<p><a title="ஐபிஎல்" href="https://tamil.abplive.com/sports/ipl" data-type="interlinkingkeywords">ஐபிஎல்</a> தொடர் விறுவிறுப்பாக நடந்து வருகிறது. 18வது சீசனின் 7வது போட்டியில் இன்று லக்னோ சூப்பர் ஜெயண்ட்ஸ் - சன்ரைசர்ஸ் ஹைதரபாத் அணிகள் நேருக்கு நேர் மோதுகின்றன.</p>
<h2><strong>ரன் வேட்டை நடத்துமா சன்ரைசர்ஸ்?</strong></h2>
<p>முதல் போட்டியில் வெற்றியுடன் தொடங்கிய சன்ரைசர்ஸ் இந்த போட்டியிலும் வெற்றியைத் தொடர முழு வேகத்துடன் களமிறங்கியுள்ளது. முதல் போட்டியில் தோல்வியை கண்ட லக்னோ அணி இந்த போட்டியில் வெற்றி பெற முழுமூச்சில் களமிறங்கியுள்ளது. </p>
<p>இந்த போட்டியில் டாஸ் வென்ற லக்னோ முதலில் பந்துவீச்சைத் தேர்வு செய்துள்ளது. ஏற்கனவே இந்த மைதானத்தில் நடந்த போட்டியில் சன்ரைசர்ஸ் அணி 286 ரன்களை குவித்தது. இதனால், இன்றைய போட்டியிலும் சன்ரைசர்ஸ் அணி ரன் வேட்டை நடத்தும் என்று எதிர்பார்க்கப்படுகிறது. </p>
<h2><strong>பேட்டிங் பட்டாளம்:</strong></h2>
<p>சன்ரைசர்ஸ் அணியில் பேட்டிங் பலம் வலுவாக உள்ளது. தொடக்க வீரர்கள் அபிஷேக் சர்மா, டிராவிஸ் ஹெட், இஷான் கிஷன், நிதிஷ் ரெட்டி, கிளாசென், அபினவ் மனோகர் பேட்டிங்கில் பலமாக உள்ளனர். </p>
<p>லக்னோ அணியில் மார்க்ரம், நிகோலஸ் பூரண், ரிஷப்பண்ட், டேவிட் மில்லர், பதோனி, சமத், உள்ளனர். கடந்த போட்டியில் ஜொலிக்காத கேப்டன் ரிஷப்பண்ட் இந்த போட்டியில் கட்டாயம் சிறப்பாக ஆட வேண்டியது அவசியம் ஆகும். </p>
<h2><strong>லக்னோ வெற்றி பெறுமா?</strong></h2>
<p>சன்ரைசர்ஸ் அணியில் பந்துவீச்சில் முகமது ஷமி, ஹர்ஷல் படேல், சிமர்ஜித் சிங், கம்மின்ஸ் உள்ளனர். லக்னோ அணியில் ஷர்துல் தாக்கூர், ரவி பிஷ்னோய், ஆவேஷ் கான், திக்வேஷ் ரதி, பிரின்ஸ் யாதவ் உள்ளனர். </p>
<p>லக்னோ அணியை காட்டிலும் சன்ரைசர்ஸ் அணி மிகவும் பலமாக உள்ளது. இன்றைய போட்டியில் சன்ரைசர்ஸ் அணி நிர்ணயிக்கும் கடினமான இலக்கை லக்னோ அணி எட்டிப்பிடிக்குமா? என்று ரசிகர்கள் மத்தியில் கேள்வி எழுந்துள்ளது.</p>
<h2><strong>ப்ளேயிங் லெவன்:</strong></h2>
<p><strong>சன்ரைசர்ஸ் ஹைதரபாத்;</strong></p>
<p>அபிஷேக் சர்மா, டிராவிஸ் ஹெட், இஷான் கிஷன், நிதிஷ் ரெட்டி, கிளாசென், அனிகெட் வர்மா, அபினவ் மனோகர், கம்மின்ஸ், சிமர்ஜித் சிங், ஹர்ஷல் படேல், முகமது ஷமி</p>
<p><strong>லக்னோ சூப்பர் ஜெயண்ட்ஸ்:</strong></p>
<p>மார்க்ரம், பூரண், ரிஷப்பண்ட், டேவிட் மில்லர், பதோனி, அப்துல் சமத், ஷர்துல் தாக்கூர், ரவி பிஷ்னோய், ஆவேஷ் கான், திக்வேஷ் ரதி, பிரின்ஸ் யாதவ்</p>
1 year ago
16 
