<blockquote class="twitter-tweet" data-media-max-width="560">
<p dir="ltr" lang="en">Two months of hard work by many people have gone in vain because of one recording. <br /><br />I humbly request everyone not to engage in such practices, as they spoil the overall experience. Thank you.</p>
— Lokesh Kanagaraj (@Dir_Lokesh) <a href="https://twitter.com/Dir_Lokesh/status/1836407846491083214?ref_src=twsrc%5Etfw">September 18, 2024</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>”<strong>ஒரே ஒரு ரெக்கார்டிங்கால, பல பேரோட இரண்டு மாச உழைப்பு போச்சு. யாரும் இந்த மாதிரி பண்ணாதீங்க. ப்ளீஸ்..” கூலி சீன் லீக் ஆனதைத் தொடர்ந்து லோகேஷ் கனகராஜ் ட்வீட் செய்திருக்கிறார்.</strong></p>
<h2>கூலி</h2>
<p>லோகேஷ் கனகராஜ் இயக்கத்தில் ரஜினிகாந்த் தற்போது நடித்து வரும் படம் கூலி. இப்படத்தில் நாகர்ஜூனா , உபேந்திரா , செளபின் சாஹிர் , ஸ்ருதி ஹாசன் , சத்யராஜ் உள்ளிட்ட நடிகர்கள் நடித்து வருகிறார்கள். அனிருத் இப்படத்திற்கு இசையமைக்க சன் பிக்ச்சர்ஸ் தயாரித்து வருகிறது. கடந்த ஜூலை மாதம் இப்படத்தின் படப்பிடிப்பு தொடங்கியது. ஹைதராபாத்தில் தொடங்கிய இப்படத்தின் படப்பிடிப்பு பின் சென்னையில் நடைபெற்றது. தற்போது விசாகபட்டினம் ஹார்பரில் படப்பிடிப்பு நடைபெற்று வருகிறது</p>
<h2>இணையத்தில் கசிந்த கூலி படக் காட்சிகள்</h2>
<p>கூலி படத்தின் படபிடிப்பு காட்சிகள் தற்போது இணையதளத்தில் கசிந்துள்ளன. நடிகர் நாகர்ஜூனாவின் காட்சிகள் படமாக்கப்பட்டு வந்தபோது அதனை படப்பிடிப்பு தளத்தில் செல்ஃபோனில் யாரோ வீடியோ எடுத்து இணையதளத்தில் வெளியிட்டுள்ளார்கள். வழக்கமான லோகேஷ் கனகராஜ் படத்தின் வில்லன்கள் செய்வது போல் நாகர்ஜூனா கொடூரமாக ஒருவரை குத்திக் கொல்லும் காட்சி வீடியோவாக சமூக வலைதளத்தில் பரவி வருகிறது. இந்த வீடியோவை பலரும் பகிர்ந்து வரும் நிலையில் அது குறித்து படக்குழு சட்டப்பூர்வ நடவடிக்கை எடுக்கும் என்று எதிர்பார்க்கப்படுகிறது.</p>
<h2>வேட்டையன் </h2>
<p>த.செ.ஞானவேல் இயக்கத்தில் ரஜினிகாந்த் நடித்துள்ள படம் வேட்டையன். அமிதாப் பச்சன் , மஞ்சு வாரியர் , ஃபகத் ஃபாசில் , ரித்திகா சிங் , துஷாரா விஜயன் உள்ளிட்டவர்கள் இப்படத்தில் நடித்துள்ளார்கள். லைகா ப்ரோடக்‌ஷன்ஸ் இப்படத்தை தயாரித்துள்ளது . பேட்ட , தர்பார் , ஜெயிலர் ஆகிய படங்களைத் தொடர்ந்து இப்படத்திற்கு அனிருத் இசையமைத்துள்ளார். வரும் அக்டோபர் மாதம் 10 ஆம் தேதி வேட்டையன் படம் வெளியாக இருக்கும் நிலையில் தற்போது இப்படத்தின் முதல் பாடலான மனசிலாயோ பாடல் வெளியாகியுள்ளது. </p>
<p> </p>
1 year ago
7 
