Actor Jagan: ப்ரோமோஷன்களுக்கு என்னை ஏன் கூப்பிடவில்லை: இந்தியன் 2 படக்குழுவை விமர்சித்த ஜகன்

<h2>இந்தியன் 2</h2> <p>கமல்ஹாசன் நடித்து ஷங்கர் இயக்கியுள்ள இந்தியன் 2 வரும் ஜூலை 12 ஆம் தேதி திரையரங்குகளில் வெளியாக இருக்கிறது. காஜல் அகர்வால் , ரகுல் ப்ரீத் , பிரியா பவாணி சங்கர் , சித்தார்த் , பாபி சிம்ஹா , எஸ்.ஜே சூர்யா , ஜகன் உள்ளிட்ட பல்வேறு நடிகர்கள் இப்படத்தில் நடித்துள்ளார்கள். அனிருத் இசையமைத்துள்ளார். லைகா ப்ரோடக்&zwnj;ஷன்ஸ் இந்தப் படத்தை தயாரித்துள்ளது. இந்தியா , மலேசியா , சிங்கப்பூர் , துபாய் உள்ளிட்ட நாடுகளில் இந்தியன் 2 படத்தின் ப்ரோமோஷன்களில் படத்தின் நடிகர்கள் மற்றும் இயக்குநர் ஷங்கர் கலந்துகொண்டார்கள். கமல்ஹாசன் , சித்தார்த் , எஸ்.ஜே சூர்யா உள்ளிட்டவர்கள் இந்த ப்ரோமோஷன் நிகழ்ச்சிகளி கலந்து கொண்டார்கள் . அதே நேரம்&nbsp; இந்தியன் 2 படத்தில் நடித்துள்ள நடிகர் ஜகன் கடந்த சில வாரங்களாக தொடர்ச்சியாக பல்வேறு நேர்காணல்களில் சோலோவாக கலந்துகொண்டு வருகிறார். இதில் <a title="கமல்ஹாசன்" href="https://tamil.abplive.com/topic/kamal-haasan" data-type="interlinkingkeywords">கமல்ஹாசன்</a> பற்றிய பல சுவாரஸ்யமான தகவல்களை அவர் பேசி வருகிறார்.&nbsp;</p> <p>இப்படியான நிலையில் இந்தியன் 2 படத்திற்கான ப்ரோமோஷன் நிகழ்ச்சிகளில் தன்னை ஏன் கூப்பிடவில்லை என்று நடிகர் ஜகன் விமர்சித்துள்ளார்.&nbsp;</p> <h2>என்னை ஏன் கூப்பிட வில்லை</h2> <p>2005 ஆம் ஆண்டு வெளியான கண்ட நாள் முதல் படத்தின் மூலம் அறிமுகமானவர் நடிகர் ஜகன். பொன்னியின் செல்வன் , பொறி , சிதம்பரத்தில் ஒரு அப்பாசாமி , இதயத் திருடன் , வல்லவன் உள்ளிட்ட பல்வேறு படங்களில் நடித்த ஜகனுக்கு கே . வி ஆனந்த் இயக்கத்தில் சூர்யா நடித்த அயன் படம் தான் மிகப்பெரிய அடையாளமாக அமைந்தது. இது குறித்து பேசிய ஜகன் &lsquo;நான் எத்தனையோ படங்களில் சிறப்பான கதாபாத்திரங்களில் நடித்திருந்தாலும் இன்று வரை அயன் பட ஜகனாக தான் மக்கள் நினைவில் வைத்திருக்கிறார்கள்.&nbsp; கடந்த இருபது ஆண்டுகளாக சினிமாவில் பணியாற்றி வந்தாலும் எனக்கேற்ற அங்கீகாரம் கிடைக்கவில்லை. இயக்குநர் லோகேஷ் கனகராஜிடன் நானும் நடிகர் தான் என்று சொன்னேன். வாய்ப்பிருந்தால் கண்டிப்பாக சொல்வதாக அவர் சொன்னார். இன்றுவரை கூப்பிடவில்லை. இந்தியன் 2 படத்தில் நான் நடித்திருக்கும் கேரக்டருக்கு இரண்டு நபர்களை தேர்வு செய்து வைத்திருந்தார்கள். கே வி ஆனந்த் சார் தான் எனக்காக ஷங்கரிடம் பேசியிருக்கிறார். அவர் எனக்காக பேசியதை கூட என்னிடம் சொல்லவில்லை . அதற்கு பிறகு தான் எனக்கு அந்த வாய்ப்பு கிடைத்தது. நான் இந்தியன் 2 படத்தில் முக்கிய் கதாபாத்திரத்தில் நடித்திருப்பதாக நினைத்துக் கொண்டிருக்கிறேன் . ஆனால் இந்தப் படத்தில் நான் நடித்திருக்கிறேன் என்பது படத்தின் தயாரிப்பாளர்களுக்கு கூட தெரியாது. ப்ரோமோஷன் நிகழ்ச்சிகளுக்கு கூட என்னை யாரும் கூப்பிடவில்லை. &ldquo; என்று ஜகன் தெரிவித்துள்ளார்.&nbsp;</p>