108 ஆம்புலன்ஸ் ஊழியர்கள் வேலை நிறுத்தம்: நவம்பர் 4 முதல் தமிழகத்தில் சேவை முடங்கும் அபாயம்!

<p>கோரிக்கைகளை தமிழ்நாடு அரசு நிறைவேற்றவில்லை என்றால் நவம்பர் 4 ஆம் தேதி இரவு 8 மணி முதல் கால வரையற்ற வேலை நிறுத்த போராட்டத்தில் ஈடுபட திட்டமிட்டுள்ளதாகவும் தெரிவித்தனர்.</p> <div dir="auto"><strong>தொழிலாளர் தீர்ப்பாயம் தீர்ப்பை உடனடியாக அமல்படுத்த வேண்டும்</strong></div> <div dir="auto">&nbsp;</div> <div dir="auto">தமிழ்நாடு 108 அவசர ஊரில் தொழிலாளர்கள் சங்கத்தின் பொதுச் செயலாளர் இருளாண்டி மதுரை மாவட்ட ஆட்சியரிடம் மனு அளித்த பின்பு செய்தியாளர்களை சந்தித்து பேசுகையில்... "108 அவசர ஊர்தி சேவையை தமிழ்நாடு அரசு நேரடியாக ஏற்று நடத்த வேண்டும், தொழிலாளர் தீர்ப்பாயம் தீர்ப்பை உடனடியாக அமல்படுத்த வேண்டும், 8 மணி நேர வேலையை அமல்படுத்தி தொழிலாளர்களின் ஊதியப் பலன்களை பாதுகாக்க வேண்டும். 2026 ஆம் ஆண்டிற்கான ஊதிய உயர்வை 25 சதவீதமாக வழங்க வேண்டும், பெண் தொழிலாளர்களுக்கு சம்பளத்துடன் ஒரு ஆண்டு மகப்பேறு விடுப்பு மற்றும் மருத்துவ காப்பீடு 5 லட்சமாக உயர்த்த வேண்டும், பணியின் போது 50 இலட்சம், பணிக்கு வெளியே 30 இலட்சம் என உயிரிழப்புக்கான காப்பீட்டுத் தொகை உயர்த்தி வழங்க வேண்டும், உள்ளிட்ட 11 அம்ச கோரிக்கைகளை வலியுறுத்தி அக்டோபர் 14 ஆம் தேதி மதுரை பழங்காநத்தத்தில் பட்டினி போராட்டத்தில் ஈடுபட உள்ளோம். இதன் தொடர்ச்சியாக அக்டோபர் 3 ஆம் தேதி இரவு 8 மணி முதல் 4 ஆம் இரவு 8 மணி வரை 24 மணி நேர வேலை நிறுத்த போராட்டம் நடத்துகிறோம், கோரிக்கைகளை தமிழ்நாடு அரசு நிறைவேற்றவில்லை என்றால் நவம்பர் 4 ஆம் தேதி இரவு 8 மணி முதல் கால வரையற்ற வேலை நிறுத்த போராட்டத்தில் ஈடுபட திட்டமிட்டுள்ளோம்" என கூறினார்.</div> <div dir="auto">&nbsp;</div> <div dir="auto">108 ஆம்புலன்ஸ் ஊழியர்கள் வேலை நிறுத்தம் தமிழகத்தில் தொடர்ந்தால் மருத்துவ சேவை&nbsp; முடங்கும் அபாயம், ஏற்படும் என சொல்லப்படுகிறது.</div>