<p>IBPS PO Vacancy 2025: ஐபிபிஎஸ் எனப்படும் வங்கிப் பணியாளர் தேர்வு நிறுவனம், 2025ஆம் ஆண்டுக்கான புரொபேஷனரி அதிகாரி/ மேலாண்மை பயிற்சியாளர் (PO/MT) ஆட்சேர்ப்புக்கான பதிவு சாளரத்தைத் திறந்துள்ளது.</p>
<p>தகுதியான விண்ணப்பதாரர்கள், அதிகாரப்பூர்வ வலைத்தளமான ibps.in-ஐப் பார்வையிடுவதன் மூலம் தங்கள் விண்ணப்பங்களை ஆன்லைனில் சமர்ப்பிக்கலாம். விண்ணப்பக் கட்டணத்தை செலுத்துவதற்கான கடைசித் தேதி ஜூலை 21 ஆகும்.</p>
<h2><strong>காலியிட விவரங்கள்</strong></h2>
<p>பங்கேற்கும் பல்வேறு வங்கிகளில் மொத்தம் 5,208 காலியிடங்கள் அறிவிக்கப்பட்டுள்ளன. வங்கி வாரியான காலியிடங்கள் கீழே கொடுக்கப்பட்டுள்ளன.</p>
<p>பாங்க் ஆஃப் பரோடா - 1,000</p>
<p>பாங்க் ஆஃப் இந்தியா - 700</p>
<p>பாங்க் ஆஃப் மகாராஷ்டிரா - 1,000</p>
<p>கனரா வங்கி - 1,000</p>
<p>சென்ட்ரல் பாங்க் ஆஃப் இந்தியா - 500</p>
<p>இந்தியன் ஓவர்சீஸ் வங்கி - 450</p>
<p>பஞ்சாப் நேஷனல் வங்கி - 200</p>
<p>பஞ்சாப் மற்றும் சிந்து வங்கி - 358</p>
<p>அதே நேரத்தில் இந்தியன் வங்கி, யூகோ வங்கி மற்றும் யூனியன் பாங்க் ஆஃப் இந்தியா ஆகியவை இன்னும் தங்கள் காலியிட விவரங்களை வெளியிடவில்லை.</p>
<h2><strong>என்ன தகுதி?</strong></h2>
<p>வயது வரம்பு: ஜூலை 1, 2025 அன்று 20 வயது முதல் 30 ஆண்டுகள் வரை இருக்கலாம். அதே நேரத்தில் இட ஒதுக்கீட்டுப் பிரிவுகளைச் சேர்ந்த தேர்வர்களுக்கு வயது வரம்பில் தளர்வு அளிக்கப்பட்டுள்ளது.</p>
<p>கல்வித் தகுதி: அங்கீகரிக்கப்பட்ட பல்கலைக்கழகத்தில் ஏதேனும் ஒரு துறையில் இளங்கலைப் பட்டம்.</p>
<h2><strong>விண்ணப்பக் கட்டணம்</strong></h2>
<p>எஸ்சி / எஸ்டி/ மாற்றுத் திறனாளி விண்ணப்பதாரர்கள்: ரூ.175</p>
<p>மற்ற அனைத்து விண்ணப்பதாரர்கள்: ரூ.850</p>
<h2><strong>விண்ணப்பிப்பது எப்படி?</strong></h2>
<p>தேர்வர்கள் <a href="https://ibpsonline.ibps.in/ibpsjun25/">https://ibpsonline.ibps.in/ibpsjun25/</a> என்ற இணைப்பை க்ளிக் செய்ய வேண்டும். </p>
<p>அதில் கேட்கப்பட்டிருக்கும் தகவல்களை பூர்த்தி செய்து, விண்ணப்பிக்கலாம்.</p>
<h2><strong>IBPS PO ஆட்சேர்ப்புக்கான முக்கிய தேதிகள்</strong></h2>
<p>விண்ணப்பப் பதிவு & கட்டணம் செலுத்த அவகாசம்: ஜூலை 1 முதல் 21ஆம் தேதி வரை</p>
<p>தேர்வுக்கு முந்தைய பயிற்சி (Pre- Examination Training): ஆகஸ்ட் 2025</p>
<p>முதல்நிலைத் தேர்வு அனுமதிச் சீட்டு வெளியீடு: ஆகஸ்ட் 2025</p>
<p>முதல்நிலைத் தேர்வு: ஆகஸ்ட் 2025</p>
<p>முதல்நிலைத் தேர்வு முடிவுகள் அறிவிப்பு: செப்டம்பர் 2025</p>
<p>முதன்மை தேர்வு: செப்டம்பர்/அக்டோபர் 2025</p>
<p>முதன்மைத் தேர்வு: அக்டோபர் 2025</p>
<p>முதன்மைத் தேர்வு முடிவுகள்: நவம்பர் 2025</p>
<p>ஆளுமைத் தேர்வு (Personality Test): நவம்பர்/ டிசம்பர் 2025</p>
<p>நேர்காணல் சுற்றுகள்: டிசம்பர் 2025/ஜனவரி 2026</p>
<p>தற்காலிக ஒதுக்கீடு: ஜனவரி/ பிப்ரவரி 2026</p>
<p>இவ்வாறு ஐபிபிஎஸ் தெரிவித்துள்ளது.</p>
<p>கூடுதல் தகவல்களுக்கு: <a href="https://www.ibps.in/wp-content/uploads/Detailed-Notification_CRP-PO-XV.pdf">https://www.ibps.in/wp-content/uploads/Detailed-Notification_CRP-PO-XV.pdf</a></p>
<p> </p>
<p> </p>
5 months ago
4 
