10th 12th Exam Dates: நெருங்கும் தேர்தல்; 10, 12ஆம் பொதுத்தேர்வு தேதிகளில் மாற்றம்? அட்டவணை வெளியாகும் தேதி அறிவிப்பு!

<p>தமிழகத்​தில் 2025- 26ஆம் கல்வி ஆண்டுக்கான 10, 12ஆம் வகுப்​பு​களுக்​கான பொதுத் தேர்​வு​ அட்​ட​வணை, நவம்பர் மாதம் 4ஆம் தேதி வெளியாகும் என்று பள்ளிக் கல்வித்துறை சார்பில் தகவல் வெளியாகி உள்ளது.</p> <p>முன்னதாக பொதுத்தேர்வு கால அட்டவணை அக்​டோபரில் வெளி​யாகும் என ஏற்​கெனவே பள்ளிக் கல்வித்துறை அமைச்சர் அன்பில் மகேஸ் பொய்யாமொழி அறிவித்து இருந்தார். எனினும் அட்டவணை தயாரிப்​புப் பணி​களில் தாமதம் ஏற்​பட்​ட​தால், நவம்​பர் முதல் வாரத்​தில் இந்த தேதி அறிவிப்பு வெளியாகும் என்று தெரிவிக்கப்பட்டு உள்ளது.</p> <h2><strong>முதன்மைக் கல்வி அலுவலர்கள் ஆய்வுக் கூட்டம்</strong></h2> <p>நவம்பர் 4ஆம் தேதி பள்ளிக் கல்வித்துறை சார்பில் அனைத்து மாவட்ட முதன்மைக் கல்வி அலுவலர்கள், மாவட்ட கல்வி அலுவலர்கள் (இடைநிலை/ தொடக்க கல்வி/ தனியார் பள்ளிகள்)&nbsp; ஆய்வுக்கூட்டம் நடக்க உள்ளது. சென்னை, அண்ணா நூற்றாண்டு நூலக கட்டிட கூட்ட அரங்கில் காலை 9 மணிக்கு இந்த ஆய்வுக் கூட்டம் தொடங்கி நடைபெற உள்ளது.</p> <p>இந்த ஆய்வுக் கூட்டத்தில், 2025- 26ஆம் கல்வி ஆண்டுக்கான 10, 12ஆம் வகுப்பு பொதுத்தேர்வு நடைபெறும் தேதிகள் குறித்து விவாதிக்கப்பட்டு, அறிவிக்கப்படும் என்று தகவல் வெளியாகி உள்ளது.</p> <h2><strong>அடுத்த ஆண்டு சட்டப்பேரவைத் தேர்தல்</strong></h2> <p>தமிழ்நாட்டுக்கு சட்டப்பேரவைத் தேர்தல் அடுத்த ஆண்டு நடைபெற உள்ள நிலையில், அதற்கேற்ற வகையில் பொதுத் தேர்வு தேதிகள் அமைக்கப்பட்டு உள்ளதாக பள்ளிக் கல்வித்துறை அதிகாரிகள் தெரிவித்துள்ளனர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/sports/cricketers-who-got-divorced-after-marriage-237500" width="631" height="381" scrolling="no"></iframe></p>