<p><strong>புதிய</strong> <strong>ஹோண்டா</strong> <strong>ஹூரைடு</strong><strong> 125 </strong><strong>அறிமுகம்</strong><strong>: 47.17 </strong><strong>கி</strong><strong>.</strong><strong>மீ</strong> <strong>மைலேஜ்</strong> <strong>தரும்</strong> <strong>அட்வென்ச்சர்</strong> <strong>ஸ்டைல்</strong> <strong>ஸ்கூட்டர்</strong><strong>!</strong></p>
<p>சீனாவைச் சேர்ந்த வுயாங் ஹோண்டா (Wuyang Honda) நிறுவனம், தனது புதிய 'ஹோண்டா ஹூரைடு 125' (Honda HooRide 125) என்ற ஸ்கூட்டரை அதிகாரப்பூர்வமாக அறிமுகம் செய்துள்ளது. அட்வென்ச்சர் ரக வாகனங்களின் உத்வேகத்துடன் உருவாக்கப்பட்டுள்ள இந்த ஸ்கூட்டர், அதன் தனித்துவமான, முரட்டுத்தனமான வடிவமைப்பால் வாகனப் பிரியர்களின் கவனத்தை ஈர்த்துள்ளது.</p>
<p>கரடுமுரடான பயன்பாட்டிற்கும் ஏற்ற வகையிலான தோற்றத்தை இந்த ஸ்கூட்டர் பெற்றுள்ளது. இதன் முன்பக்கத்தில் பிரகாசமான டூயல் எல்இடி ஹெட் லைட்டுகள், அட்வென்ச்சர் பைக்குகளில் இருப்பது போன்ற கூர்மையான 'பீக்' (Beak) டிசைன் மற்றும் பிளாஸ்டிக் கவர் இல்லாத நேக்கட் ஹேண்டில்பார் ஆகியவை வழங்கப்பட்டுள்ளன. கால்களை வசதியாக வைத்துக்கொள்ள அகலமான ஃபுளோர்போர்டு மற்றும் ஸ்பிளிட் கிராப் ரெயில்கள் கொடுக்கப்பட்டுள்ளன.</p>
<h2><strong>என்னென்ன அம்சங்கள்?</strong></h2>
<p>இந்த புதிய ஹூரைடு 125 ஸ்கூட்டரில் மேம்பட்ட eSP தொழில்நுட்பத்துடன் கூடிய 125 சிசி சிங்கிள் சிலிண்டர், ஏர் கூல்டு இன்ஜின் பொருத்தப்பட்டுள்ளது. இந்த இன்ஜின் அதிகபட்சமாக 7 kW (9.38 hp) பவரையும், 10 Nm டார்க் திறனையும் சீராக வெளிப்படுத்தும் ஆற்றல் கொண்டது.</p>
<p><br /><img src="https://feeds.abplive.com/onecms/images/uploaded-images/2026/06/11/7c1546931c0fa9afaa6d6b0ffb7aa3b91781178337706332_original.png" width="720" /></p>
<h2><strong>மைலேஜ் எவ்வளவு தெரியுமா?</strong></h2>
<p>இதன் மிக முக்கிய சிறப்பம்சமாக மைலேஜ் பார்க்கப்படுகிறது. இந்த ஸ்கூட்டர் ஒரு லிட்டர் பெட்ரோலுக்கு 47.17 கிலோமீட்டர் மைலேஜ் வழங்கும் என தெரிவிக்கப்பட்டுள்ளது.</p>
<p>8.2 லிட்டர் கொள்ளளவு கொண்ட பெட்ரோல் டேங்க் இதில் வழங்கப்பட்டுள்ளதால், நீண்ட தூர பயணங்களுக்கு ஏற்றதாக இருக்கும். இதன் அதிகபட்ச வேகம் மணிக்கு 90 கிலோமீட்டராகும். மேலும், வாகனத்தின் மொத்த எடை வெறும் 106 கிலோ மட்டுமே என்பதால் டிராபிக்கில் கையாளுவதற்கு மிகவும் எளிதாக இருக்கும்.</p>
<h2><strong>வேறென்ன ஸ்பெஷல்?</strong></h2>
<p>சஸ்பென்ஷன் அமைப்பைப் பொறுத்தவரை, முன்பக்கத்தில் டெலஸ்கோபிக் ஃபோர்க்குகளும், பின்பக்கத்தில் சிங்கிள் ஷாக் அப்சார்பரும் உள்ளன. பாதுகாப்பிற்காக முன்பக்க வீலில் டிஸ்க் பிரேக்கும், பின்பக்க வீலில் டிரம் பிரேக்கும் சிபிஎஸ் தொழில்நுட்பத்துடன் இணைக்கப்பட்டுள்ளன.</p>
<p>நவீன வாடிக்கையாளர்களைக் கவரும் வகையில், ஸ்மார்ட் கீ வசதி, வாகனத்தின் தகவல்களைத் துல்லியமாகக் காட்டும் முழுமையான டிஜிட்டல் இன்ஸ்ட்ரூமென்ட் கிளஸ்டர் திரை மற்றும் பயணத்தின் போது ஸ்மார்ட்போன்களை சார்ஜ் செய்துகொள்ள யுஎஸ்பி டைப்-சி போர்ட் போன்ற பல்வேறு பிரீமியம் தொழில்நுட்ப வசதிகளும் இதில் இடம்பெற்றுள்ளன.</p>
<p><iframe class="vidfyVideo" style="border: 0px;" src="https://tamil.abplive.com/web-stories/auto/these-are-the-things-to-remember-when-buying-an-electric-scooter-263416" width="631" height="381" scrolling="no"></iframe></p>
1 hour ago
1 
