Eid Mubarak: அன்பும் ஈகையும் மலரட்டும்: விழுப்புரம் நகராட்சி திடலில் ரம்ஜான் சிறப்புத் தொழுகை!

<p>விழுப்புரம் :&nbsp; புனித ரமலான் மாதம் முழுவதும் நோன்பு நோற்று, இறைவனை வழிபட்ட இஸ்லாமியப் பெருமக்கள், இன்று ஈகைத் திருநாளாம் ரம்ஜான் பண்டிகையை நாடு முழுவதும் உற்சாகத்துடன் கொண்டாடி வருகின்றனர். இதன் ஒரு பகுதியாக, விழுப்புரம் மாவட்டத்தில் உள்ள பள்ளிவாசல்கள் மற்றும் திறந்தவெளி மைதானங்களில் ஆயிரக்கணக்கான இஸ்லாமியர்கள் திரண்டு சிறப்புத் தொழுகையில் ஈடுபட்டனர்</p> <p>&nbsp;</p> <p>இஸ்லாமியர்களின் ஐந்தாவது கடமையான நோன்பு எனும் 'ஸவ்ம்' நிறைவு பெறுவதைக் குறிக்கும் விதமாக, உலகெங்கும் உள்ள இஸ்லாமியப் பெருமக்களால் ஈதுல் பித்ர் எனப்படும் ரமலான் பண்டிகை இன்று மிகச் சிறப்பாகக் கொண்டாடப்பட்டு வருகிறது.</p> <p>உலகம் முழுவதும் இன்று ரம்ஜான் பண்டிகை (ஈகைத் திருநாள்) மிகுந்த ஈடுபாட்டுடனும், உற்சாகத்துடனும் கொண்டாடப்பட்டு வருகிறது. அதன் ஒரு பகுதியாக, விழுப்புரம் மாவட்டத்தில் உள்ள பள்ளிவாசல்கள் மற்றும் திறந்தவெளி மைதானங்களில் இஸ்லாமியப் பெருமக்கள் இன்று காலை சிறப்புத் தொழுகையில் ஈடுபட்டனர்.</p> <h2>நகராட்சி திடலில் திரண்ட மக்கள்</h2> <p>விழுப்புரம் நகராட்சி மைதானத்தில் (ஈத்கா மைதானம்) இன்று காலை நடைபெற்ற பெருநாள் சிறப்புத் தொழுகையில், நகரின் பல்வேறு பகுதிகளில் இருந்தும் 500-க்கும் மேற்பட்ட ஆண்கள், பெண்கள், சிறுவர் மற்றும் சிறுமியர் கலந்துகொண்டனர்.</p> <p>தொழுகைக்குப் பிறகு, இமாம்கள் ரம்ஜான் பண்டிகையின் முக்கியத்துவம் குறித்தும், ஈகை மற்றும் சகோதரத்துவம் குறித்தும் உரையாற்றினர். அதனைத் தொடர்ந்து, உலக அமைதி வேண்டி சிறப்பு துவா (பிரார்த்தனை) செய்யப்பட்டது.</p> <h2>கட்டித்தழுவி வாழ்த்துப் பரிமாற்றம்</h2> <p>தொழுகை நிறைவடைந்ததும், அங்கிருந்த இஸ்லாமியர்கள் ஒருவரையொருவர் கட்டித்தழுவி, முகம் மலர "ஈத் முபாரக்" என ரம்ஜான் வாழ்த்துகளைத் தெரிவித்துக் கொண்டனர். ஏழை எளியவர்களுக்கு தர்மம் செய்தும் (சதக்கத்துல் பித்ர்), இனிப்புகளை வழங்கியும் தங்களது அன்பைப் பகிர்ந்து கொண்டனர்.</p> <h2>மாவட்டம் முழுவதும் களைகட்டிய கொண்டாட்டம்</h2> <p>விழுப்புரம் நகரில் உள்ள புகழ்பெற்ற மந்தக்கரை, நவாப் வாலாஜா பள்ளிவாசல், தக்கா பள்ளிவாசல், பாகர்ஷா பள்ளிவாசல் உள்ளிட்ட 20-க்கும் மேற்பட்ட பள்ளிவாசல்களில் சிறப்புத் தொழுகைகள் நடைபெற்றன. இதேபோல் மாவட்டம் முழுவதிலும் உள்ள முக்கிய ஊர்களிலும் இஸ்லாமியர்கள் புத்தாடை அணிந்து, உற்சாகமாகத் தொழுகையில் கலந்துகொண்டு ரம்ஜான் பண்டிகையைக் கொண்டாடி வருகின்றனர். அசம்பாவிதங்கள் ஏதும் நடக்காமல் இருக்க முக்கிய இடங்களில் காவல்துறை பாதுகாப்பும் பலப்படுத்தப்பட்டிருந்தது.</p>