<p>தனித் தேர்வர்களுக்கான எட்டாம்‌ வகுப்பு பொதுத்‌ தேர்வு ஆகஸ்ட் மாதம் நடைபெற உள்ள நிலையில், இதற்கு ஜூலை 10ஆம் தேதி முதல் விண்ணப்பிக்கலாம் என்று அரசுத்‌ தேர்வுகள்‌ இயக்ககம்‌ அழைப்பு விடுத்துள்ளது. இதற்கு எப்போது, எப்படி விண்ணப்பிக்கலாம்? இதோ பார்க்கலாம்.</p>
<h2><strong>இதுகுறித்து வெளியிடப்பட்டுள்ள செய்திக் குறிப்பு:</strong></h2>
<ol>
<li><strong>ஆன்லைன்‌ மூலம்‌ விண்ணப்பங்களை வரவேற்றல்‌</strong></li>
</ol>
<p>ஆகஸ்ட்‌ 2025-ல்‌ நடைபெறவு உள்ள தனித்‌ தேர்வர்களுக்கான எட்டாம்‌ வகுப்பு பொதுத் தேர்விற்கு 10.07.2025 பிற்பகல்‌ முதல்‌ 17.07.2025 வரை (ஞாயிற்றுக்கிழமை நீங்கலாக) விண்ணப்பிக்கலாம். 01.08.2025 அன்று 12 % வயது பூர்த்தி அடைந்த தனித்‌ தேர்வர்கள்‌ தேர்வை எழுதத் தகுதியானவர்கள். www.dge.tn.gov.in என்ற இணையதளத்தில்‌ குறிப்பிட்டுள்ள சேவை மையங்களுக்கு நேரில்‌ சென்று ஆன்லைன் மூலம்‌ பதிவு செய்து கொள்ளலாம்‌.</p>
<ol start="2">
<li><strong>தேர்வுக்‌ கட்டண விவரம்‌</strong></li>
</ol>
<p>விண்ணப்பத்துடன்‌ தேர்வுக்‌ கட்டணம்‌ ரூ.125/- மற்றும்‌ ஆன்லைன்‌ பதிவுக்‌ கட்டணம்‌ ரூ.70/-மொத்தம்‌ ரூ.195/-ஐ பணமாக சேவை மையங்களில்‌ நேரடியாகச்‌ செலுத்த வேண்டும்‌.</p>
<p><strong>தட்கல் விண்ணப்பப் பதிவு</strong></p>
<p>மேற்குறிப்பிட்ட நாட்களில்‌ விண்ணப்பிக்கத்‌ தவறியவர்கள்‌ 18.07.2025 மற்றும்‌ 19.07.2025 ஆகிய நாட்களில்‌ (இரண்டு நாட்கள்‌) தேர்வு கட்டணத்துடன்‌ தட்கல்‌ விண்ணப்ப கட்டணத் தொகையான ரூ.500/- ஐ கூடுதலாகச்‌ செலுத்தி பதிவு செய்து கொள்ளலாம்‌.</p>
<ol start="3">
<li><strong>விண்ணப்பத்துடன்‌ இணைக்கப்பட வேண்டியவை</strong></li>
</ol>
<p><strong>* முதன்முறையாக தேர்வெழுத விண்ணப்பிப்பவர்கள்‌</strong></p>
<p>விண்ணப்பதாரர்கள்‌ ஆன்லைன்‌ விண்ணப்பத்துடன்‌ சான்றிடப்பட்ட தங்களது பள்ளி மாற்றுச்‌ சான்றிதழ்‌ நகல்‌ / பள்ளி பதிவுத்தாள்‌ நகல், பிறப்புச்‌ சான்றிதழ்‌ நகல்‌ இவற்றில்‌ எதேனும்‌ ஒன்றினை இணைத்து சமர்ப்பிக்க வேண்டும்‌.</p>
<p>* எற்கனவே எட்டாம்‌ வகுப்பு பொதுத்தேர்வெழுதி தோல்வியடைந்த பாடத்தை தேர்வெழுத விண்ணப்பிப்பவர்கள்‌</p>
<p>ஏற்கனவே தேர்வெழுதி பெற்ற மதிப்பெண்‌ சான்றிதழின்‌/ சான்றிதழ்களின்‌ நகல்களை கண்டிப்பாக இணைத்து சமர்ப்பிக்க வேண்டும்‌.</p>
<p>தனித்தேர்வர்கள்‌ ரூ.42/- க்கான அஞ்சல்‌ வில்லை ஒட்டப்பட்ட, பின்கோடுடன்‌ கூடிய சுயமுகவரியிட்ட உறை ஒன்றினை விண்ணப்பத்துடன்‌ இணைத்து சமர்ப்பிக்க வேண்டும்‌.</p>
<ol start="4">
<li>ஆன்லைன்‌ மூலம்‌ பெறப்படும்‌ விண்ணப்பங்கள்‌ மட்டுமே ஏற்றுக்கொள்ளப்படும்‌. தபால்‌ மூலம்‌ பெறப்படும்‌ விண்ணப்பங்கள்‌ நிராகரிக்கப்படும்‌. </li>
</ol>
<ol start="5">
<li>இத்தேர்விற்கான விரிவான தகவல்கள்‌ Www.dge.tn.gov.in என்ற இணையதளத்தில்‌ வெளியிடப்படும்‌.</li>
</ol>
<p><strong>தேர்வு கால அட்டவணை</strong></p>
<p><strong><br /><img src="https://feeds.abplive.com/onecms/images/uploaded-images/2025/07/01/5bcf4e2ccf5e71bdf75cf20a134763561751352548605332_original.jpg" /></strong></p>
<p>இவ்வாறு அரசுத் தேர்வுகள் இயக்ககம் தெரிவித்துள்ளது.</p>
5 months ago
4 
