EV Two Wheeler Sales: எகிறிய இ ஸ்கூட்டர் விற்பனை! TVSதான் டாப்பு... ஜுன் மாதத்தில் மத்தவங்க எப்படி?

<p><strong>EV Two Wheeler Sales in June 2026:</strong> இந்தியாவில் கடந்த சில மாதங்களாக மின்சார வாகனங்களின் பயன்பாடு அதிகரித்து வருகிறது. குறிப்பாக, இ ஸ்கூட்டர்கள், இ பைக்குகளின் எண்ணிக்கை பெட்ரோல் வாகனங்களுக்கு நிகராக அதிகரித்து வருகிறது.&nbsp;</p> <h2>இ ஸ்கூட்டர் விற்பனை:</h2> <p>ஜுன் மாதத்தில் மின்சார வாகனங்களின் விற்பனை அதிகரித்துள்ளது. கடந்த ஜுன் மாதத்தில் அதிகளவு டிவிஎஸ் நிறுவனத்தின் மின்சார வாகனங்கள் விற்பனையாகியுள்ளது. ஜுன் மாதம் அதிகம் விற்பனையான நிறுவனங்களின் மின்சார வாகனங்களின் பட்டியலை காணலாம்.</p> <h2><strong>டிவிஎஸ் நம்பர் 1:</strong></h2> <p>1 . டிவிஎஸ் - 46 ஆயிரத்து 999</p> <p>2. பஜாஜ் - 43 ஆயிரத்து 234</p> <p>3. ஏதர் - 31 ஆயிரத்து 188</p> <p>4. ஹீரோ - 21 ஆயிரத்து 792</p> <p>5. ஓலா - 16 ஆயிரத்து 144</p> <p>6. கிரீவ்ஸ் எலக்ட்ரிக் மொபைலிட்டி - 10 ஆயிரத்து 928</p> <p>7. ரிவர் - 4 ஆயிரத்து 391</p> <p>8. பிகாஸ் - 3 ஆயிரத்து 916</p> <p>9. இ ஸ்ப்ரின்டோ - 1, 878</p> <p>10. &nbsp;சிம்பிள் - 1,365</p> <p>11. மற்றவை - 11 ஆயிரத்து 660</p> <p>இந்த பட்டியலில் டிவிஎஸ் நிறுவனம் முதலிடத்தில் உள்ளது. அவர்களின் மின்சார வாகனம் மொத்த விற்பனையில் 24.29 சதவீதம் ஆகும். பஜாஜ் நிறுவனம் 22.34 சதவீதம் விற்பனையை கடந்த ஜுன் மாதம் செய்துள்ளது.</p> <h2>மாதந்தோறும் அதிகரிப்பு:</h2> <p>டிவிஎஸ் நிறுவனம் ஆர்பிட்டர் மற்றும் ஐக்யூப் இ ஸ்கூட்டரை விற்பனை செய்து வருகிறது. ஆர்பிட்டர் வி 2 இ ஸ்கூட்டர் 158 கிலோமீட்டர் வரை மைலேஜ் அளிக்கிறது. 3.1 கிலோவாட் பேட்டரி பொருத்தப்பட்டுள்ளது. இதன் விலை ரூபாய் 1 லட்சத்து 19 ஆயிரத்து 381 ஆகும். டிவிஎஸ் ஐக்யூப் இ ஸ்கூட்டர் 175 கிலோமீட்டர் வரை மைலேஜ் அளிக்கிறது. பஜாஜ் சேத்தக் இ ஸ்கூட்டர் 153 கிலோமீட்டர் வரை மைலேஜ் அளிக்கிறது. 5 வேரியண்ட் அளிக்கிறது. ரூபாய் 1 லட்சத்து 51 ஆயிரத்து 3 ரூபாய் ஆகும்.</p> <p>மின்சார வாகனங்கள் தயாரிப்பிற்காக சந்தையில் இயங்கி வரும் ஏதர், ஓலா நிறுவனங்களை டிவிஎஸ், பஜாஜ் பின்னுக்குத் தள்ளியுள்ளது. மொத்தமாக கடந்த ஜுன் மாதம் 1 லட்சத்து 93 ஆயிரம் மின்சார இரு சக்கர வாகனம் விற்பனையாகியுள்ளது. மே மாதம் 9.4 சதவீதமாக இருந்த மின்சார இரு சக்கர வாகன விற்பனை தற்போது 12.2 சதவீதமாக உயர்ந்துள்ளது.</p> <h2><strong>ஓலாவை பின்னுக்குத் தள்ளிய ஏதர்:</strong></h2> <p>ஏதருக்கு போட்டியாக கருதப்படும் ஓலா நிறுவனம் கடந்த ஜுன் மாதம் 16 ஆயிரத்து 144 வாகனங்கள் மட்டுமே விற்பனையாகியுள்ளது. ஆனால், ஏதர் நிறுவனம் 31 ஆயிரத்து 188 மின்சார வாகனங்களை விற்பனை செய்துள்ளது. ரிவர் இண்டி இ ஸ்கூட்டரை மட்டுமே விற்பனை செய்து வரும் ரிவர் நிறுவனம் 4 ஆயிரத்து 391 இ ஸ்கூட்டர் மட்டுமுே விற்பனையாகியுள்ளது.</p> <p>பெட்ரோல், டீசல் விலை உயர்வு காரணமாகவும் கடந்த ஜுன் மாதம் இரு சக்கர மின்சார வாகனங்களின் விற்பனை அதிகரித்துள்ளது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/lifestyle/is-it-okay-to-remove-mangalsutra-for-a-small-time-265740" width="631" height="381" scrolling="no"></iframe></p>