன்று கவுகாத்தியில் நடந்த போட்டியில் சென்னை சூப்பர்கிங்ஸ் - ராஜஸ்தான் ராயல்ஸ் அணிகள் மோதியது. இந்த போட்டியில் முதலில் பேட் செய்த சென்னை அணியை ராஜஸ்தான் பந்துவீச்சாளர்கள் சிதைத்தனர்.</p> <h2><strong>128 ரன்கள் இலக்கு:</strong></h2> <p>ருதுராஜ், சாம்சன், ஆயுஷ் மாத்ரே, ஷார்ட், ஷிவம் துபே என டாப் ஆர்டர்கள் சொதப்ப ஓவர்டன் தனி ஆளாக எடுத்த 43 ரன்கள் உதவியுடன் 128 ரன்களை இலக்காக ராஜஸ்தானுக்கு நியமித்தனர். 128 ரன்கள் என்ற இலக்குடன் களமிறங்கிய ராஜஸ்தான் அணிக்கு சூர்யவன்ஷி - ஜெய்ஸ்வால் ஆட்டத்தை தொடங்கினர். சூர்யவன்ஷி &nbsp;இளங்கன்று பயமறியாது என்பதுபோல &nbsp;மேட் ஹென்றி, கலீல் அகமது, கம்போஜ் என யார் வீசினாலும் அதிரடியாக ஆடினார்.</p> <h2><strong>சூர்யவன்ஷி அதிரடி தாண்டவம்:</strong></h2> <p>பவுண்டரியும், சிக்ஸரும் அவர் விளாசியதால் ராஜஸ்தான் வெற்றி மிகவும் எளிதாக மாறியது. அவர் 17 பந்துகளில் 4 பவுண்டரி 5 சிக்ஸருடன் 52 ரன்கள் எடுத்து அன்சுல் கம்போஜ் பந்தில் அவுடடானார். இதையடுத்து, ஜெய்ஸ்வால் - துருவ் ஜுரல் ஜோடி சேர்ந்தனர். &nbsp;8 ஓவர்களில் 91 ரன்கள் எடுத்தனர்.</p> <p>ஆட்டம் கையைவிட்டுப் போனாலும் சென்னை கேப்டன் ருதுராஜ் பந்துவீச்சாளர்களை மாறி, மாறி பயன்படுத்தினார். கம்போஜ் பந்தில் அடுத்தடுத்து 2 பவுண்டரிகளை விளாசிய துருவ் ஜுரல் 9 பந்துகளில் 4 பவுண்டரியுடன் 18 ரன்கள் எடுத்து அவுட்டானார்.</p> <p>அதன்பின்பு, ஜோடி சேர்ந்த கேப்டன் ரியான் பராக் - ஜெய்ஸ்வால் நிதானமாகவே ஆடினார்கள். மைதானம் இரண்டாம் பாதியில் சிறப்பாக பேட்டிங்கிற்கு ஒத்துழைத்ததால் அவர்கள் ரன் எடுக்க சிரமப்படவில்லை.</p> <h2>ராஜஸ்தான் வெற்றி:</h2> <p>பராக் - ஜெய்ஸ்வால் ஜோடி ஏதுவான பந்துகளை பவுண்டரிக்கும், சிக்ஸருக்கும் அனுப்பி ராஜஸ்தான் வெற்றியை எளிதாக்கினார்கள். &nbsp;இலக்கு மிகவும் குறைவாக இருந்ததால் சென்னை அணி பந்துவீச்சாளர்களால் ராஜஸ்தானை கட்டுப்படுத்த இயலவில்லை. இறுதியில் ராஜஸ்தான் அணி 8 விக்கெட் வித்தியாசத்தில் வெற்றி பெற்றது.</p> <p>இதன்மூலம் ராஜஸ்தான் அணி இந்த தொடரை வெற்றியுடன் தொடங்கியுள்ளது. முன்னாள் சாம்பியன் சென்னை சூப்பர் கிங்ஸ் அணி இந்த தொடரை தோல்வியுடன் தொடங்கியிருப்பது அவர்களது ரசிகர்களுக்கு ஏமாற்றத்தை ஏற்படுத்தியுள்ளது. 12.1 ஓவர்களில் ராஜஸ்தானை வெற்றி பெற வைத்த ஜெய்ஸ்வால் 36 பந்துகளில் 3 பவுண்டரி 1 சிக்ஸருடன் 38 ரன்களுடனும், ரியான் பராக் 14 ரன்களுடனும் அவுட்டாகாமல் இருந்தனர். ராஜஸ்தான் அணிக்காக ஆர்ச்சர் 4 ஓவர்களில் 19 ரன்கள் விட்டுக்கொடுத்து 2 விக்கெட்டுகளும், ஜடேஜா 3 ஓவர்களில் 18 ரன்கள் விட்டுக்கொடுத்து 2 விக்கெட்டுகளும் வீழ்த்தினர். பர்ஜர் 2 விக்கெட்டும், ப்ரிஜேஷ் சர்மா, சந்தீப்சர்மா, ரவி பிஷ்னோய் தலா 1 விக்கெட் வீழ்த்தினர்.</p>