<p><strong>India's First Hydrogen Train:</strong> இந்தியாவின் முதல் ஹைட்ரஜன் ரயில் மார்ச் 31 ஆம் தேதிக்குள் இயக்கப்படும் என்றும் இந்திய ரயில்வே தரப்பில் தெரிவிக்கப்பட்டுள்ளது. இந்நிலையில், எந்த பகுதியில் முதலில் இயக்கப்படுகிறது மற்றும் இதனால் என்ன பயன்கள் என்பது குறித்தும் பார்ப்போம்.</p>
<h2><strong>முதல் ஹைட்ரஜன் ரயில்:</strong></h2>
<p>இந்தியா தனது முதல் ஹைட்ரஜன் அடிப்படையில் இயங்கும் ரயிலை அறிமுகப்படுத்துகிறது. இதன் மூலம் ரயில்வே துறையில் ஒரு வரலாற்று மைல்கல்லைக் பதிக்க உள்ளது. இந்த ரயிலானது வரும் மார்ச் 31 ஆம் தேதி அறிமுகப்படுத்தப்படவுள்ளது. இது ஹரியான மாநிலத்தில் உள்ள் ஜிந்த்-சோனிபட் பாதையில் இயக்கத் திட்டமிடப்பட்டுள்ளது.</p>
<p>இந்த புதிய முயற்சியானது, நிலையான போக்குவரத்து, கார்பன் வெளியேற்றத்தைக் குறைத்தல் மற்றும் தூய்மையான எரிசக்தியை பயன்படுத்துதல் ஆகியவற்றுக்கான இந்தியாவின் தொலைநோக்குப் பார்வைக்கு வழி வகுக்கிறது. </p>
<p><br /><img style="display: block; margin-left: auto; margin-right: auto;" src="https://feeds.abplive.com/onecms/images/uploaded-images/2025/03/10/9c914610c2abbb48f6256fe0e93ec1031741545845626572_original.jpg" width="720" height="540" /></p>
<h2><strong>மாசுபாடு குறைப்பு:</strong></h2>
<p>ஹைட்ரஜன் ரயில்கள் சுற்றுச்சூழலுக்கு உகந்த ரயில் போக்குவரத்தை ஏற்படுத்துகிறது. ஏனெனில் அவை ஹைட்ரஜன் எரிபொருள்களை பயன்படுத்தி இயங்குகின்றன. இவை, துணைப் பொருட்களாக நீர் மற்றும் வெப்பத்தை மட்டுமே உற்பத்தி செய்கின்றன. வழக்கமான டீசல் ரயில்களைப் போல் இல்லாமல், இந்த ரயில்கள் கார்பன் வெளியேற்றத்தையும் ஒலி மாசுபாட்டையும் கணிசமாகக் குறைத்து, பயணத்திற்கு ஒரு தூய்மையான மாற்றாக அமைகிறது. </p>
<p>Also Read: <a title="”திருப்பதி கோயிலுக்கு மேலே விமானங்கள் பறக்க கூடாது” தேவஸ்தானத்திற்கு மத்திய அரசு சொன்னது என்ன?" href="https://tamil.abplive.com/news/india/tirupati-temple-trust-ttd-seeks-no-fly-zone-over-tirumala-union-aviation-minister-responds-more-details-217934" target="_self">”திருப்பதி கோயிலுக்கு மேலே விமானங்கள் பறக்க கூடாது” தேவஸ்தானத்திற்கு மத்திய அரசு சொன்னது என்ன?</a></p>
<h2><strong>இந்தியாவின் முதல் ஹைட்ரஜன் ரயிலின் அம்சங்கள்:</strong></h2>
<ul>
<li>இந்தியாவில் வரவிருக்கும் ஹைட்ரஜன் தொழில்நுட்பத்தில் இயங்கும் ரயிலானது பல ஈர்க்கக்கூடிய அம்சங்களை கொண்டுள்ளதால், இது இந்தியாவின் மிகவும் மேம்பட்ட ரயில்களில் ஒன்றாகும் இருக்கும் என கூறப்படுகிறது.</li>
<li>அதிகபட்ச வேகம்: இந்த ரயில் மணிக்கு 110 கிமீ வேகத்தில் செல்லும்</li>
<li>பயணிகள் திறன்: 2,638 பயணிகளை ஏற்றிச் செல்லும் வகையில் வடிவமைக்கப்பட்டுள்ளது.</li>
<li>இயந்திர சக்தி: இந்த ரயில் 1,200 ஹெச்பி எஞ்சின் பொருத்தப்பட்டிருக்கும், இது உலகின் அதிக திறன் கொண்ட ஹைட்ரஜன்-இயங்கும் ரயில் ஆகும்.</li>
<li>இந்த ரயில் ஹரியானாவின் ஜிந்த்-சோனிபட் வழித்தடத்தில் இயக்கப்படும், பயணிகளுக்கு சேவை செய்வதற்காக பல நிறுத்தங்களுடன் குறிப்பிடத்தக்க தூரத்தை கடக்கும். ஹரியானா அதன் வலுவான ரயில் வலையமைப்பு மற்றும் நிலையான போக்குவரத்து தீர்வுகளுக்கான அதிகரித்து வரும் தேவை காரணமாக தொடக்க மாநிலமாக தேர்வு செய்யப்பட்டுள்ளது.</li>
</ul>
<h2><strong>நிகர பூஜ்ஜிய கார்பன் உமிழ்வு:</strong></h2>
<p>இந்திய அரசாங்கம் தனது 'ரயில்வேக்கான ஹைட்ரஜன்' முயற்சியின் கீழ் நிலையான மற்றும் ஆற்றல் திறன் கொண்ட போக்குவரத்தை தீவிரமாக முன்னெடுத்து வருகிறது. இந்த திட்டம் 2030 ஆம் ஆண்டுக்குள் இந்திய ரயில்வேயை நிகர-பூஜ்ஜிய கார்பன் உமிழ்ப்பானாக மாற்றும் பெரிய இலக்கின் ஒரு பகுதியாகும்.</p>
<p>ஹைட்ரஜன் மூலம் இயங்கும் ரயில்களை வெற்றிகரமாக செயல்படுத்துவதன் மூலம், ஏற்கனவே ஹைட்ரஜன் ரயில் தொழில்நுட்பத்தை ஏற்றுக்கொண்ட ஜெர்மனி, சீனா மற்றும் இங்கிலாந்து போன்ற நாடுகளின் வரிசையில் இந்தியா சேர உள்ளது.</p>
<p>Also Read: <a title="I Phone 16e Review: பட்ஜெட் விலையில் ஐ போன் 16e: விலை, ஸ்டோரேஜ் அம்சங்கள் இதோ.!" href="https://tamil.abplive.com/technology/mobiles/iphone-16e-review-apple-budget-mobile-price-storage-and-size-details-in-tamil-217954" target="_self">I Phone 16e Review: பட்ஜெட் விலையில் ஐ போன் 16e: விலை, ஸ்டோரேஜ் அம்சங்கள் இதோ.!</a></p>
<h2><strong>புதிய சகாப்தம்:</strong></h2>
<p>இந்தியாவின் முதல் ஹைட்ரஜன் ரயிலின் அறிமுகமானது, ரயில் போக்குவரத்தில் ஒரு புதிய சகாப்தத்தைக் குறிக்கிறது. இந்த முயற்சி இந்தியாவின் கார்பன் தடத்தை குறைப்பது மட்டுமல்லாமல், ஆற்றல் செயல்திறனை மேம்படுத்துவதோடு, பாரம்பரிய ரயில் போக்குவரத்திற்கு பசுமையான மாற்றையும் வழங்கும். சுத்தமான எரிசக்தி மற்றும் மேம்பட்ட ரயில்வே உள்கட்டமைப்புக்கான தொலைநோக்குப் பார்வையுடன் நாடு முன்னேறும்போது, போக்குவரத்தின் எதிர்காலத்தை வடிவமைப்பதில் ஹைட்ரஜன் ரயில்கள் முக்கிய பங்கு வகிக்கக்கூடும் என எதிர்பார்க்கப்படுகிறது.</p>
9 months ago
8 
