<p><strong>IND vs AUS Champions Trophy 2025 Semi Final:</strong> இந்தியா - ஆஸ்திரேலிய அணிகள் மோதும் அரையிறுதி போட்டி விறுவிறுப்பாக நடந்து வருகிறது. இந்த போட்டியில் இந்தியாவின் சுழல் தாக்குதலில் டிராவிஸ் ஹெட், லபுஷேனே, இங்கிலிஷ் விக்கெட்டுகளை இழந்தது. தற்போது, மேக்ஸ்வெல் - அலெக்ஸ் கேரி ஜோடி ஆடி வருகின்றனர். </p>
<p><strong>ஜடேஜாவிடம் அம்பயர் சொன்னது என்ன?</strong></p>
<p>இந்த மைதானத்தில் இந்திய அணியின் சுழற்பந்துவீச்சாளர்கள் சிறப்பாக பந்துவீசி வருகின்றனர். குல்தீப் யாதவ், வருண் சக்கரவர்த்தி, அக்ஷர் படேல் மற்றும் ஜடேஜா சிறப்பாக பந்துவீசி வருகின்றனர். </p>
<p>பிரதான ஆல்ரவுண்டரான ஜடேஜா பந்துவீசும்போது தனது கையில் டேப் சுற்றியிருந்தார். அப்போது, நடுவர் அந்த துணியை அகற்றுமாறு அறிவுறுத்தினார். ஏனென்றால், அதனால் பந்து சேதம் அடைய வாய்ப்பு இருப்பதாக கூறி அகற்ற கூறினார். இதையடுத்து, ஜடேஜா வெறும் கையில் பந்துவீசினார்.</p>
<blockquote class="twitter-tweet">
<p dir="ltr" lang="en">Umpire told Ravindra Jadeja to remove the tape from his bowling hands. <a href="https://t.co/Q8wQTeDygQ">pic.twitter.com/Q8wQTeDygQ</a></p>
— Mufaddal Vohra (@mufaddal_vohra) <a href="https://twitter.com/mufaddal_vohra/status/1896868795484143686?ref_src=twsrc%5Etfw">March 4, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p><strong>மிரட்டும் சுழல் கூட்டணி:</strong></p>
<p>ஜடேஜா 8 ஓவர்களில் 1 ஓவரை மெய்டனாக வீசி 40 ரன்களை விட்டுக்கொடுத்து 2 விக்கெட்டுகளை வீழ்த்தியுள்ளார். இந்த தொடரில் ஜடேஜா இந்திய அணிக்கு பந்துவீச்சில் பக்கபலமாக உள்ளார். அவர் பெரியளவு விக்கெட்டுகளை வீழ்த்தாவிட்டாலும் கட்டுக்கோப்பாக பந்துவீசி வருகிறார். </p>
<p>இந்திய அணியின் வருண் சக்கரவர்த்தி, அக்ஷர் படேல், குல்தீப் யாதவ், ஜடேஜா சுழல் கூட்டணி இந்த தொடரில் முக்கிய அங்கமாகா மாறியுள்ளது. இந்த மைதானம் சுழலுக்கு ஒத்துழைக்கும் என்பதால் சுழற்பந்துவீச்சாளர்களை மாறி, மாறி வீசி வருகின்றனர். </p>
<p>ஆஸ்திரேலிய அணிக்காக சிறப்பாக பேட்டிங் செய்த ஸ்மித் ஷமியின் பந்தில் 73 ரன்களில் போல்டானார். அதிரடி காட்ட முயற்சித்த மேக்ஸ்வெல் அக்ஷர் படேல் சுழலில் 7 ரன்களில் போல்டானார். </p>
<p><iframe class="vidfyVideo" style="border: 0px;" src="https://tamil.abplive.com/web-stories/lifestyle/8-quotes-for-successful-life-by-google-ceo-sundar-pichai-217441" width="631" height="381" scrolling="no"></iframe></p>
9 months ago
8 
