<p>2017-18 ஆம் ஆண்டு முதல் புள்ளியியல் மற்றும் திட்ட அமலாக்க அமைச்சகத்தால் நடத்தப்படும் வருடாந்திர காலமுறை தொழிலாளர் கணக்கெடுப்பு மூலம் வேலைவாய்ப்பு மற்றும் வேலையின்மை குறித்த தரவு சேகரிக்கப்படுகிறது. ஒவ்வொரு ஆண்டும் ஜூலை முதல் ஜூன் வரை கணக்கெடுப்பு காலமாக உள்ளது.</p>
<p><strong>”வேலைவாய்ப்பு அதிகரிப்பு:”</strong></p>
<p>சமீபத்திய வருடாந்திர காலமுறை தொழிலாளர் சக்தி கணக்கெடுப்பு அறிக்கைகளில் கிடைக்கும் தரவுகளின்படி, கோவிட் காலம் உட்பட கடந்த 7 ஆண்டுகளில் வேலைவாய்ப்பைக் குறிக்கும் மதிப்பிடப்பட்ட தொழிலாளர் மக்கள் தொகை விகிதம் 2017-18 ல் 46.8 சதவிகிதத்தில் இருந்து 2023-24 இல் 58.2 சதவிதமாக அதிகரித்துள்ளதாக மத்திய அரசு தெரிவித்துள்ளது. </p>
<p>அதே காலகட்டத்தில், 15 வயது மற்றும் அதற்கு மேற்பட்ட வயதுடையவர்களுக்கான வழக்கமான நிலையில் வேலையின்மை விகிதம் 6 சதவிகிதத்திலிருந்து 3.2% வரை குறைந்துள்ளதாகவும் தெரிவித்துள்ளது. </p>
<p>மேலும், செப்டம்பர் 2017 முதல் செப்டம்பர் 2024 வரை 7 கோடிக்கும் அதிகமான நிகர சந்தாதாரர்கள் ஊழியர்களின் வருங்கால வைப்பு நிதி அமைப்பில் சேர்ந்துள்ளனர், இது வேலைச் சந்தையின் முறைப்படுத்தல் அதிகரித்துள்ளதைக் குறிப்பதாகவும் மத்திய அரசு தெரிவித்துள்ளது.</p>
<p><strong>ரிசர்வ் வங்கி அறிக்கை:</strong></p>
<p>இந்திய ரிசர்வ் வங்கி வெளியிட்டுள்ள KLEMS (K: Capital, L: Labour, E: Energy, M: Materials and S: Services) தரவுத்தளம் அகில இந்திய அளவில் வேலைவாய்ப்பு மதிப்பீடுகளை வழங்குகிறது. </p>
<p>இத்தரவுத்தளத்தின் சமீபத்திய தரவுகளின்படி, 2023-24 ஆம் ஆண்டிற்கான தற்காலிக மதிப்பீடுகளின்படி, 2014-15 ஆம் ஆண்டில் 47.15 கோடியாக இருந்த வேலைவாய்ப்பு 2023-24 ஆம் ஆண்டில் 64.33 கோடியாக அதிகரித்துள்ளது. 2014-15 முதல் 2023-24 வரை மொத்த வேலைவாய்ப்பு அதிகரிப்பானது, சுமார் 17.18 கோடி என தெரிவிக்கப்பட்டுள்ளது. </p>
<p>வேலைவாய்ப்பை உருவாக்குவதுடன் வேலைவாய்ப்புத் திறனை மேம்படுத்துவதே அரசின் முன்னுரிமையாகும். அதன்படி, நாட்டில் வேலைவாய்ப்பை உருவாக்க மத்திய அரசு பல்வேறு நடவடிக்கைகளை எடுத்து வருவதாக அரசு தெரிவித்துள்ளது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/technology/10-interesting-facts-about-space-208829" width="631" height="381" scrolling="no"></iframe></p>
<p><strong>பட்ஜெட் அறிவிப்பு:</strong></p>
<p>மேலும், 2024-25 ஆம் ஆண்டிற்கான பட்ஜெட்டில், 5 ஆண்டு காலத்தில் 4.1 கோடி இளைஞர்களுக்கு வேலைவாய்ப்பு, திறன் மேம்பாடு மற்றும் பிற வாய்ப்புகளை எளிதாக்கும் வகையில், 2 லட்சம் கோடி ரூபாய் மத்திய ஒதுக்கீட்டில் பிரதமரின் 5 திட்டங்கள் மற்றும் முன்முயற்சிகளின் தொகுப்பை அரசு அறிவித்துள்ளது எனவும் மாநிலங்களவையில், மத்திய தொழிலாளர் மற்றும் வேலைவாய்ப்புத் துறை இணையமைச்சர் செல்வி ஷோபா கரந்தலஜே இந்தத் தகவலைத் தெரிவித்தார்.</p>
1 year ago
7 
