<p>ஜூன்‌, ஜூலை 2025ஆம் ஆண்டு நடைபெற உள்ள மேல்நிலை இரண்டாம்‌ ஆண்டு துணைத்‌ தேர்வு, தனித்தேர்வர்கள்‌ தேர்வுக்கூட நுழைவுச்‌ சீட்டுகளை, இன்று (ஜூன் 19) முதல் இணையதளம்‌ மூலம் பதிவிறக்கம்‌ செய்து கொள்ளலாம்.</p>
<p>இதுகுறித்து அரசுத்‌ தேர்வுகள்‌ இயக்ககம்‌ வெளியிட்ட செய்திக்‌ குறிப்பு</p>
<p>நடைபெறவுள்ள ஜூன்‌, ஜூலை 2025, மேல்நிலை இரண்டாம் ஆண்டு துணைத்‌ தேர்வெழுத விண்ணப்பித்தத்‌ தனித்தேர்வர்கள்‌ (தத்கல்‌ உட்பட) தங்களது தேர்வுக்‌ கூட நுழைவுச்‌ சீட்டுகளை 19.06.2025 (வியாழக்கிழமை) அன்று பிற்பகல்‌ முதல்‌ <a href="http://www.dge.tn.gov.in/">http://www.dge.tn.gov.in/</a> என்ற இணையதளத்தின்‌ மூலம்‌ பதிவிறக்கம்‌ செய்து கொள்ளலாம்‌.</p>
<h2><strong>ஹால் டிக்கெட்டைப் பதிவிறக்கம் செய்வது எப்படி?</strong></h2>
<p>தனித்தேர்வர்கள்‌ <a href="http://www.dge.tn.gov.in/">http://www.dge.tn.gov.in/</a> இணைய தளத்திற்குச்‌ சென்று முதலில்‌ HALL TICKET என்ற வாசகத்தினை Click செய்தால்‌ ஒரு பக்கம் தோன்றும்.</p>
<p>அதில்‌ “HSE SECOND YEAR SUPPLEMENTARY EXAM, JUNE/ JULY 2025 - HALL TICKET DOWNLOAD” என்ற வாசகத்தை Click செய்ய வேண்டும். அதில், தோன்றும்‌ பக்கத்தில் விண்ணப்ப எண் (Application Number) அல்லது நிரந்தரப்‌ பதிவு எண் (Permanent Register No.) மற்றும்‌ பிறந்த தேதியினைப்‌ பதிவு செய்து, அவர்களுடைய தேர்வுக்‌ கூட நுழைவுச்‌ சீட்டைப்‌ பதிவிறக்கம்‌ செய்து கொள்ளலாம்‌.</p>
<p>செய்முறைத்‌ தேர்வுக்கான தேதி குறித்த விவரத்தைத்‌ தனித்தேர்வர்கள்‌ தமக்கு ஒதுக்கீடு செய்யப்பட்‌டுள்ள தேர்வு மையத்தின்‌ முதன்மைக்‌ கண்காணிப்பாளரை அணுகி அறிந்துகொள்ள வேண்டும்‌.</p>
<p>உரிய தேர்வுக்கூட நுழைவுச்‌ சீட்டின்றி எந்த ஒரு தேர்வரும்‌ தேர்வெழுத அனுமதிக்கப்படமாட்டார்கள்‌.</p>
<h2><strong>தேர்வு தேதிகள் என்னென்ன?</strong></h2>
<p>பிளஸ் 2 துணைத் தேர்வுகள் ஜூன் 25ஆம் தேதி முதல் ஜூலை 2ஆம் தேதி வரை நடைபெற உள்ளன.</p>
<p>ஜூன்‌, ஜூலை 2025, மேல்நிலை இரண்டாம்‌ ஆண்டு துணைத்‌ தேர்விற்கான விரிவான தேர்வுக் கால அட்டவணையினை www.dge.tn.gov.in என்ற இணையதளத்திற்கு சென்று அறிந்து கொள்ளலாம்‌ என்றும் அரசுத் தேர்வுகள் இயக்ககம் தெரிவித்துள்ளது.</p>
6 months ago
5 
