<p>தமிழக வெற்றிக் கழகம் ஆட்சிக்கு வந்த 40 நாட்களில் என்னவெல்லாம் செய்தது என சட்டமன்றத்தில் முதலமைச்சர் விஜய் பட்டியலிட்டு பேசியுள்ளார். </p>
<p>தமிழக சட்டமன்றத்தில் ஆளுநர் உரைக்கு நன்றி தெரிவிக்கும் தீர்மானத்தின் மீது விஜய் இன்று பதிலுரை அளித்தார். அப்போது தவெக ஆட்சிக்கு வந்து என்ன செய்தீர்கள் என எதிர்க்கட்சிகள் கேட்கிறார்கள். அவர்களுக்கு உதாரணமாக சில திட்டங்கள், அறிவிப்புகளை <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> பட்டியலிட்டார்.</p>
<h2>40 நாட்கள் ஆட்சியில் தவெக செய்தது என்ன?</h2>
<p>1. பெண்கள் பாதுகாப்புக்கென சிங்கப்பெண்கள் சிறப்பு படை<br />2. 200 யூனிட் இலவச மின்சாரம் <br />3. போதைப்பொருள் புழக்கத்தை தடுக்க அமைப்பு<br />4. குறுவை நெல் சாகுபடியை ஊக்குவிக்க ரூ.134.83 கோடி சிறப்பு தொகுப்பு திட்டம்.<br />5. 717 டாஸ்மாக் கடைகள் மூடல் - அங்கு பணியாற்றியவர்களுக்கு வேறு கடைகளில் வேலை <br />6. அம்மா உணவகங்கள் புதுப்பிக்கும் பணி <br />7. பத்திரப்பதிவு துறையில் பகல் கொள்ளைக்கு முற்றுப்புள்ளி - வருகையில்லா ஆவணப்பதிவு நடைமுறை திட்டம் <br />8. அரசு மற்றும் தனியார் மருத்துவமனையில், ஸ்கேன் மையங்களில் கருவுறுவதற்கு முன், பின் நடைபெறும் தவறுகளை கண்டறியவும், விதிகள் பின்பற்றப்படுகிறதா என்பதை கண்காணித்தல் <br />9. கூட்டுறவு வங்கிகளில் ஏழை எளிய மக்கள் வாங்கிய கடனுக்காக முதற்கட்டமாக ரூ.2045 கோடி தள்ளுபடி <br />10. மத்திய அரசால் கடந்த 2 ஆண்டால் நிறுத்தி வைக்கப்பட்டிருந்த ஜல்ஜீவன் திட்டம் மீண்டும் கொண்டு வரப்பட்டுள்ளது. <br /> 11. காஞ்சிபுரம் மாவட்டம் மைய விரிவாக்க திட்டம் <br />12. கோவையில் மின்னணு பொருட்கள், அமைப்புகள் உற்பத்தி திட்டம்<br />13. திருவள்ளூரில் காட்டுப்பள்ளி கப்பல் கட்டும் தளம் ஒப்பந்தம் போடப்பட்டுள்ளது. <br />14. சட்ட விரோத கல்குவாரி, அனுமதியின்றி கனிம வளம் எடுத்து செல்வது தடுத்தல் <br />15. அனைத்து நிர்வாக நடவடிக்கைகளும் மின்னணு முறையில் மாற்றம் கொண்டு வர நடவடிக்கை<br />16. அனைத்து துறைகளிலும் லஞ்ச, லாவண்யம் இல்லாத நடவடிக்கை முடுக்கி விடப்பட்டுள்ளது. <br />17. கனிமங்களை கண்காணிப்பது, எல்லைகள் நிர்ணயிப்பது, ஆளில்லா விமானம் மூலம் அளவிடுவது தொடர்பான நடவடிக்கைகள் மேற்கொள்வது போன்ற பல விஷயங்கள் இந்த 40 நாட்களில் செய்துள்ளோம்.</p>
<h2><strong>தமிழ்நாட்டை மாற்றிக் காட்டுவோம்</strong></h2>
<p>இனிவரும் நாட்களில் படிப்படியாக உழைத்து லஞ்சம் இல்லாத, வெளிப்படையான, பெண்கள் பாதுகாப்பு நிறைந்த தமிழ்நாட்டை மக்களுக்கு தருவது தான் <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> அரசின் ஒரே இலக்கு. அதை நிறைவேற்றி காட்டுவோம். எட்டு கோடி மக்கள் நம்முடன் இருக்கும்போது ஏன் இதை செய்ய முடியாது?</p>
<p>தமிழ்நாட்டின் கருவூலம் தேய்ந்து போனதைப் பற்றி எதிர்க்கட்சி தெரிவித்தது. தமிழ்நாட்டின் கஜானா திசை மாறியுள்ளது. அதைப் பற்றி வெள்ளை அறிக்கை வெளியிடப்பட்டுள்ளது. சட்டம் ஒழுங்கு பிரச்னை பற்றி கேள்வி எழுப்புகிறார். கடந்த திமுக ஆட்சியில் கடைசி 8 மாதங்களில் தமிழ்நாட்டில் சட்டம் ஒழுங்கு டிஜிபி நியமிக்கப்படாமல் இருந்தார். சட்டம் ஒழுங்கு பிரச்னை பற்றி மக்கள் நலன் சார்ந்த கருத்துகளை தெரிவிக்கலாம். </p>
4 months ago
10 
