<p>பள்ளி மாணவர்களிடையே நீரிழிவு, உடல் பருமன், பல் பிரச்சினைகள் உள்ளிட்டவை நாளுக்கு நாள் அதிகரித்து வரும் நிலையில், பள்ளிகளில் சர்க்கரை பலகை வைக்குமாறு சிபிஎஸ்இ உத்தரவு பிறப்பித்துள்ளது. தேசிய குழந்தைகள் உரிமைகள் பாதுகாப்பு ஆணையம் (NCPCR) அறிவுறுத்தலின்படி இந்த உத்தரவு பிறப்பிக்கப்பட்டுள்ளது.</p>
<p>இதுகுறித்து வெளியான அறிவுறுத்தலின்படி, ’’சர்க்கரையை கூடுதலாக உட்கொள்வது நீரிழிவை மட்டுமல்ல, உடல் பருமன், பல் பிரச்சினை மற்றும் பிற மெட்டபாலிக் பிரச்சினைகளையும் ஏற்படுத்தும். இது குழந்தைகளின் நீண்ட நேர உடல்நலன் மற்றும் கல்வி செயல்திறனில் தாக்கத்தை ஏற்படுத்தும்.</p>
<h2><strong>யார் யார் எவ்வளவு இனிப்பு?</strong></h2>
<p>வழக்கமாக குழந்தைகள் 5 சதவீதம் அளவுக்கே இனிப்புகளை எடுத்துக்கொள்ள வேண்டும். ஆனால் 4 முதல் 10 வயது வரையிலான குழந்தைகள் தினந்தோறும் 13 சதவீத அளவுக்கு எடுத்துக் கொள்கின்றனர். 11 முதல் 18 வயது வரையிலான குழந்தைகளுக்கு 15 சதவீத அளவுக்கு தினசரி கலோரி உணவுகளை எடுத்துக் கொள்கின்றனர். </p>
<p>இனிப்பு நிறைந்த சிற்றுண்டிகள், குளிர்பானங்கள், பதப்படுத்தப்பட்ட உணவுகள் ஆகியவை அடக்கம். இது டைப் 2 வகை நீரிழிவு, உடல் பருமன், பல் பிரச்சினைகள் மற்றும் பிற வளர்சிதை மாற்றக் கோளாறுகளை ஏற்படுத்தும்’’ என்று சிபிஎஸ்இ வலியுறுத்தி உள்ளது.</p>
<h2><strong>பள்ளிகள் என்ன செய்ய வேண்டும்?</strong></h2>
<p>சர்க்கரை தொடர்பான விழிப்புணர்வு தகவல்கள் அடங்கிய பலகைகளை அமைக்க வேண்டும். அந்த பலகையில்,</p>
<p>• பரிந்துரைக்கப்பட்ட தினசரி சர்க்கரை உட்கொள்ளல்</p>
<p>• பொதுவாக உட்கொள்ளும் உணவுகள் மற்றும் பானங்களில் சர்க்கரை இருப்பது</p>
<p>• அதிகப்படியான சர்க்கரை நுகர்வு ஏற்படுத்தும் உடல்நல அபாயங்கள்</p>
<p>• சர்க்கரை பொருட்களுக்கு ஆரோக்கியமான மாற்றுகள்</p>
<p>• மாணவர்கள் கவனத்துடன் சாப்பிடும் பழக்கம் மற்றும் குறைக்கப்பட்ட சர்க்கரை உட்கொள்ளலின் நீண்டகால நன்மைகள் குறித்து கல்வி கற்பிக்க விழிப்புணர்வு கருத்தரங்குகள் மற்றும் பட்டறைகளை நடத்துதல் ஆகியவை குறித்து, விழிப்புணர்வை ஏற்படுத்த வேண்டும் என்று தெரிவிக்கப்பட்டுள்ளது.</p>
4 months ago
5 
