<p>பாகிஸ்தானில் ஏற்பட்ட நிலநடுக்கமானது டெல்லி பகுதியில் உணரப்பட்டது பெரும் தாக்கத்தை ஏற்படுத்தியுள்ளது. ஏன், இதே பகுதியில், அடிக்கடி நிலநடுக்கம் உணரப்படுகிறது என்பது குறித்து தெரிந்து கொள்வோம்.</p>
<h2><strong>பாகிஸ்தான் நிலநடுக்கம்:</strong></h2>
<p>பாகிஸ்தானில் இன்று புதன்கிழமை நிலநடுக்கம் ஏற்பட்டது. இந்த நிலநடுக்கமானது இந்தியாவின் டெல்லி, சண்டிகர் உள்ளிட்ட வட இந்தியாவின் பல்வேறு பகுதிகளில் நிலநடுக்கம் உணரப்பட்டது. நிலநடுக்கத்திற்கான தேசிய மையத்தின் கூற்றுப்படி, இந்த நலநடுக்கமானது, மதியம் 12:58 மணிக்கு பாகிஸ்தானில் ஏற்பட்டது. ரிக்டர் அளவுகோலில் 5.8 அளவு பதிவாகியிருக்கிறது. , நிலநடுக்கமானது, இஸ்லாமாபாத்திற்கு தென்மேற்கே 359 கிலோமீட்டர் மற்றும் அமிர்தசரஸுக்கு மேற்கே 415 கிலோமீட்டர் தொலைவில் 33 கிலோமீட்டர் ஆழத்தில் ஏற்பட்டதாக தெரிவிக்கப்பட்டுள்ளது.</p>
<p>இந்நிலையில், இந்த பாதிப்பில் உயிர் சேதம் ஏற்பட்டதாக எந்த தகவல்கள் இல்லை.</p>
<h2>ஒரு மாதத்தில் 2 நிலநடுக்கம்:</h2>
<p>ஒரு மாதத்தில் டெல்லியில் நிலநடுக்கமானது உணரப்பட்டிருப்பது இரண்டாவது முறையாகும். கடந்த ஆகஸ்ட் மாதம் 29 ஆம் தேதி, ரிக்டர் அளவுகோலில் 5.7 என்ற அளவில் ஏற்பட்ட நிலநடுக்கம், டெல்லி-என்சிஆர் மற்றும் ராஜஸ்தான் வரை அதிர்வுகளுடன் ஆப்கானிஸ்தானை உலுக்கியது. இஸ்லாமாபாத், பஞ்சாபின் சில பகுதிகள் மற்றும் கைபர் பக்துன்க்வா மாகாணங்கள் உட்பட பாகிஸ்தானின் பல்வேறு பகுதிகளிலும் இதன் தாக்கம் உணரப்பட்டது.</p>
<p>5.7 ரிக்டர் அளவிலான நிலநடுக்கத்தின் மையம் காபூலில் இருந்து வடகிழக்கே 277 கிலோமீட்டர் தொலைவில் 255 கிலோமீட்டர் ஆழத்தில் காலை 11:26 மணிக்கு ஏற்பட்டது குறிப்பிடத்தக்கது.</p>
<h2><strong> நில நிலநடுக்கம் ஏன்?</strong></h2>
<p>இமயமலைக்கு அருகாமையில் இருப்பதால், டெல்லி மற்றும் வட இந்தியாவில் உள்ள பல்வேறு பகுதிகளில் செயலில் நில அதிர்வு மண்டலத்தில் இருக்கின்றன. இதனால் அப்பகுதி அடிக்கடி நில அதிர்வுகள் உணரப்படுகின்றன.</p>
<p>இந்திய நாடு நான்கு நில அதிர்வு மண்டலங்களாக பிரிக்கப்பட்டுள்ளது. மண்டலம் 5 நில அதிர்வு ரீதியாக மிகவும் செயலில் உள்ள பகுதியாகும், அதே நேரத்தில் மண்டலம் 2 குறைவாக உள்ளது பகுதியாகவும் பிரிக்கப்பட்டுள்ளது. டெல்லி நில அதிர்வு மண்டலம் 4 இன் கீழ் வருகிறது எனவும் தெரிவிக்கப்பட்டுள்ளது.</p>
1 year ago
7 
