<p>மத்திய அரசுப் பல்கலைக்கழகங்களிலும் தனியார் பல்கலைக்கழகங்களிலும் கலை, அறிவியல் படிப்புகளில் சேர நடத்தப்படும் க்யூட் தேர்வுக்கு விண்ணப்பிக்க இன்றே கடைசித் தேதி ஆகும்.</p>
<h2><strong>அது என்ன க்யூட் தேர்வு?</strong></h2>
<p>நாடு முழுவதும் உள்ள மத்திய பல்கலைக்கழகங்கள், க்யூட் தேர்வை அனுமதித்த மாநில அரசின் பல்கலைக்கழகங்கள் மற்றும் தனியார் பல்கலைக்கழகங்களில் இளங்கலை மற்றும் முதுகலை கலை, அறிவியல் படிப்புகளில் சேர பல்கலைக்கழகங்களுக்கான பொது நுழைவுத் தேர்வு (<strong>CUET-UG 2025) </strong>நடத்தப்படுகிறது. இந்தத் தேர்வு க்யூட் தேர்வு என்று அழைக்கப்படுகிறது.</p>
<p>2022-23ஆம் கல்வி ஆண்டு முதல் இந்தத் தேர்வு முதல் கட்டாயம் ஆக்கப்பட்டது. என்.சி.இ.ஆர்.டி. 12ஆம் வகுப்புப் பாடத்திட்டத்தின் அடிப்படையில் இந்தத் தேர்வு நடத்தப்படுகிறது. ஆண்டுதோறும் தேசியத் தேர்வுகள் முகமை இந்தத் தேர்வை நடத்துகிறது</p>
<p>தேர்வுக்கு மாணவர்கள் மார்ச் 1ஆம் தேதி முதல் விண்ணப்பித்து வரும் நிலையில், விண்ணப்பிக்க இன்றே (மார்ச் 22) கடைசித் தேதி ஆகும். இதுகுறித்த நினைவூட்டலை தேசியத் தேர்வுகள் முகமை நேற்று வெளியிட்டதன் மூலம், இனி விண்ணப்ப அவகாசம் நீட்டிக்கப்படாது என்றே எதிர்பார்க்கப்படுகிறது.</p>
<p>மாணவர்கள் கிரெடிட்/ டெபிட் கார்டு, நெட் பேங்க்கிங் அல்லது UPI மூலம் நாளை (மார்ச் 23ஆம் தேதி) நள்ளிரவு 11.50 மணி வரை விண்ணப்பக் கட்டணத்தைச் செலுத்தலாம். மார்ச் 24 முதல் 26ஆம் தேதி வரை விண்ணப்பங்களில் திருத்தம் செய்ய முடியும்.</p>
<h2><strong>தேர்வு எப்போது?</strong></h2>
<p>2025ஆம் ஆண்டுக்கான க்யூட் தேர்வு மே 8 முதல் ஜூன் 1ஆம் தேதி வரை நடைபெற உள்ளது. தேர்வு மையம் மற்றும் ஹால் டிக்கெட் உள்ளிட்ட விவரங்கள் எப்போது வெளியாகும் என்ற விவரம் இன்னும் வெளியாகவில்லை.</p>
<h2><strong>விண்ணப்பிப்பது எப்படி?</strong></h2>
<ul>
<li>தேர்வர்கள் <a href="https://cuet.nta.nic.in/">https://cuet.nta.nic.in/ </a>- என்ற இணையதள லிங்கை க்ளிக் செய்யவும். </li>
<li>“Register” என்பதை க்ளிக் செய்யவும். </li>
<li>CUET UG Login Id ஐ உருவாக்கவும். </li>
<li>பெயர், பிறந்த தேதி உள்ளிட்ட சுயவிவர குறிப்புகளுடன் உயர்கல்வி படிப்பு பற்றிய விவரங்ககள், புகைப்படங்கள் ஆகியவற்றை பதிவு செய்யவும். </li>
<li>என்.டி.ஏ. கொடுக்கப்பட்ட அளவுகளில் சான்றிதழ் மற்றும் புகைப்படங்களை பதிவேற்றம் செய்ய வேண்டும். </li>
<li>விண்ணப்ப கட்டணம் செலுத்தினால் விண்ணப்ப பதிவு முடிந்துவிடும். </li>
</ul>
<p>இது தொடர்பான கூடுதல் விவரங்களை அறிய <a href="https://cdnbbsr.s3waas.gov.in/s3d1a21da7bca4abff8b0b61b87597de73/uploads/2025/03/2025030146.pdf">https://cdnbbsr.s3waas.gov.in/s3d1a21da7bca4abff8b0b61b87597de73/uploads/2025/03/2025030146.pdf</a> என்ற இணைப்பை க்ளிக் செய்ய வேண்டும்.</p>
<p><strong>தொடர்புக்கு: 011-40759000, <a href="mailto:
[email protected]">
[email protected]</a> </strong></p>
9 months ago
5 
