<p>நான் சினிமாவுக்கு வருவதாக சொன்னபோது அப்பா தங்கம் தென்னரசு விருப்பம் தெரிவிக்கவில்லை என நடிகை இமயா தெரிவித்துள்ளார். </p>
<p>இயக்குநர் கிஷோர் குமார் சினிமாவில் அறிமுகமாகியுள்ள படம் “ஹார்ட்டின்”. இந்த படத்தில் சனந்த் ஹீரோவாக நடித்துள்ளார். இவர் ஜில் ஜங் ஜக் மற்றும் மகான் ஆகிய படங்களில் துணை வேடங்களில் நடித்து ரசிகர்களிடையே பிரபலமானவர். மேலும் இந்த படத்தில் ஹீரோயின்களாக மடோனா செபாஸ்டியன், இமயா ஆகியோர் நடித்துள்ளனர். இமயா முன்னாள் திமுக அமைச்சர் தங்கம் தென்னரசுவின் மகளாவார். நேரம், பிரேமம் படங்களுக்கு இசையமைத்த ராஜேஷ் முருகேசன் இப்படத்திற்கு இசையமைத்துள்ளார். ஹார்ட்டின் படம் ஜூன் 26ம் தேதி வெளியாகும் என தெரிவிக்கப்பட்டுள்ளது. இப்படியான நிலையில் படத்தின் இசை வெளியீட்டு விழா நேற்று நடைபெற்றது.</p>
<p><iframe title="Farmer Slaps Officer |அரசு அலுவலகத்தில் அதிகாரியை செருப்பால் அடித்த விவசாயி!”எவ்ளோ நாள் WAIT பண்றது”" src="https://www.youtube.com/embed/rUaW1cBzI_s" width="1022" height="575" frameborder="0" allowfullscreen="allowfullscreen"></iframe></p>
<p>இந்நிகழ்ச்சியில் நடிகை இமயா பேசுகையில், “இது என்னுடைய முதல் படம். ரொம்ப ஸ்பெஷலானது. இந்த வாய்ப்பை எங்களை மாதிரியான புதுமுகங்களுக்கு வழங்கிய ரவீந்திரனுக்கு நன்றி தெரிவித்துக் கொள்கிறேன். இப்படம் எல்லாருக்கும் எளிதில் கனெக்ட் ஆகும் வகையில் அமையும். ஏதாவது ஒரு வகையில் கண்டிப்பாக ஹார்ட்டின் படம் மனதுக்கு நெருக்கமாக அமையும். இந்த படக்குழு ரொம்ப அழகானது. அது அமைவது என்பது அரிதான விஷயமாகும். இந்த படத்தில் நடித்த, இடம்பெற்ற கலைஞர்கள் பலரும் எனக்கு நிறைய விஷயங்கள் கற்றுக் கொடுத்தார்கள். இந்த படத்தில் மடானா செபாஸ்டியனின் சிறப்பான நடிப்பைக் காணலாம். இந்த வாய்ப்பை வழங்கியதற்கு நன்றி. இந்த படத்தைக் கண்டிப்பாக தியேட்டரில் சென்று பாருங்கள் என தெரிவித்தார். </p>
<p><strong>Also Read: <a title="என்னை புரிந்துகொள்ளாதவர்கள் தான் தற்குறி...மீண்டும் சர்ச்சையை கிளப்பிய சோலார் ஸ்டார் மகேந்திரன்" href="https://tamil.abplive.com/entertainment/actor-master-mahendran-clarification-on-his-statement-on-power-shut-down-in-tamilnadu-264087" target="_blank" rel="noopener">என்னை புரிந்துகொள்ளாதவர்கள் தான் தற்குறி...மீண்டும் சர்ச்சையை கிளப்பிய சோலார் ஸ்டார் மகேந்திரன்</a></strong></p>
<p>இதனைத் தொடர்ந்து படக்குழுவினரிடம் கேள்வி பதில் நிகழ்வு நடைபெற்றது. இதில் இமயாவிடம், “நீங்கள் சினிமாவுக்கு வரலாம் என எடுத்த முடிவுக்கு பாராட்டுகள். இந்த முடிவுக்கு உங்கள் அப்பா தங்கம் தென்னரசு, அத்தை தமிழச்சி தங்கப்பாண்டியன் என்ன அறிவுரை வழங்கினார்கள்?” என்ற கேள்வி முன்வைக்கப்பட்டது. </p>
<p>அதற்கு பதிலளித்த அவர், “சினிமாவே வேண்டாம் என சொன்னார்கள். ஆரம்பத்தில் அப்பா, அத்தைக்கு இஷ்டமே இல்லை. ஆனால் என்னுடைய தொடர் முயற்சியின் காரணமாக சரி ஒருமுறை மட்டும் முயற்சி செய்து பார் என சொன்னார்கள். எனக்கும் நடிக்க வந்ததில் ஒரு பக்கம் பயமும், மறுபக்கம் மகிழ்ச்சியாகவும் இருந்தது” என தெரிவித்தார். இதனைத் தொடர்ந்து உதயநிதி <a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a>, முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> ஆகிய இருவரும் சினிமா ஹீரோக்களாக இருந்தவர்கள். நீங்கள் சிறு வயதில் இவர்களில் யார் படத்தை விரும்பி பார்ப்பீர்கள் என்ற கேள்வி கேட்கப்பட்டது. அதற்கு பதில் சொன்ன இமயா, “நான் சூர்யாவின் ரசிகை” என பட்டென பதில் சொல்லி முடித்தார். </p>
4 months ago
9 
