<p>தாட்கோ மூலம் ஐஐடி பேராசிரியர்கள் வழங்கும் இலவச ஜேஇஇ முதன்மை மற்றும் அட்வான்ஸ்டு தேர்வுகளுக்கான பயிற்சிக்கு பிளஸ் 2 முடித்த மாணவர்கள் விண்ணப்பிக்கலாம் என்று அழைப்பு விடுக்கப்பட்டுள்ளது. இந்த மாணவர்களுக்கு உணவு, தங்குமிடம் இலவசம் என்றும் தெரிவிக்கப்பட்டுள்ளது.</p>
<p>தமிழ்நாடு ஆதிதிராவிடர்‌ வீட்டு வசதி மற்றும்‌ மேம்பாட்டுக் கழகம் (தாட்கோ) மூலமாக 30 மாணவர்களுக்கு இந்த இலவச பயிற்சி அளிக்கப்பட உள்ளது.</p>
<h2><strong>என்ன தகுதி?</strong></h2>
<p>எஸ்சி, எஸ்டி தேர்வர்கள், பிற சமூக மாணவர்கள் 2024- 25ஆம் ஆண்டு 12ஆம் வகுப்பில் தேர்ச்சி பெற்றிருக்க வேண்டும். இயற்பியல், வேதியியல் மற்றும் கணிதப் பிரிவை எடுத்துப் படித்திருக்க வேண்டும்.</p>
<p>எஸ்சி, எஸ்டி மாணவர்கள் 65 சதவீத மதிப்பெண்களைப் பெற்றிருக்க வேண்டும். பிற பிரிவு மாணவர்கள் 75 சதவீத மதிப்பெண்களைப் பெற்று இருக்க வேண்டும்.</p>
<h2><strong>ஆண்டு வருமானம்</strong></h2>
<p>4 லட்ச ரூபாய்க்குக் குறைவாக இருக்க வேண்டும்.</p>
<p>சென்னை, திருச்சி, மதுரை மற்றும் கோவை ஆகிய இடங்களில் இலவச பயிற்சி மையங்கள் செயல்பட உள்ளன.</p>
<h2>பயிற்சியின் பயன்கள்</h2>
<ul>
<li> சிறந்த பயிற்சி மற்றும் வழிகாட்டுதல்.</li>
<li> தங்கும் இடம் மற்றும் உணவு இலவசம்.</li>
<li> IIT, NIT போன்ற உயரிய கல்வி நிறுவனங்களில் படிக்கும் வாய்ப்பு</li>
<li>மாணவர்களின் எதிர்கால வாழ்க்கைக்கு உறுதுணை.</li>
</ul>
<p> </p>
<h2><strong> விண்ணப்பிப்பது எப்படி?</strong></h2>
<p>விண்ணப்பிக்க விரும்பும் தேர்வர்கள், <a href="https://docs.google.com/forms/d/e/1FAIpQLSfeoo6wnsgCIQsjLBP1r1zvJiGPdWm2EPTzGGCMhSq9ZNXrqg/viewform">https://docs.google.com/forms/d/e/1FAIpQLSfeoo6wnsgCIQsjLBP1r1zvJiGPdWm2EPTzGGCMhSq9ZNXrqg/viewform</a> என்ற இணைப்பை க்ளிக் செய்யவும்.</p>
<p>விண்ணப்பதாரரின் பெயர், பிறந்த தேதி, ஆண்டு வருமானம், இ- மெயில் முகவரி, தொலைபேசி எண், மாவட்டம், பிரிவு, கோச்சிங் மையம் உள்ளிட்ட விவரங்களை உள்ளிட்டு விண்ணப்பிக்க வேண்டும்.</p>
8 months ago
6 
