<p>சிபிஎஸ்இ 12ஆம் வகுப்புத் தேர்வு முடிவுகள் நாளை (மே 2) வெளியாகலாம் என்று தகவல் வெளியாகி உள்ளது. எனினும் இது அதிகாரப்பூர்வ தகவல் இல்லை. இந்த நிலையில், டிஜிலாக்கர், மொபைல், இணையதளம் ஆகியவற்றின் மூலம் இந்தத் தேர்வு முடிவுகளைக் காணலாம்.</p>
<h2><strong>நாளை வெளியாகும் தேர்வு முடிவுகள்? </strong></h2>
<p>நாடு முழுவதும் பல்வேறு கல்வி வாரியங்கள் தங்களின் வாரியத்தின்கீழ் நடைபெற்ற 10, 12ஆம் வகுப்புத் தேர்வுகளின் முடிவுகளை வெளியிட்டு வருகின்றன. இந்த நிலையில், சிபிஎஸ்இ மத்திய இடைநிலைக் கல்வி வாரியத்தின் சார்பில் 2024- 25ஆம் ஆண்டு கல்வி ஆண்டின் 12ஆம் வகுப்புப் பொதுத்தேர்வு பிப்ரவரி 15ஆம் தேதி அன்று தொடங்கியது. ஏப்ரல் 4ஆம் தேதி முடிவு பெற்றது. நாடு முழுவதும் மற்றும் 26 வெளிநாடுகளில், ஆயிரக்கணக்கிலான தேர்வு மையங்களில் இந்தத் தேர்வுகள் நடைபெற்றன.</p>
<p>தொடர்ந்து நாளை (மே 2) காலை 11 மணிக்கு சிபிஎஸ்இ 12ஆம் வகுப்புப் பொதுத்தேர்வு முடிவுகள் வெளியாகும் என்று தகவல் வெளியாகி உள்ளது. எனினும் இதை வாரியம் உறுதி செய்யவில்லை.</p>
<h2><strong>கடந்த ஆண்டு விவரங்கள்</strong></h2>
<p>கடந்த 2024ஆம் ஆண்டுக்கான பிளஸ் 2 தேர்வு முடிவுகள் மே 13ஆம் தேதி வெளியாகின. அப்போது 12ஆம் வகுப்புத் தேர்ச்சி விகிதம் 87.98 ஆகவும் 10ஆம் வகுப்புத் தேர்ச்சி வீதம் 93.6 ஆகவும் இருந்தது. அதேபோல 2023-ல் மே 12ஆம் தேதி தேர்வு முடிவுகள் வெளியாகின.</p>
<p>இந்த நிலையில் தேர்வு முடிவுகளைக் காண்பது எப்படி என்று பார்க்கலாம்.</p>
<h2><strong>இணையதளத்தில் காண்பது எப்படி?</strong></h2>
<p>சிபிஎஸ்இ தேர்வு முடிவுகளை மாணவர்கள் <strong>cbseresults.nic.in</strong><strong>, </strong><strong>cbse.nic.in</strong><strong> </strong>மற்றும்<strong> </strong><strong>cbse.gov.in</strong> ஆகிய இணையதளத்தில் சென்று பார்த்து தெரிந்து கொள்ளலாம். அதேபோல <a href="https://results.cbse.nic.in/">https://results.cbse.nic.in/</a> என்ற இணையதளத்திலும் தேர்வு முடிவுகள் வெளியாக உள்ளன.</p>
<h2><strong>குறுஞ்செய்தி மூலம் பார்ப்பது எப்படி?</strong></h2>
<p>பிளஸ் 2 மாணவர்கள், எஸ்எம்எஸ் மூலமாகவும் தேர்வு முடிவுகளைக் காணலாம். இதற்கு 7738299899 என்ற எண்ணுக்குக் குறுஞ்செய்தி அனுப்பலாம். குறிப்பாக CBSE12 {roll number} {school number} {center number} என்று டைப் செய்து, 7738299899 என்ற எண்ணுக்கு செய்தி அனுப்பினா, 12ஆம் வகுப்பு தேர்வு முடிவுகள் திரையில் தோன்றும்.</p>
<h2><strong>டிஜி லாக்கர் (Digilocker) மூலம் காண்பது எப்படி?</strong></h2>
<ul>
<li>டிஜிலாக்கர் இணையதளத்துக்குச் செல்லவும்.</li>
<li>பதிவுசெய்யப்பட்ட மொபைல் எண், மின்னஞ்சல் ஐடி மற்றும் கடவுச்சொல்லுடன் லாகின் செய்யவும்.</li>
<li>இப்போது ஆவணங்கள் பிரிவுக்குச் சென்று, உங்கள் CBSE 12வது மதிப்பெண் அட்டையை பிடிஎஃப் வடிவில் பெற்று, அதைப் பதிவிறக்கம் செய்யலாம்.</li>
</ul>
<p><strong>செயலி வழியாகவும் பார்க்கலாம் </strong><strong>( CBSE 12th Result 2025 Via App)</strong></p>
<ul>
<li>2025ஆம் ஆண்டுக்கான CBSE 12ஆம் வகுப்பு தேர்வு முடிவுகளை செயலி மூலம் சரிபார்க்க, மாணவர்கள் Google Playstore-ல் இருந்து CBSE Class 12 result app என்ற செயலியைப் பதிவிறக்கம் செய்ய வேண்டும்.</li>
<li>அதில், CBSE 12 ஆம் வகுப்பு தேர்வு முடிவு லிங்க் என்னும் இணைப்பைக் கிளிக் செய்து, roll number, roll code ஆகியவற்றின் மூலம் லாகின் செய்யவும்.</li>
<li>CBSE 12ஆம் வகுப்புப் பொதுத்தேர்வு மதிப்பெண் அட்டையை PDF வடிவில் பதிவிறக்கம் செய்துகொள்ளவும்.</li>
<li>தேவைப்படும்போது, பிரிண்ட் அவுட் எடுத்து வைத்துக்கொள்ளலாம்.</li>
</ul>
7 months ago
5 
